This topic contains 2 replies, has 1 voice, and was last updated by 
-
Topic
-
Fjölmennur fundur var hjá Suðurl.deild s.l. þriðjudagskvöld. Þar mættu 3 starfsmenn Vatnajökulsþjóðgarðar og kynntu skipulag og starfsemi þjóðgarðsins. Þórður framkv.stjóri mætti auk Kára Kristjánssonar og svæðisstjóra vestursvæðis sem ég man ekki nafnið á. Þeir svöruðu spurningum greiðlega og kom mér aðeins á óvart að þau öfgasjónarmið sem mest fer fyrir, koma ekki fram í málflutningi þessara manna.
Þeir virðast þvert á móti allir að vilja gerðir til að koma á málamiðlunum sem hægt er að una við.
Nú fer fram úttekt á Vonarskarðssvæðinu og er niðurstöðu að vænta um mitt ár. Endanleg ákvörðun verður í kjölfar hennar, hafi ég tekið rétt eftir.
Að vísu virðist vaxandi vægi á svæðinu og sérstöðu þess.
Í þjóðgarðinum gilda í meginatriðum sömu reglur og annars staðar hvað varðar akstur á snjó. (Einhver svæði þó undarskilin)
-
Replies
-
Komdu sæll Jón.
Vildi að satt væri það sem þú segir í þessum pósti.
Verðum samt, eins og á stendur að hafa allan fyrirvara á.Ég ætla nú samt að halda mig við okkar athugasemdir í Ey4x4 að það samrýmdist ekki lögum um Vatnajökulsþjóðgarð að byrja með autt blað og tína svo inn einhverjar slóðir. Það verður aldrei sátt um samgöngur fyrr en Vonarskarð og Leið norðan Dyngjufjalla (Vikrafellsleið) verði viðurkenndar leiðir ferðamanna á vélknúnum farartækjum. Sagan, hefðin og ánægjan fyrir venjulegt íslenskt ferðafólk sem unnir náttúrunni verður aldrei selt öfgahópum, hvorki nú eða til framtíðar.
Bestu kveðjur,
Elli.
[quote="gauki":2usxj2em]
Nú fer fram úttekt á Vonarskarðssvæðinu og er niðurstöðu að vænta um mitt ár. Endanleg ákvörðun verður í kjölfar hennar, hafi ég tekið rétt eftir.
[/quote:2usxj2em]Þetta er ekki alveg rétt og ætla ég að reyna að skýra þetta mál betur:
Stjórn Vatnajökulsþjóðgarðar tók á sínum tíma þá ákvörðun að loka Vonarskarðinu þvert á vilja svæðisráðs vestursvæðis Vatnajökulsþjóðgarðar sem vildi hafa það opið eftir ákveðna dagsetningu síðsumars (man ekki nákvæma dagsetningu).
Þetta varð til þess að mikil mótmæli komu fram, enda þykir mörgum allt of langt gengið í lokunum slóða að loka Vonarskarðinu. Þessi mótmæli náðu hámarki í Krossferðinni og með innsendingu mörg þúsund formlegra athugasemda. Til að gera langa sögu stutta, þá urðu mótmælin til þess að sett var á laggirnar "samráðsnefnd um samgöngur" í VJÞ til að fjalla um þau ca 30 atriði sem hæst bar í innsendum mótmælum vegna verndaráætlunar VJÞ.
Samráðsnefndin er skipuð ýmsum aðilum og komst hún að sameiginlegri niðurstöðu í öllum málum nema 2. Þessi tvö mál varða lokun á Vonarskarði og Vikrafellsleið.
Samráðsnefndin þríklofnaði varðandi Virkafellsleið. Sumir vildu loka, aðrir vildu opna, einn sat hjá.
Samráðsnefndin náði sátt um að rannsaka bæri umferðarþol í Vonarskarði gagnvart umferð, en hún þríklofnaði í afstöðu til þess hvort Vonarskarð skyldi vera alveg lokað á meðan þessi rannsókn stæði yfir eða vera opið eftir 1. september. Sumir vildu hafa lokað á meðan, aðrir vildu hafa opið, einn sat hjá.Ekki hefur verið fjallað um það í stjórn VJÞ hvorn kostinn skuli velja. Ég veit ekki til þess að þessi rannsókn eða úttekt sé komin í gang og hef ekki fengið staðfest að hún verði gerð í sumar.
Það er því alveg á valdi stjórnar Vatnajökulsþjóðgarðs hvort Vonarskarð verði opið eða lokað á meðan úttektin fer fram og hvort úttektinni verði lokið næsta sumar eða síðar. Þetta hefur ekki verið rætt í stjórninni ennþá en verður væntanlega rætt á næsta fundi sem verður í lok þessa mánaðar.
Óháð því hvað fulltrúar VJÞ sögðu við félagsmenn F4x4 á þessum fundi, þá liggur skýrt fyrir að a.m.k. einn af þessum þremur, fulltrúi Vatnajökulsþjóðgarðar í samráðsnefndinni, vill loka Vikrafellsleið og Vonarskarði fyrir umferð annara en gangandi.
Snorri Ingimarsson
áheyrnarfulltrúi samtaka útivistarfélaga (SAMÚT) í stjórn VJÞ.
You must be logged in to reply to this topic.