Kostar að fá aðstoð frá Björgunarsveitum

Það vill nú þannig til að við félagarnir ræstum út Hjálparsveit skáta í Hveragerði um helgina… þeir minntust hvergi á borgun og fengu engar upplýsingar til að senda okkur reikning.

Ég hef heldur aldrei heyrt frá því björgunarsveitarfólki sem ég þekki að þetta tíðkist.

Það er reyndar rétt að taka það fram að Hvergerðingarnir, eins og aðrar hjálparsveitir, eiga hrós skilið fyrir að nenna að standa í því að aðstoða svona vitleysinga eins og okkur! Að ekki sé nú minnst á það þegar virkilega reynir á!

Er þetta ekki bara eins og með vatnið á veitingahúsunum? Túristarnir borga fyrir það þegjandi og hljóðalaust á meðan við fáum það frítt í tunnutali.

Kveðja,
granigaml

ég hef um nokkra ára skeið starfað í björgunarsveit. Hjá okkur er ekki rukkað fyrir að ná í fasta bíla, og gerum við þó nokkuð af því á vetunar. Iðulega er okkur boðin borgun, sérstaklega þegar erlendir aðilar eiga í hlut. Höfum við ekki tekið á móti þessu heldur minnum fólk á fjáraflanir sem sveitinar eru með í gangi (flugeldasala og slíkt). Ég held að þetta sé misjafnt eftir sveitum þó held ég að sú regla sé algild að bjsv. eru ekki að rukka fyrir aðstoð. Svo er náttúrulega annað mál hvernig þetta á að vera, það getur verið mjög pirrandi að sækja einhverja sem eru í algjöru rugli eins og kanar komnir á óbreyttum pajero inná kjöl að vetrarlagi, en þrátt fyrir að hafa farið í margar slíkar aðstoðir höfum við aldrei rukkað fyrir það.

Gaman væri að vita hvar þessi 5.000.- kall er nú, er hann í rassvasa ökumannsins eða í sparibauk sveitarinnar ?

… er náttúrulega ekki rétt hjá þér.

Einhverjir aðilar hafa þarna hætt að gera það sem þeir ætluðu sér að gera þennan dag, breytt áætlunum sínum og farið af stað á bíl (sem eyðir eldsneyti, þungaskatti, og dekkjum), til þess eins síðan að mæta bílnum sem bjarga átti við Geysi.

Veit ekki með þessa menn, en persónulega hefði ég orðið pínu (og sennilega soldið meira en pínu) pissed….

Almennt held ég að sveitir rukki ekki fyrir þetta.
Samt finnst mér eðlilegt að ef björgunarsveit er farið að finnast svona beiðnir fara að vera óæskilega mikið áreiti (sem lendir yfirleitt á mjög fáum meðlimum viðkomandi sveitar, og líklega á frekar fáum sveitum), þá fari þær að hugsa sinn gang.

Um þetta ákveðna tilfelli veit ég ekkert (bara svona til að hafa það á hreinu

Mín sveit hefur almennt ekki rukkað fyrir svona beiðnir. Hvort farið er fer eftir því hvort einhverjir eru tilbúnir að fara eða ekki. Það er ekkert sjálfsagt að farið sé.
Sveitin hefur líka rukkað (hóflega þó) fyrir stærri beiðnir af þessum toga, eins og 2 daga túr þvert yfir hálendið til sækja eftirlegukindur úr krapa 2000 svo eitthvað sé nefnt.

Með broskveðju
Rúnar.

Sælir.

Ef menn sem eru að lifa og leika sér í björgunarsveitum (sem er góðra gjalda vert og bráðnauðsynlegt) eru orðnir leiðir á "kvabbi frá vitleysingum", þá mæta þeir því ekki með því að ákveða á sitt einsdæmi að taka greiðslu fyrir útköll "af því að þeir verða pisst…". Það er þá miklu einfaldara að hætta bara í björgunarsveitinni!

Mér finnst sorglegt ef hinn almenni félagsmaður í björgunarsveit ætlar með þessu móti að eyðileggja það orðspor og þá virðingu sem almenningur ber fyrir þessu fólki og setjast þar með á bekk með yfirstjórn björgunarmála í landinu, þar sem allt er í endalausu rugli og átök um titla og strípur virðist gersamlega blinda mönnum sýn… en eftir höfðinu dansa kannski limirnir.

