Lada í Löngubrekku Kópav.

Fyrir áhugamenn um Lödu á stórum hjólum vil ég benda á að í þorrablótsferð Skagafjarðardeildar 2001 var ein á 44" dekkjum. Að vísu var hún víst ekki hreinræktuð.
Sjá http://www.simnet.is/oskarha/images/tho … rablot.htm

Ekkert smá tæki. Ég átti þó í hálfgerðum vandræðum með að stauta mig fram úr tækniupplýsingunum, hvað þýðir t.d. Снегоболотоход???
Kv – Skúli H. sem er farinn að ryðga í Rússnesku

Já þær standa fyrir sínu. Einhvern tíman átti ég svona grip og kvartaði ekki þó konan mín þáverandi gerði það (fannst hann heldur stirður). Sá bíll endaði lífdaga sína vegna ryðs en ekki af því kramið væri neitt að gefa sig. Endalok hans voru þau að gírkassinn datt niður þar sem hann var raunar boltaður upp í gólfið (grindarlaus) en allt var þetta orðið heldur ryðgað. Þá var bara kaðli brugðið utan um kassann og þrætt gegnum götin á gólfinu og tjakkurinn settur á gólfið þar fyrir ofan og draslið tjakkað upp. Þannig keyrði ég bílinn vestur á Snæfellsnes með band og tjakk í stað gírkassafestinga, þar sem hann var notaður í líffæraígræðslu í annan Sportara.
Kv – Skúli H.

Alveg er það merkilegt hvað eigendur Lada bifreiða eru sniðugir við að bjarga sér sbr. aðferðir SkúlaH.

Einhverntíman heyrði ég líka að þessir bílar væru ekkert sérlegar viðkvæmir fyrir olíuleysi, gætu jafnvel ekið einhverjar vegalengdir olíulausir, ég hef þó aldrei þorað að prófa það .

En vitiði hvort hægt sé að setja hásingu undir Lödu Sport að framan án þess að setja hann á grind?

Kveðja
Lada

I would rather push my Lada than drive a Land Cruiser

Fyrirgefið mér ég ætlaði ekki að særa neinn, auðvitað hefur maður heyrt um ýmsar misjafnar reddingar hjá jeppamönnum. Það sem ég átti við er að þeir sem eiga Lödu leggja oft meira á sig við að finna aðferðir til að fá bílinn sinn til að virka heldur en þeir sem kaupa sér nýrri og dýrari bíla sem kaupa þá í flestum tilfellum nýja varahluti í stað þess að láta þann gamla endast aðeins lengur. Ég er þá aðallega að tala um unga ökumennsem fá nýja bíla upp í hendurnar um leið og þeir fá bílpróf og kunna síðan ekkert fyrir sér þegar kemur að því að tíkin bilar.
En auðvitað eru flestir jeppamenn snillingar í bráðabirgða reddingum.

Kveðja
Lada

Ástæðan skal ég segja ykkur fyrir lödupælingum mínum er að mig langar að búa mér til stóra lödu sem ber 38" og hafði ég hugsað mér range rover kjalfestu til að koma því saman og mótor væri 2,4 toyota dísill túrbo alls konar,ástæðan fyrir þessari blöndu er sú að þetta fyrrnefnda dót á ég eða get fengið frítt. Af hverju mig langar að setja Lada Niva yfirbyggingu á þetta get ég ekki alveg útskýrt,ladan er bara svo skrambi flott.Partaklambrar landsins eru nú orðnir bara nokkuð margir sem hafa gert nákvæmlega það sama eða allt að því,og einu áhyggjurnar mínar eru að apparatið væri of stutt.(ég er löngu kominn upp á fjöll í huganum nefnilega)
Nú er komið að ykkur að lofa hugmyndina ellegar rakka hana niður í ég veit ekki hvað,ykkar val jeppakallar.

Sæll Batti

ég myndi halda að það væri nú lítið mál að setja hásingu undir Freðmyrarniva , ef þú finnur hásingu sem er
jafn breið, svipað öflug, með sama drifhlutfall, og helst rússnesk þá væri það frábært, en það gæti reynst erfitt þú verður bara að fara út á hauga að mæla eitthvað drasl .
Annað gætirðu gert tað er að taka afturhásingu úr lödu koma liðhúsunum úr sjálfstæðu fjöðruninni á hásinguna sjóða kúluliðina við afturöxlana og snúa mismunadrifsstykkinu í hásingunni þá ertu komin með rússneska framhásingu sem er nauðalík afturhásingunni dáldið klikk hugmynd enn þetta er jú bara járnadrasl og annað eins hefur nú verið gert .

Sælir
Þið verðið að uppfræða mig aðeins. Voru ekki gömlu "Rússajepparnir" með heila framhásingu? Ég var að spá hvort ekki væri hægt að skipta gömlu afturhásingunni út fyrir gamla "Rússa" hásingu og mixa þá framhásinguna undan Rússanum undir Löduna? Eða fá tvær samstæðar hásingar (undan sama bílnum) og mixa undir Ladilackinn til að gera hann aðeins breiðari? Veit eihver hvaða hásingar það gætu verið?
Þetta fer nú bara að verða svolítið spennandi, kannski hætti ég bara við að selja Löduna eftir allt!

Kveðja
Lada
The Icelandic Lada Niva club – http://www.talk.to/logos

Í félagaskrá Skagafjarðardeildar eru frekari upplýsingar:
http://www.isholf.is/oskarha/4×4/HilmarErl.htm
Ekki alveg hreinræktuð, eins og ég sagði í pósti nr. 2 á þessum þræði.
Kv. GGI

Sælir

Einhver var að velta fyrir sér vélum í Lada Sport, það hafa verið settar Fiat twin cam 2000 8 ventla í Lödur, þessi mótor passar vel og litlu þarf að breyta (nema að vesen var með startara minnir mig) Þessi mótor er eitthvað um 120 hestöfl og var í einhverjum stórum Fiat bílum á milli 1980 og 1985 sirka. Þessi mótor snýr 35" ágætlega undir Lödu.

Svo er hægt að taka drifhlutföll úr Lödu 1200 og setja í Sport þau voru aðeins lægri minnir mig, köggull úr aftur drifi passar í framdrifið líka. Sportinn er með 4,0:1 en lada 1200 er með 4,3:1 held ég.

Svo var einhver að spá í lengdina á Lödu Sport, mig minnir að hún sé 93" á milli hjóla sem er það sama og willys CJ-7, tveggja dyra Range Rover er 100" á milli hjóla þannig að það væri nú örugglega hægt að koma boddíinu fyrir á svoleiðis grind. En reyndar er eitt við það að setja Lödu boddí á Rover grind að þar er verið að setja sjálfberandi boddí á grind og þá eru menn komnir með auka óþarfa þyngd.

Kveðja Einfari