Kostar að fá aðstoð frá Björgunarsveitum

Mig langar bara til að benda á að Cameron M. Smith sem var sá er sat fastur á Vatnajökli yfir jólin greiddi ekki krónu fyrir sína björgun hvað svo sem BÞV vill meina, þið getið skoðað ferðasögu hans á http://www.isalp.is/art.php?f=9&p=65

BÞV: Athugaðu að þó fólk sé vel búið getur það samt lent í neyð og það að vita hvar maður er staddur er ekki alltaf nóg til að lifa af.

Eins kemur fram á vef SVL að ákveðið var að senda björgunarsveitir að manninum úr tveimur áttum í öryggisskyni ef eitthvað skyldi koma upp á hjá öðrum hvorum hópnum myndi hinn alltaf getað haldið áfram til bjargar, þetta finnst mér mjög eðlileg hugsun enda var mjög blint þegar þessar aðgerðir stóðu yfir, fréttina sjálfa er að finna á http://www.landsbjorg.is/web/forsida.ns … enDocument

Varðandi aðra umræðu í þessum þræði þá langar mig til að benda þeim á sem byrjaði þetta allt saman að hringja í umrædda sveit sem á það björgunartæki sem kom með rukkarann og leyfa þeim að svara fyrir sig, ef hann var að gera þetta í óleyfi þá getur sveitin tekið á því og ef ekki þá geta þeir útskýrt sína stöðu, það ætti að vera auðvelt þar sem komið hefur fram að tækið hafi verið merkt.

Fyrir mitt leiti þá er stór munur á því að bjarga mannslífum og að bjarga verðmætum, það er hægt að kaupa nýjan bíl eða veiða meiri fisk en tapað líf verður ekki fengið aftur og sé ég ekkert óeðlilegt við að björgunaraðili hvort sem það er björgunarsveit eða einhver annar rukki fyrir verðmætabjörgun en það á þá líka að taka fram áður en farið er á staðinn, allt kostar þetta peninga og ef eina ástæða þess að björgunaraðili fer á staðinn er til að spara öðrum aðila peningaútgjöld þá finnst mér mjög eðlilegt að björgunaraðilinn fái hluta af þeim gróða, af hverju ætti bara annar aðilinn að hagnast á því?

Hvati spurði fyrr í þræðinum hvort björgunarsveit 4×4 rukkaði fyrir útköll og þá hve mikið en um það leiti sem ég byrjaði í klúbbnum að ég held ’98 þá átti ég löng samtöl við þáverandi meðlimi í þeim flokki og var þá reglan að rukkað var fyrir eldsneyti og gerð sú krafa að björgunarmönnum yrði gefið að borða og voru nefnd dæmi um yfir 150 þúsund króna eldsneytisreikning, ef breyting hefur orðið á þessu þá er um að gera að leiðrétta mig.

Kveðja,
/Óli

Ef þessi kona hefði verið á strigaskóm og jeppa hefði hún uppfylt skilyrðin sem Muffin taldu upp hér að ofan, til að verða rukkuð. Ég get alveg tekið undir það að þetta sé til skammar.

Sælir
Af hverju semur stjórnin, eða einhver nefnd sem hefur með það að gera, ekki fyrirspurn til Slysarvarnarfélagsins um hvernig þessum málum er háttað. Held að það verði miklu skilvirkara heldur en að þvæla þessu fram og til baka hér.

Annars verð ég að taka undir það að rekstur björgunarsveita er mjög dýr, t.d. verða þeir að búa yfir tækjum sem hægt er að stóla á og henta því svæði sem þeir þjóna. Varla er hægt að ætlast til þess að menn rjúki úr vinnu og fari í ferðir sem eru kostnaðarsamar ef að enginn er í hættu. Þá er ég ekki að tala um að þetta eigi að vera fjáröflun fyrir sveitinar en frekar að þær kæmu út á núlli. Þá ber að hafa í huga að sveitinar greiða ekki laun þannig að þetta yrði greiðsla fyrir olíu og kannski smá auka fyrir slit. því að í versta falli eru allar ferðir góð æfing fyrir sveitina. Vonandi er hugsunargangurinn ennþá þannig í sveitum að menn eru í þessu af hugsjón en ekki gróðahyggju. En skil það vel að það fari í tauganar á bjsv. mönnum ef að þeir eru að mæta þeirri hugsun að menn kalli frekar á björgunarsveitir en aðra til að lostna við kostnað og sleppa við að greiða mannalaun.