Hitt.., helviti er nú gott að heyra að þessi PAJERO stóð sig svona vel, gersamlega óbreyttur… 😉

Ferðakveðja,

BÞV

Já svo er nú það að það var enginn nóta gerð á þetta og því má kannski segja að þetta hafi verið SVART OG SYKURLAUST

Kv Bono

Já en það það sem ég er að vellt fyrir mér er það fyrir hvað voru þeir að rukka, ekki voru það þeir sem að hjálpuðu þeim heldur var það ég. Ok gott mál ef að rekstur er þungur hjá ykkur en á þá ekki að gefa nótu fyrir svo eða er það kannski bara óþarfa skrifinnska.

Ég er sammála því að að sjálfsögðu getur verið erfit að reka svona starfsemi en þetta kom mér bara svo á óvart að því að ég var nýbúinn að tala við þetta fólk og afneita borgun fyrir björguna og svo koma þeir sem að stunda þetta og taka pening fyrir að gera ekki neitt.

Langar líka að taka það fram að ég er ekki að reyna að koma óorði á björgunarsveitirnar því að ég var meðlimur í einni sveit í 7 ár.

En takk fyrir viðbrögðin mig langaði bara að ath hvort að það væri almennt rukkað fyrir svona því að af ég mun einhvertíman þurfa á þeirra hjálp að halda sem að ég vona að gerist alldrei að þá er betra að kíkja í budduna áður en að maður kallar eftir þeirra aðstoð

PS. þegar ég spurði hvert þeir væru að fara þá sögðust þeir vera að leita að Gullfoss þannig að þessi orð segja allt sem segja þarf held ég um þessa ágætu ferðalanga.

Kv Bono

ég er sammála því, maður á aldrei að hika við að kalla á hjálp ef þess er þörf, alltaf geta komið upp aðstæður þar sem eitthvað óviðráðanlegt gerist, en aðalatriðið er að fara vel búinn á fjöll, expect the unexpected… ég til dæmis fer alltaf hlaðinn verkfærum, mat, auka fötum og aukaeldsneyti til að minnstar líkur séu á því að ég þurfi á hjálp að halda…

Sælir félagar.

Þetta er áhugaverð umræða og ég hafði satt að segja ekki áttað mig á því að innan björgunarsveitanna færi fram mat á því hvort menn greiði fyrir útköll eða ekki eftir því hvort menn teldust "vel búnir" eða á "skynsamlegu ferðalagi".

Hver metur þetta? Fer mat á þessu fram eins og Bono lýsir því, þannig að ökumaðurinn á bjöggarabílnum metur þetta í snarhasti og réttir síðan lófann út um bílgluggann? – eða ekki??

Eru til reglur um þetta innan Landsbjargar og ef ekki, eru menn þá að vinna að björgunarstörfum á mismunandi forsendum út um allt land?

Af hverju er það látið bitna á þeim sem biðja um aðstoð ef skipting peninganna frá Landsbjörg er "ósanngjörn" eða " óeðlileg"?? Af hverju vinna menn ekki frekar að lausn málsins innan samtakanna??? Er ekki mistök að reyna að búa til eitt heildstætt björgunarbatterí úr Slysó, Skátunum, Flubbunum, Slökkviköllunum, Landhelgisgæslunni og Almannavörnum. Auk þess er búið að bæta strípuhneigða ríkislögreglustjóranum inn í þetta ef ég skil þetta rétt????? Auðvitað getur aldrei verið sanngjarnt að þeir sem ekki lyfta litla fingri fái fyrir það eitt einhverjar milljónir…

Ég þekki fullt af áhugasömu og góðu fólki sem starfar innan hinna ýmsu þessara samtaka/embætta og þetta fólk á það eitt sammerkt að það er gersamlega að gefast upp á valdagræðginni og framapotinu í sumum aðilum sem þykjast "æðri eða merkilegri" en hinir innan þessa björgunargeira. Er þetta ekki allt í tómu bulli?

Mér finnst ekki fara saman hljóð og mynd hjá þeim sem hvetur fólk til að "endilega að kalla eftir aðstoð" en vera jafnframt tilbúinn að dæma það eftirá hvort ferðinn var glapræði eða skynsamleg og láta þá "aulana blæða"…

Ferðakveðja,

BÞV