This topic contains 18 replies, has 1 voice, and was last updated by 
-
Topic
-
AnonymousFrelsi.
Vegna allrar umræðunnar að undan förnu um utanvegar akstur, virkjanir og vegalagningu m.m. Er ýmislegt sem maður veltir fyrir sér. T,d hvort það sé ekki að verða of mikil paronoja vegna allrar þessara mála. Það mætti t,d nefna það að nú er Landhelgisgæslu þyrlan notuð til þess að hafa upp á þeim sem taldir eru standa að utanvegar akstri. Sem maður kannski getur sagt að sé gott og vel, þó svo að kostnaðurinn sé mikill. Miðað við sektirnar sem menn fá fyrir utanvegarakstur. Í raun lít ég einungis á þessar aðgerðir sem fælingarmátt við utanvegarakstri. Eitt mál, vekur mig til umhugsunar vegna þessara þyrlu mála. En það er að nú hafa menn verið teknir og ákærðir fyrir það að vera á slóðum. ( slóð sem er öll greinileg og hjólför 10-30 cm djúp, og vegurinn ruddur að hluta ) Því veltir maður fyrir sér, hvað gögn nota löggæslumennirnir í þyrlunum, til þess að ákveða hvað sé slóð og hvað ekki. Lögreglan segist notast við kort Landmælinga Íslands meðal annars. Þó virtist mér á þeim að þeir notuðu kort yfir höfuð ( sem gæti falið í sér kort frá Loftmyndum eða M og M ) . Og sjónræna ákvörðun, þ.a.s hvort slóð sést eða ekki. Nú vitum við það sem erum á fjöllum að oft er erfitt að greina ýmsar slóði samanber slóðir í Jökulheima ofl. Á meðan það er ekki sólklárt hvar má aka og hvar ekki. Komast svona mál aðeins á flækju stig, löggæslumönnum og meintum afbrotamönnum til mikilla óþæginda. Því er brýnt að ljúka því verkefni að afla gagna um allar slóðir á landinu og flokka þær eftir notkunar gildi. Til þess að hægt sé að taka vitræna afstöðu til tilvist þeirra, í framtíðinni. Annars kemst aldrei raunhæft skikk á þessi mál og menn halda áfram að búa til nýjar slóðir á meðan aðrir reyna að loka eldri slóðum.
Aðeins meira um þetta þyrlu mál. Þar sem þær eru notaðar svona grimmt í dag. Ef við segjum að þyrla taki jeppamann á slóð á Fjórðungssandi á leið í Setrið. Og hann verði ákærður fyrir utanvegaakstur. Þá er það spurningin: hver á að meta það hver af þessum fjórum leiðum í Setrið er lögleg eða hvort þær sé kannski allar ólöglegar. Einnig mætti t,d benda á hluta af leiðinni að Hófsvaði norðan frá sem eyðist út jöfnum höndum.
Og aðeins meira um Utanvegar akstur. Nú er sífellt tönglast á því að utanvegar akstur hafi færst í aukanna. Og eru nokkrir 4×4 félagsmenn vafalaust í þeim hópi. Reyndar er ég ekki í þeim hópi. Nú er ég búin að vera u.þ.b 6-7 vikur á fjöllum og tel mig nokkuð dómbæran á að meta það á vissum svæðum hvort utanvegar akstur hafi minkað eða aukist. Mitt svæði er Sprengisandur og nágrenni, tel ég mig þekka hann betur en önnur svæði. Þar sé ég einungis aukningu á afmörkuðu svæði. Þ.a.s í kringum Þórisvatn og Kvíslaveitur. Þetta eru slóðir eftir veiðimenn sem sækja í vötnin. Á öðrum stöðum sé ég ekki aukningu. Þarna eru vissulega svæði sem menn aka utanvegar og gera það árlega. Það er þegar menn koma upp á Eyjafirði , þá virðast menn tryllast og er algengt að menn aka þar hring eftir hring í sandinum og gerist það árlega. En á sama tíma virðist akstur utan slóða hafa minkað á Forsetavegi og Dragaleið, þó svo hjólför síðan í fyrra sjáist vel á Dragaleið.