Ég get ekki annað en dáðst að þessum mönnum sem fóru villu vegar á kjalvegi og er ég viss um að Björn Þorri geri það líka, en að öðru máli, einhverstaðar heyrði ég að ef maður hringir í björgunarsveit þá borgar maður en ef þú hringir í lögregluna þá borgar maður ekki en átt von á því að vera brosandi á mynd í mogganum morguninn eftir. Ég veit um eitt tilfelli þar sem menn voru á vatnajökli og var leitað aðstoðar snjóbíla og var mér sagt að það hefði kostað 200,000,(vildu þessir menn ekki vera brosandi á mynd ???.)
Málsatvik veit ég ekki um en það var engin leið fyrir þá að komast öðru vísi niður og hvort það var björgunarsveit eða vinir þessara manna ( á björgunarsveita tæki eða eigin ) veit ég ekkert um, kannski kári viti betur hvernig málið sneri og hverjir þessir menn voru sem komu til bjargar og hvort þeir gefi sig út fyrir að bjarga mjög vönum mönnum úr prísund fjallanna fyrir pening.

Sælir.

Óli stóri. Auðvitað veit ég að menn geta lent í háska, þótt þeir séu vel búnir. Ég hef aldrei haldið öðru fram. Hins vegar var maðurinn í Grímsvötnu ekki í neinum háska, enda hafði hann góðan búnað, nægan mat og síma sem virkaði. Þetta kom allt fram hjá bjöggurunum í útvarpinu, enda urðu þeir hálf kindarlegir þegar fréttamaðurinn spurði hvort allur þessi viðbúanaður væri nauðsynlegur…

Gott að heyra líka sjónarmið upplýsingafulltrúa Landsbjargar. Hann þarf greinilega að hlutast til um að kynna "óreglulegu reglurnar" innan björgunarsveitanna, en kannski er valdabaráttan og óeiningin innan sveitanna svo mikil að það hlusti enginn á eitthvað "miðstýrt hjal" úr Reykjavík…

Varðandi fjáröflun Björgunarsveitanna, þá finnst mér nú ekki allt stórmannlegt sem aðhafst hefur verið hjá þeim í þeim tilgangi að "klekkja á og klaga" ýmsa aðra sem einnig hafa notað þessa sprengiáráttu landans sem fjáröflun, t.d. Kiwanisklúbba.

Annars óska ég björgunarsveitunum alls hins besta, en eins og ég sagði áður, þá byggist velvilji almennings sem er þeim svo mikilvægur, mest á þeirra framkomu sjálfra.

Ferðakveðja,

BÞV

BÞV-lastu lýsingu kanans á ferðinni sinni á vef Ísalp sem vísað er í hér ofar??

Mér finnst hann nú bara rökstyðja það þokkalega hvers vegna hann bað um aðstoð. Hann hringir og ráðfærir sig við tvo vana fjallamenn áður en hann tekur ákvörðunina. Aðstæðurnar orðnar MJÖG erfiðar – tjaldið að fenna á kaf og allt orðið mjög blautt.
Auðvitað er þetta matsatriði en mér finnst hann ekki minni maður að hafa kallað á hjálp frekar en að "taka sénsinn" á að hlutirnir redduðust, eða taka áhættuna á því að ramba fram af brúninni við skálann í engu skyggni – sérstaklega þar sem hann hefur ekki komið þar áður. M.ö.o. þó hann hafi ekki verið í lífshættu, þá þurfti lítið til við þessar aðstæður til að koma sér í lífshættu – og hann gerði sér grein fyrir því.
Það má svo alltaf deila um hversu gáfuleg ferðin var frá upphafi.

En varðandi umræðuna hér þá finnst mér það ágætis regla og vel ásættanlegt að bjsv. rukki fyrir björgun á verðmætum, svo lengi sem ekki er um mann-nauð að ræða, og að verðið sé á hreinu fyrirfram svo menn sitji ekki uppi með einhverja bakreikninga.