Kútur fyrir MigMag vél.

Sælir

Hérna á forsíðunni á vefnum er tilboð frá JAK á mig/mag suðu, þar er talað um að 6kg kútur fylgi, það er spurning hvort þeir selji kútinn sér.
Kannski væri ráð að hringja í þá og spurjast fyrir.

kv. O.Ö.

Þú hefur bara tvo kosti.
1) Leigja kút af einokunarfyrirtækinu AGA og taka því ómurt með bros á vör.
2) Kaupa þér kolsýru kút sem þú átt sjálfur en startið í því er náttúrulega svolítið dýrt.
Tel auðvitað ekki með að nota einnota kúta en það er alveg vonlaust.

Ég er með tvær MIG(MAG)ur í skúrnum hjá mér, önnur með kolsýru en hin með 80/20 Argon / kolsýru. Það er ekkert að því að nota hreina kolsýru þó svo sumir haldi því fram vegna vanþekkingar að það sé alveg vonlaust. Ef þú ert með litla vél og þarf að sjóða í þykkt járn er það jafnvel betra því suða með kolsýru (MAG suða) er heitari og þú færð meiri innbrennslu en í MIG suðu.

Kolsýrukúturinn sem ég er með var keyptur hjá Kolsýruhleðslunni ef ég man rétt. Svo þarft þú líka nýjan mæli eða amk. millistykki fyrir þann gamla. Ef þú ákveður að leigja kút þá er lítil flaska af blandgasi + leiga í eitt ár hjá AGA ca. 16-17 þús.

kv.

Góðan daginn
Það er vefverslun (weldingsupply.com)sem er með tilboð á tómum hylkjum núna,kolsýru og argon,, mjög gott verð.

http://www.weldingsupply.com/cgi-bin/ei … :OR:20-CYL

Ég kaupi reglulega af þeim þetta er heiðarlegt fyrirtæki

DUDE

Það sem þú græðir mest á að nota blandgas frekar en kolsýru er hreinni suða ég er búinn að prófa ýmislegt í mig/mag suðu er suðumaður að atvinnu og hef komist að því að eitt skemmtilegasta gasið sem hægt er að fá í dag er mison 18 það er 80% kolsýra 18% argon og 2% köfnunarefni ef ég man rétta samsetningu. Kolsýra er svokölluð mag suða sem þýðir að kolsýran er virkt gas og hjálpar til við að halda suðubaðinu heitu og gengur að hluta til í samband við suðuna, blandgas aftur á móti er mig suða og er blandgasið óvirkt gas sem virkar bara sem hjúpur yfir suðubaðinu til að hindra að súrefni komist að suðubaðinu á meðan það er fljótandi.
Kolsýran hrækir meira (meiri suðulús), ég prófaði töfralausn sem aga kom með fyrir nokkrum árum sem var í því fólgin að hita kolsýruna upp um leið og hún kom úr kútnum, það er skemmst frá því að segja að munurinn var samasem enginn. Þar sem ég er dags daglega að eltast að suðurnar mínar séu hreinar og fallegar og þurfa að standast ströngustu prófanir sem gerðar eru í evrópu þá færi svo mikill tími í að hreinsa suðustykkinn eftir kolsýruna að við notum alltaf mison 18.
Kveðja Gunnar Már

Eins og ég skrifaði var ég ekki viss en þarna kom það fram, maður er með marga svona kúta fyrir augunum á hverjum degi en að leggja þetta á minnið það er eitthvað erfiðara.
kveðja Gunnar Már

Dude,
hvað eru þetta stórir kútar sem þú hefur verið að flytja inn og hvað hefur þetta verið að kosta komið inn í skúr hjá þér?
Ég veit um nokkra sem eru komnir með upp í háls af verðlagninguni hjá þessu einokunarfyrirtæki sem ÍSAGA er, þó að þjónustan sé fín þá er verðið allt allt of hátt.

kveðja,
Glanni.

Ég var að ræða þessi mál við slökkviliðsstjórann hér í mínum heimabæ og hann var að benda á að Slökkvitækjaþjónusta sem er í Kópavogi, við höldum að gatan heiti vesturvör er að selja Kolsýrukúta ætlaða til suðu og ýmislegs annars, þessir kútar voru víst á mjög góðu verði miðað við leiguna hjá ísaga og hann getur hlaðið þá sjálfur eftir því sem mér skilst. Ég tek það fram að þetta er allt haft eftir þriðja aðila og hef ég ekkert kannað þetta sjálfur en maðurinn sem á þessa slökkvitækjaþjónustu heitir Árni og síminn hjá honum er 892 4683
Kveðja Gunnar Már

Eftir því sem best veit þá gerir Isaga mönnum það ókleyft að eiga eigin kúta, vegna okurhárra prófunargjalda sem þeir ákváðu allt í einu að setja á eignarkúta sem komu til hleðslu. Þeir sem áttu t.d. kúta undir súr og gas voru því þvingaðir af Isaga til þess að láta þá upp leigu og hleðslu og fengu jafngildi 3 ára leigu í staðinn.
Ég þekki menn sem eru svo æfir út í fyrirtækið að þeir gera hvað sem er af prinsip ástæðum til þess að þurfa ekki að eiga viðskipti þarna m.a. nota kolýru osfrv. Verra með súr og gas.

kv.