Öfgar í hálendismálum virðast stöðugt færast í aukanna og má vel greina það hérna á vefnum okkar, þar sem menn fullyrða af myndum að menn séu ekki á slóð. Og er það að verða nokkuð algengt. Því vill ég bara minna menn að það, að falla ekki í þá gryfju að verða eins og þeir sem hvað öfgafyllstir eru og vilja helst að við skoðum hálendið einungis úr lofti.
Arnavatnsheiði. Aðeins um það mál. Ég var á báðum áttum vegna þess. Og gat illa tekið afstöðu í málinu enda búin að vera á fjöllum og vissi illa tildrög þess. En burt sé frá gagnaöflun vegna málsins. Þá er hægt að taka afstöðu byggða á öðru. Þ.a.s hvort maður sé þess sinnis að leifa yfir höfuð framkvæmdir á hálendinu af einhverju tagi. Ég er t,d á móti uppbyggðum Kjalvegi eða Sprengisandsleið og vill ekki fleiri vatnsaflsvirkjanir og fleiri uppistöðulón. En ég set spurningamerki við nýjan eða endurbættan jeppa veg um Arnavatnsheiði ( sem er reyndar kominn upp úr Miðfirði og svo endurbættur vegur suður Víðidalstunguheiði suður að Fellaskála, sem að vísu fylgdi gömlu slóðinni ) Þarna hafa farið fram framkvæmdir sem eru reyndar meira en á gráu svæði, frekar á mjög dökk gráu eða svörtu. Og þar að auki er svæði á náttúrumynjaskrá, ef ég hef tekið rétt eftir. Og svo er víst slóðin meir en uppdubbuð, og frekar nægt að tala um nýbyggingu. En ef maður á að bera í bætiflákann fyrir vegbyggjanna. Þá hafa þeir ýmislegt til síns máls, sem kannski. Réttlætir ekki aðgerðirnar en er engu af síður, nokkuð sem menn ættu að leiða hugann að.
Nú hefur þessi slóð frá Norðlingafljóti, meir og minna verið hálf ófær vegna drullu ef rignir, og fara menn helst bara einu sinn á ævinni Arnavatnsheið, nema þeir eigi brýn erindi. Auk þess mætti velta fyrir sér þessu með náttúruverndarsvæði ?. Eru þau ekki að verða út um allt. Friðlönd hér og þjóðgarðar það. Hver steinn að verða svo heilagur að hvergi er hægt að fara eða gera eitt né neitt. T.d mátti ekki hreifa við helvítis hrauninu í Hafnafirði til bygginga, þó svo að ísland sé nánast ein hraunbreiða. Hraun á hraun ofan. Allt orðið svo vermætt. Enda menn allmennt ornir á eitt sáttir um það að íslands sé flottast og best í heiminum á öllum sviðum. Þvílíkur hroki sem í okkur er.Að lokum látum það ekki henda að menn verði hengdir fyrir það að vera ekki á kortamerktri slóð. Því víða eru þekktar slóðir, sem eknar hafa verið áratugum saman sem ekki hafa ratað á kort, og eiga vegfarendur og ferðamenn ekki að líða fyrir þann skussaskap sem viðgengist hefur í kortagerð á íslandi. Vegna fjársvelts þeirra stofnanna og fyrirtækja sem eiga að halda utanum þau mál.
Góða nótt
-
Replies
-
Hér er ekki annað að segja en amen eftir efninu. Góður pistill Ofsi.
Kv – Skúli
Finnst þér utanvega akstur vera að aukast ?
Eyþór.
Góðan og blessaðan daginn. Það er líklega rétt að byrja daginn eins og hann endaði: á messu!
