This topic contains 26 replies, has 1 voice, and was last updated by 
-
Topic
-
við höfum lækkað 38×15,5r15 super swamper SSR til ykkar úr 35900 – 5% =34105kr til 4×4.
39,5×13,5r15 super swamper Irok lækkar úr 39900kr í 37914 kr
kv Ási
-
Replies
-
Það hlýtur að vera hagsmunamál fyrir okkur að þeir sem vilja og nenna að halda að okkur nýjustu upplýsingum um sína vöru og þjónustu fái til þess aðstöðu. Þess vegna mætti vera svæði eins og síðasta uppástunga hljóðar upp á þar sem bera mætti saman verð á sömu hlutum hjá hinum ýmsu söluaðilum. Þetta ættu menn ekki að þurfa að greiða fyrir, en ætti að vera aðgreint frá spjallinu og smáauglýsingum einstaklinga. Það mætti líka bjóða fyrirtækjum að vera með sína eigin spjallþræði (aðgreindum frá þessu spjalli) og á því fengju þeir því meiri afslátt sem þeir eru duglegri að miðla upplýsingum (kannski efitt í framkvæmd). Svo ættu fyrirtæki að sjálfsögðu að eiga þess kost að kaupa auglýsingar með einhverjum hætti.
kv.
Þorsteinn Þ.
Anonymous- Umræður: 0
- Svör: 16404
Þetta eru fínar hugmyndir sem vel er þess virði að skoða vel. Það sést t.d. hérna að margir nota tækifærið og spyrja Ása út í vöruna sem hann er að selja. Það er hins vegar þessi aðgreining sem skiptir máli, það er ekki nógu gott ef upplifunin að koma inn á spjallið sé eins og að koma inn á einhverja auglýsingasíðu og þetta sé eins og að lesa svokallaðar ?fréttir? í sumum fjölmiðlum (nefni engin nöfn). Það er gott að Ási hafi áhuga á að vita hvað viðskiptavinum finnst um vöruna og þjónustuna og vilji hlusta eftir því, en það er örfín lína úr því yfir í sölumennsku sem ekki á heima á spjallinu. Við skulum því skoða það að á vefnum verði tilboðssíður og jafnvel reglulegar verðkannanir og fleiri slíkar neytendaupplýsingar, en á meðan er rétt að halda tilboðum og upplýsingum um verð og vörur í auglýsingunum.
Þetta er sama vandamál og mikið hefur verið rætt um varðandi myndaalmbúmið og sölumyndirnar þar. Flestir skoða myndaalmbúmið til þess að sjá skemmtilegar myndir úr ferðum, eða hvað menn eru að gera í skúrnum eða annað áhugavert tengt jeppum og ferðamennsku og þá eru þessar sölumyndir og sportbílamyndir að tefja mann og flækjast fyrir. Þýðir ekkert að afsaka það með því að maður geti sleppt því að skoða þetta, því til þess að komast að því hvað þetta er þarf að opna almbúmin. En þetta leysist örugglega að töluverðu leiti þegar hægt verður að setja myndir með auglýsingunum og myndaalmbúmið lokað fyrir aðra en félgsmenn.
Kv – Skúli
Er þetta félag ekki hagsmuna félag jeppamanna er það ekki í lögum félagsins Félagið ætti að standa fyrir útpoðum á vörum til féagsmanna eins og var gert í sambandi við 44" dekkin næst er það 38" og mart fleirra sem er hægt að bjóða út fyrir félagsmenn
ég er alveg sammála því að ef það er hægt að hafa þetta aðgreint þá væri það frábært mér finnst einnig mjög sanngjarnt að við borgum fyrir þessa þjónustu.Enda hef ég skráð mig í klúbinn.
ástæðan fyrir því að ég er svona mikið hér á spjallinu er sú að ég hef gaman af þessu mér finnst fátt skemtilegra en á föstudagskvöldi með öl í hönd og skoða hvað þið eruð að gera .ef ég mundi ekki tala um dekk þá hefði ég ekkert til að tala um þar sem ég veit ekkert um jeppa nema það sem þið talið um.Ég vona að við finnum lausn á þessu .
með kveðju um áfrahaldandi gott samstarf
Ási
Ótrúlegt hvað sumir geta endalaust pirrað sig á formi og efni þeirra pósta sem menn skrifa á spjallinu. Það er nú einu sinni einkenni opinna vefspjalla eins og á þessari síðu að allir geta komið þar inn og skrifað hvað sem er. Í þessu felst ákveðinn galli, (þ.e. að menn verða að geta umborið ýmislegt sem þeim finnst ekki sniðugt, rétt eða sanngjarnt). Í þessu felst jafnframt einn mesti styrkur sem flestir eru að sækjast eftir, (þ.e. algerlega opin og frjáls umræða um hvaðeina sem mönnum liggur á hjarta).
Það er einmitt það sem ég held að geri það að verkum að spjallið hér á síðunni er eins vinsælt og raun ber vitni, allir geta látið ljós sitt skína, sama hversu skært það er og án alls tillits til litbrigðis (svo maður sé nú svolítið skáldlegur)…
Menn verða bara að bíta á jaxlinn og hætta að lesa þræði sem höfða ekki til þeirra. En á meðan einhver sér ástæðu til að svara tilteknum þræði og taka þátt í umræðunni þar, þá er viðkomandi þráður einfaldlega að virka!! Ég sé ekki annað er að það sem Ási sé að veita hér upplýsingar um höfði til a.m.k. þeirra sem eru að spá og leita frekari upplýsinga.
Ferðakveðja,
BÞV
Ég verð að segja að ég er innilega sammála BÞV og fleirum, spjallið á að vera opið og fyrir alla sem hafa eitthvað til málana að leggja. Dekkjaverð er eitt af þeim málum. Hvað það varðar að hampa einni vöru fremur annarri þá gilda bara markaðslögmálin, þeir fiska sem róa. Það hljóta allir hér að hafa næga skynsemi til að velja og hafna eftir að hafa dregið ályktun af umræðuni. Ég trúi því ekki að hér þurfi að "vernda" notendur/neytendur fyrir auglýsingaskrumi.
Kveðja E.Harðar
PS: Dick Cepek er best!!!!
You must be logged in to reply to this topic.