En þetta var nokkuð góður pistill hjá Ofsa og mörgu velt upp sem nauðsynlegt er að velta fyrir sér og ræða. Ég er sammála honum um að það þarf endilega að klára það mál að skilgreina leyfilega slóða og/eða óleyfilega. Það mál er allt í skötulíki og óviðunandi í réttarríki (er annars Ísland réttarríki?) að það geti verið háð geðþótta og dagsformi einstakra löggæslumanna hvort menn séu lögbrjótar eða ekki. Hinsvegar mega menn heldur ekki falla í þá gryfju að vilja hafa slóða út um allt og tilvist viðurkenndra slóða þarf að byggjast á einhverri skilgreiningu, sem allur fjöldinn (nema náttúrulega stöku verkfræðingur) geta verið sammála um. Annars er það nú svo, talandi um verkfræðinga, að mestu umhverfissóðarnir á hálendinu eru ekki jeppamenn, heldur þeir sem annast rannsóknir fyrir Landsvirkjun eða aðrar opinberar stofnanir. Fyrir nær tuttugu árum voru t.d. flokkar manna við svokallaðar undirbúningsrannsóknir hér á Hofsafrétt, annarsvegar vegna könnunar á möguleikum á virkjunum Jökulsánna sem falla hér ofan í Skagafjörð og að hinu leytinu vegna mögulegs flutnings ánna, þ.e. vestari árinnar til Blönduvirkjunar og hinnar eystri suður í Þjórsá. Hvorir tveggja vatnaflutningarnir eru tæknilega tiltölulega einfaldar framkvæmdir. En þessir flokkar fóru hér út um allt, mynduðu slóða vítt og breitt, út og suður, grófu holur og boruðu, en hvergi hef ég orðið var við að þeir hafi nokkursstaðar lagað til eftir sig, uppmoksturshrúgur og plön fyrir bora eru enn eins og þeir fóru frá þeim. Ekki veit ég til að þessar rannsóknir hafi nokkru sinni verið bornar undir nokkurn mann, hvorki þá sem telja sig landeigendur þarna ellegar sveitarfélög og þeirra stofnanir, né skipulags- og náttúruverndaryfirvöld ríksins. – Hvað varðar uppbyggða vegi, þá er nú eins og Ofsi þekkir búið að byggja upp Kjalveg hér að norðanverðu innundir Dúfunefsmela og byrjað á vegarbyggingu sunnan frá, þar sem meira er haft við og hann lagður bundnu slitlagi. Enda skilst mér að áætlanir Vegagerðarinnar hljóði upp á að stefnt sé að vegi með bundnu slitlagi norður af fyrir árið 2015 í síðasta lagi. Þetta barst einu sinni í tal við yfirmann hjá Vegagerðinni svo ég heyrði hvort það væri rétt að gera þessa vegi sambærilega við þjóðvegi í byggð og þá svaraði þessi maður að það ætti ekki að vera forréttindi þeirra sem ættu "stóra trukka" að aka þessa leið. Eigendur smábíla ættu sama rétt. "Ætlið þið þá ekki að malbika í Grímsvötn og leggja hjólastólabraut upp á Hvannadalshnjúk?" spurði þá viðmælandinn. Læt hér staðar numið að sinni. kv.
Sæll Jói. Nei ég ræð ekki við það að stytta textann eða koma með úrdrátt. Enda er það nú þannig að ver gefið fólk eins og ég, á oft erfitt að útskýra mál sinn á einfaldan og hnitmiðaðan hátt. Og því skrifum við oft svona langlokur og ber það sennilega að með þeim hætti. Að við skiljum ekki fyrr en skellur í tönn.
Sæll herra Kóngur. Nei mér finnst utanvegarakstur ekki vera að aukast.
Guðbrandur. Ég er ánægður með menn og konur sem nenna á fætur á morgnana, frekar en að dorma í bælinu fram að hádegi. En hvað varðar blessaða vegagerðar karlana, þá er greinilegt að ræður sósíalistinn ríkjum. Allir jafnir. Og engum mismunað. Næsta skef væri þá að láta alla aka samskonar bílum og auðvita hafa þá alla í sama lit. Það verður því spennandi, þegar vegamálastjóri gefur út hvaða ökutæki verður fyrir valinu, fyrir alla landsmenn. Og skyldi liturinn verða Speed way blue.
Ég vill svo þakka ykkur fyrir mætinguna í kvöld messuna, hvaða prestur sem er hefði verið stoltur af slíkri mætingu. Og ekki verra að það skuli vera skellt sér í morgunmessu í beinu framhald.
Þegar Ofsinn fer af stað þá er sett í öll drif og fátt undanþegið,þessi pistill var frekar stuttur en nokkuð góður.
ég tek undir það að skilgreining á því hvað er utanvegaakstur og hvað ekki er mjög á reiki,og eins og bent er á að það virðist sem eftirlitsmenn/konur sjálfskipaðir eður af ríki,noti sína eigin skilgreiningu sem henta þeim í það og það skiptið um hvað sé utanvegaakstur og hvað ekki og getur verið fjandi erfitt að greina þar á milli.
Þessi pistill hjá þér Jón er þarfur og á allann rétt á sér,það hafa komið fram ásakanir hér og annarstaðar um glæpsamlegann utanvegaakstur og rökin virðast helst vera dagsform ásakanda,þó hafa líka komið fram réttmæt rök,sem byggð eru á staðreyndum,mér finnst of lítið vera um að reynt sé að skilgreina þessa hluti og finnst að það þurfi að taka á þeim málum og leggja eitthverjar línur sem allir nema þeir "öfgafyllstu" geta farið eftir,þannig að hugtakið utanvegaakstur sé nokkuð skýrt í huga flestra sem mál þessi láta sig varða.Ég held að ef það náist verði allverulega mikið léttara að koma í veg fyrir það að landi sé spillt með óþarfa akstri utan vega,Hvað varðar umgengni mælingaflokka gegnum tíðina um hálendið hefur ekki verið sóma.
Kv Klakinn
Nánari skilgreining á því hvað sé utanvegaakstur og hvað ekki er mjög mikilvæg af tveimur ástæðum. Annars vegar til þess að hægt sé að taka á klárum utanvegaakstri og tilviljanakenndri nýslóðamyndun. Hins vegar til þess að löghlýðnir ferðamenn sem einfaldlega vilja ferðast um hina ýmsu slóða á hálendinu og kanna leiðir fái að vera í friði án þess að eiga á hættu að fá yfir sig kæru fyrir vel meintan akstur á góðum og gildum slóðum. Það er aðeins farið að örla á meira eftirliti með utanvegaakstri, m.a. úr þyrlu og það er ágætt mál en stóra spurningin er eftir hverju eftirlitsaðilarnir fara þegar þeir taka ákvörðun um kæru eða ekki kæru. Sennilega er það svolítið brotakennt eins og Ofsi bendir á. Hins vegar kemur fyrir að maður rekst á nýjar slóðir þar sem engin slóð var áður, svo ekki sé talað um helv… hringspólið sem Ofsi nefnir. Eða bara akstur eftir einn bíl langt utan vega. Bætt eftirlit er því af hinu góða.
Hvort utanvegaakstur hafi aukist eða ekki er kannski ekki aðalatriðið, fer sjálfsagt eftir því hversu langt aftur er horft. Ég er allavega viss um að almennt er allt annað og mikið betra hugarfar hjá almennum ferðamönnum í dag en var fyrir 20-30 árum. Hins vegar kemur á móti að þeim sem ferðast á eigin jeppum á hálendinu hefur fjölgað heilmikið.
Kv – Skúli
að leggja vel útí kannt þegar áð er, er að mínu mati ekki utanvegaakstur.
Ég er ekki viss um að utanvega akstur hafi aukist í réttu hlutfalli við aukna jeppa og mótorhjóla eign sem er orðin gríðarleg, það er jú misjafn sauður í mörgu fé og því hefur þessi umræða farið af stað. Aðalega sér maður skemmdir í nágreni við byggð og er Úlfarsfellið gott dæmi um það ásamt ýmsum svæðum á Reykjanesfólksvangi, svo á fjölfarnari fjallvegum. Það sem fer mest í taugarnar á minni smásál er þegar ekið er til hliðar við slóða eða veg. Þetta var slæmt að mér fannst á Skagafjarðarleið á Sprengisandi, frá Fjórðungsvatni að Laugafelli, og hélt áfram niður að brúnum Eyjafjarðar. Smásál mín tekur líka kipp þegar slóðar eru gerðir í framhjá smápollum eða öðrum hindrunum eins og algengt er á Kili. Líklegast eru þetta aðalega vandamál á þessum fjölfarnari slóðum/fjallvegum og nærri byggð eins og ég skrifaði hér að ofan. Varðandi uppbyggingu Kjalvegar þá er það nú svo að sá vegur er tapaður ef svo má segja þarna fara venjulegir fólksbílar um eins og ekkert sé og líklega ekki aftur snúið.
Ég er þeirrar skoðunar að umræðan um akstur utanvega sé komin út í hálfgerðan farsa. Allt of mikið sé gert úr skemmdum af völdum utanvegaaksturs jeppa- og véhjólamanna, það er eins og flestir gefi sér að ástandið sé eitthvað slæmt en ég tel það alls ekki vera svo og að þetta hafi reyndar sjaldan verið betra þegar litið er á heildina.
Ég er líka þeirrar skoðunar að akstur utanvega eigi í mörgum tilvikum rétt á sér. Akstur utan vega hafi í raun verið stundaður allnokkuð og víða um árabil án þess að þess sjáist nokkur merki. Og hvað er að því ?
Ég tel að stjórnvöld séu að koma sér undan ábyrgð og eðlilegri umsýslu með því að einfaldlega banna allan akstur nema þar sem hann er sérstaklega leyfður. Það virðist því miður þrálátur og leiður siður yfirvalda að losa sig undan eðlilegum eftirlits- og umsýsluskyldum sínum með því að fjarlægja vandann með húð og hári í stað þess að "regla" hann í eðlilegan farveg almenningi til heilla. (banna allan akstur í stað þess að framfylgja gildandi lögum og reglum um að hann sé bannaður þar sem skemmdir geti hlotist af – sem ætti að duga ef yfirvöld notuðu þyrlulögguféð til skynsamlegri hluta). Á fyrstu starfsárum F4x4 tók ég þátt í hrinda alvarlegri árás á ferðafrelsið þar sem átti að setja allsherjarbönn á borð við þau sem nú eru komin. Og við höfðum sigur þá.
Almennir borgarar Þurfa að berjast gegn Þessari endalausu forsjárhyggjuþrá yfirvalda og þar þarf f4x4 að standa vörðinn ásamt fleirum. Framtíð frjálsrar ferðamennsku á Íslandi er í húfi.
Snorri Ingimarsson
Mikið rosalega er ég sammála Snorra núna ,ég held að menn sjái ekki hættuna sem stafar að ferðafrelsinu ef að ekki verður spyrnt við fótum og er ég hissa á doða margra sem ég tala við um þessi mál en ég vona að forystan vakni áður enn allt er orðið OF SEINT.
kv:Kalli skíthræddi
Þetta þyrlumál sýnir bara hvurslags lögreguríki við búum við.
Yfirgangurinn er bara að færast í aukan, samanber fjölda að lögregluþjóna lokar leiðum, og vaktar ´þær, nálægt Kárahnjúkum undir yfirvarpinu "vinnusvæði".
Meðan steypubílar aka langt yfir hámarkshraða fyrir framan nefið á "vaktlöggunni" við afleggjara inní Lindir.….svo er líka ekkert tiltökumál að malbika Hengilsvæðið og leggja þar vegi beint af augum, og stroka það útaf kortinu sem útivistarsvæði.
Það kallast heppni að mega fara þar um, að það sé í raun og veru leyfilegt að hætta sér út fyrir þjóðveginn á Hellisheiðinni, þessu vinnusvæði ætti öllu að loka fyrir almenning rétt eins og fyrir austan.En hvað um það, slóða skulum við vernda!!
Þetta er virkilega athyglisverð umræða og mjög þörf. Þessi utanvegaakstursmál eru nefnilega komin á verulegt flækjustig núna og virðist manni að fátt bendi til að flækjurnar séu að minka.
En það er þó staðreynd að utanvegaakstur á sér stað hvort sem hann er meiri nú en áður. Reyndar tek ég undir það með þeim sem hafa skrifað hér að það er alveg klárt að utanvegaakstur hefur ekki aukist í réttu hlutfalli við aukna umferð ökutækja á hálendinu.
En Þó svo að eflaust deila um það hvort aukning hafi orðið eða ekki þá þarf alltaf að vera á tánum til að vinna eins og hægt er gegn óæskilegum utanvegaakstri – ég segi óæskilegum því ég er að vissu leiti sammála Snorra með það að í sumum tilvikum á akstur utan vega fyllilega rétt á sér og í öðrum þá er skaðinn enginn – en þetta er fín lína þar sem erfitt getur verið að rata eftir.
En eins og eg sagði þá þarf að berjast gegn óæskilegum utanvegaakstri og koma í veg fyrir spjöll eins og allt of víða sjást. Þetta held ég að við getum gert á margan hátt og ein þeirra er að láta þyrlur sveima yfir landinu og hirða alla sem virðast vera utan vega – en þetta er að mínu mati kolröng aðferð. Auðvitað þarf löggæsla að vera til staðar, en fræðsla og áróður skilar miklu meiri árangri heldur en það að þyrla hirði nokkra aðila við ætlaðan utanvegaakstur.
En það er þó þrátt fyrir allt algerlega nauðsynlegt að skigreina alla slóða landsins og koma þeim á kort og í kortagrunn gps tækjanna. Þannig er auðveldast að koma því til skila til hins almenna ferðalangs hvar hann megi ferðast og hvar ekki og um leið fær löggæslan í landinu í hendur eitthvað til að miða við en það hefur hún ekki í dag.
Nú fyrr í sumar var settur á fót starfshópur í samræmi við tillögur okkar í stjórn 4×4. Sá hópur á að vinna að því að koma á blað öllum þeim slóðum sem þekktir eru á landinu og á sú vinna að verða grunnurinn að einhverju korti sem hægt verði að miða við þegar skilgreint er hvar sé leyfilegt að aka og hvar ekki. Þessi hópur samanstendur af einum aðila frá umhverfisstofnun, einum frá landmælingum og einum frá 4×4. Þessi hópur hefur aðeins byrjað að vinna en mun svo væntanlega halda áfram í haust.
En þrátt fyrir að þessi vinna sé rétt að fara af stað og ekki sé til neitt eitt kort sem sýnir alla slóða þá hafa menn verið ákærðir fyrir það að aka utan vega þegar þeir hafa talið sig vera á slóð og slíkt mál var einmitt dómtekið nú um daginn. Þar virðist manni sem að ekið hafi verið á fullkomlega löglegri slóð sem ekin hefur verið af jeppa og vélhjólamönnum árum saman og jafnvel verið notuð sem ferðamannaleið. Það að verið sé að ákæra menn fyrir akstur á slíkri slóð bara vegna þess að þyrlulöggan sá slóðina ekki nógu greinilega eða var ekki með nægjanlega gott kort er einfaldlega algerlega ólíðandi. Að mínu mati er ekki hægt að hafa vitrænt eftirlit með akstri í óbyggðum né ákæra menn fyrr en búið er að skilgreina hvaða slóðir séu opnar umferð og hverjar ekki.
Horfum til himins….
Benni
Sammála Benedikt að flestu eða öllu leyti. Hann segir: "þetta er fín lína þar sem erfitt getur verið að rata eftir". Það er einmitt þessi fína lína sem ég er að ræða um í mínum pistli. Að halda hlutunum í viðunandi horfi þegar þræða Þarf fína línu kostar talsverða vinnu og þar með fjármuni fyrir yfirvöld og einnig mikla vinnu fyrir félagasamtök eins og F4x4. Ég tel hins vegar nauðsynlegt að leggja í þá vinnu eftir því sem þarf og mun skynsamlegra heldur en að láta undan og taka upp stóra strokleðrið og þurka allan vandann og viðfangsefnið út með einu ofurbanni. Og loka þar með á frelsið og dómgreind einstaklingsins.
Hægt er að kryfja í löngu máli hver landspjöll verða við akstur utanvega, allt frá engum spjöllum þrátt fyir talsverða umferð og upp í að vera óviðunandi spjöll eftir eitt ökutæki. Við höfum alla flóruna hér. Kortlagning allra slóða er nauðsynlegt framtak til að geta tekið á þessu af skynsemi en því miður er hægt að nota slíka grunn gegn okkur með því að loka á allan akstur utan leyfðra slóða, án nokkurs annars mats á landspjöllum. Semsagt gera góðan gagnagrunn yfir slóðir og nota hann af engri skynsemi.
Ég er sammála því að landspjöll verða af akstri utanvega, við verðum að horfst í augu við það. Ég tel hins vegar betri lausn að þræða fínu línuna með því sem þar þarf að kosta til heldur en að banna allan akstur nema þar sem hann er sérstaklega leyfður samkvæmt korti.
Snorri
Fín umræða, Varðandi eftirlit lögreglu með utanvega akstri og notkun þyrlu í því þá það líklegt að það eftirlit sé partur af almennu eftirlit með hálendinu ekki bara verið að skoða akstur utan vega. Það er svo annað mál að reglur um það verða að vera skýrar og ég held að það sé verið að taka menn á hæpnum forsendum við utanvega akstur í dag sérstaklega vegna þess, eins og hefur komið hér fram að lítið er til um gögn varðandi slóða. Það finnst mér svo undarlegt að þessi stofnun Landmælingar getir ekki verið með þessi gögn á tæru þær framfarir sem hafa orðið í kortamálum undanfarin ár koma frá einkafyrirtækjum til hvers þá að vera með svona stofnun.
Varðandi þessa fínu línu þá er ég ekki að skilja, í hvaða tilfellum er það leyfilegt að skilja eftir sig sár í landinu, utanvega akstur þarf ekki að skemma landið ef rétt er að farið og við ákveðnar aðstæður en ég fatta ekki í hvaða tilfellum það er í lagi, kannski að menn skýri það aðeins betur.
Þessari spurningu má velta fram og aftur. Ég hafna hins vegar því viðhorfi að engar skemmdir eða spor séu ásættanleg. Tel þó að slíkt eigi að vera í lágmarki.
Hvers vegna ættu jeppaferðamenn að þurfa að sætta sig við aðra og þrengri túlkun á hugtakinu "viðunandi" heldur en verktakar, orkufyrirtæki, hestamenn, verksmiðjur, flugvélar (sem menga held ég meira á hnattvísu fyrir eina fjöskyldu sem fer til sólarstranda heldur en meðaljeppinn á heilu ári) og svo mætti lengi telja.
Ég er ekki að fara fram á að það sé álitið eðlilegt að jeppamenn gangi um landið eins og sóðalegustu verktakar eða orkufyrirtæki. En þar sem við búum á sömu plánetu og þessir aðilar, þá ættu sömu viðmið að gilda fyrir alla í umræðunni.
Snorri.
Get tekið undir allt sem Snorri segir, við megum heldur ekki týna okkur í deilum um aukaatriði og keisarans skegg eins og mér finnst sumum hætta til að gera. Það verður aldrei neitt gert af viti í þessum málum nema okkar félag taki frumkvæðið í þessu efni og knýi á um viðunandi lausnir og taki fullan þátt í að smíða þær samskiptareglur, sem verða í gildi. Eins og Snorri bendir á, hættir embættismönnum, sem hafa þar til viðbótar sjaldnast nægilega þekkingu og skilning á svona viðfangsefnum, til þess að "leysa" málin með total bönnum og reglum. Þarna bætist við sú móðursýki, sem heltekur þjóðina stundum varðandi mörg svona mál. Svo koma allskonar besserwisserar og blaðra um hluti sem þeir hafa ekkert vit á. Ég sá núna fyrir fáum dögum grein eftir fyrrverandi alþingismann, nokkuð við aldur, sem vildi fá helstu hálendisleiðir uppbyggðar og malbikaðar á grundvelli jafnréttissjónarmiða, sem stundum hefur nú heyrst áður. Hann hafði ætlað Arnarvatnsheiði, en verið snúið við af starfsstúlku í sjoppu í Reykholti. Slík umræða hefur nú heyrst áður.
Sælir. Fyrir nokkrum árum flaug ég frá Hamborg til Spánar og í bæklingi í vélinni var tafla yfir eyðslu ýmissa flugvéla .Þar kom fram að þær eru að eyða frá 38 til 42 lítra pr.farþega á hverja 1000 km misjafnt eftir tegundum. Ég hélt satt að segja að eyðslan væri meiri . Sem sagt hjón sem skreppa til Köben eru að sólunda 160 til 170 lítrum af eldsneyti . Hvað fer mikið í jeppaferð í Grímsvötn t.d. í þungu færi ? . Ég fór nýlega inn að Laka og sá hvergi för utanvega og hér inn á Landmannaafrétti sér maður helst för eftir mótorhjól utan vega .Með kveðju Olgeir
Ég gleymdi að taka fram að þessi eldsneytisnotkun er bara aðra leiðina til Köben. Kv. Olgeir
You must be logged in to reply to this topic.