This topic contains 42 replies, has 1 voice, and was last updated by 
-
Topic
-
AnonymousHér fyrir nokkru var góð umræða um klúbbinn og voru skiptar skoðanir um framtíð klúbbsins og sýndist mönnum sitt hvað í þeim efnum. Þó eru flestir á því að, aðal markmið klúbbsins eigi að vera hagsmuna gæsla félagsmanna. En til þess að það markmið náist þarf greinilega skipulagsbreytingu innan klúbbsins. Og þar held ég að stjórn og nefndir spili lykil hlutverk, einnig þeir einstaklingar sem láta sig málefni klúbbsins varðar, sem eru fjölmargir fyrrverandi nefndar og stjórnarmenn. En hvað þarf að gera til þess að klúbburinn lifni við og verði skilvirkari. Einar og tækninefndin hreyfði við mér, og þá sérstaklega orð Einars Þar sem hann segir að tækninefnd mætti hafa gert meira. En það má líka segja þetta um FLEIRI. Þetta er alveg rétt hjá Einari, fjölmargir nefndarmenn sitja í nefndum klúbbsins án þess að gera nánast nokkurn hlut. Og verst er þegar þeir hinir sömu bjóða sig fram kannski fleiri kjörtímabil án þess svo sem að gera nokkuð gagn eða hreinlega að þeir hafi ekki tíma til þess, einhverra hluta vegna. Þess vegna þarf að breyta nefndarskipan og sumar nefndir ætti að stjórnskipa. Með því móti fengi formaður og stjórn meira tækifæri á því að vinna með fólki sem þau treystu til starfa. Ýmsar nefndir mætti sameina undir einn hatt og breyta áherslum þeirra. Hugsanlega mætti fækka nefndarmönnum um helming, og fá með því móti kannski meiri samvinnu og samstöðu þeirra sem eftir eru. Sumar nefndir mætti hreinlega leggja niður og minka með því flækjustigið í stjórnarapparatinu í klúbbnum. Hér eru nokkrar hugmyndir sem menn mættu hugleiða.
1 Ritnefnd verði lögð niður
2 Vefnefnd og ritnefnd væru sameinaðar undir öðru nafni og öðru hlutverki
3 Stjórn væri skipuð 7 mönnum og enginn til vara
4 Tækninefnd væri stjórnskipuð 3 mönnum eða
Sameinuð fjarskiptanefnd og í nenni sætu 5 menn sem færu með málefni beggja nefndanna
5 Húsnæðisnefnd væri lögð niður
6 Umhverfisnefnd væri óbreytt
7 Hjálparsveit lögð niður
8 Skálanefnd óbreytt
9 Litlanefnd 3 menn og tækju upp þá stefnu sem lagt var með í upphafiHérna eru hugmyndir, tætið þær í ykkur. Ps þessar hugmyndir endurspegla ekki skoðanir stjórnar, svo það sé alveg á hreinu.
-
Replies
-
Það er eiginlega tvennt í þessari umræðu sem vekur áhuga minn.
[b:2rxpmcp9]Stjórnarskipun[/b:2rxpmcp9]. Ég er persónulega mótfallinn á móti því að nýta þá aðferð, hún er ekki lýðræðisleg, ekki opin og eins og dæmin sýna ekkert endilega skilvirkari (svefnnefndir eru jafnt kosnar sem stjórnarskipaðar). Stjórnskipun er samt nauðsynlegt úrræði t.d. ef engin nefnd hefur með ákveðið mikilvægt mál að segja og langt er í aðalfund. Þá þarf stjórn að geta stofnað starfshóp og veitt honum umboð til að fara með málið. Annað mögulegt tilfelli er ef hópur þarf að lifa af lengur en kjörtímabilið (2 ár) eins og mér finnst raunin vera með starfshópinn um Slóðamál. Þannig að já sem verkfæri til nota í undantekningatilfellum þá er stjórnskipun ill nauðsyn.
[b:2rxpmcp9]Fjöldi í nefnd[/b:2rxpmcp9]. Að fækka í nefnd þarf ekki endilega að minnka virkni hennar. Við að færri hendur séu tilskipaðar þá þynnist ábyrgð minna, nefndin sækir sér frekar áhugasama út fyrir sínar raðir til að mæta verkefnum og þyngsl í vöfum verða minni (þ.a.l. skilvirkni meiri). Þetta er s.s. þekkt úr öllu hópastarfi, hvort sem það er í félagsstarfi, skólaverkefnum eða vinnustöðum. Ábyrgð hvers og eins verður líka meiri. Auðvitað þarf að sníða stærð nefnda eftir umfangi verkefna og ábyggilega einhverjar nefndir sem í raun og sannleik þurfa að vera fimm manna.Annars finnst mér gaman að sjá vangavelturnar og greinilega hægt að fara margar leiðir í þessu máli.
Mér fannst þetta eiga heima frekar hér og langaði aðeins að tjá mig.
tekið af umræðunni um [url=http://www.f4x4.is/new/forum/default.aspx?file=alltannad/11119#87870:2045o729][b:2045o729]gæðaflugelda[/b:2045o729][/url:2045o729] .
"Nei nú finnst mér þið vera komnir út á hált svið. Ef stjórn á að ákveða hvaða tilboð eru boðin félagsmönnum jafnvel með lagabreytingu á aðalfundi þá skal það gert á öllum sviðum.Þá skulum við setja lög um stefnu og viðbrögð kúbbsins við virkjunum líka. Þá er ég ansi hrædd um að ekki fáist samstaða svo eigum við ekki bara að hafa þetta eins og þetta er og reikna með að félagsmenn hafi heilbrigða skynsemi" (lella)
–
Er ekki einmitt verið að leggja það til að stjórnin taki ekki ákvörðunina heldur félags- eða aðalfundur um hvaða stefnu klúbburinn vill taka í ákveðnu(m) máli/málum og fyrir stjórnina til að fylgja eftir. Er það ekki einmitt það sem að vantar í þennan klúbb til að hann virki t.d. sem hagsmunafélag. Að það séu borin málefni undir félagsfund og jafnvel aðalfund og tekin ákvörðun um afstöðu sem að á að fylgja. Leggja þannig jafnvel línurnar fyrir stjórnina til að vinna eftir. Stjórnin starfar í umboði félagsmanna (3000 stk.) og félagsmenn eiga í staðin að fylkja sér á bak við stjórnina og styðja við hana. Mér hefur einhvern vegin fundist að það sé alveg sama hvað þessi stjórn gerir eða gerir ekki þá virðist það alltaf vera rangt og menn snöggir að kasta steinum, gangrýni og jafnvel ásakanir sem að jaðra við meiðyrði. Ég er ekki að segja að stjórnin sé hafin yfir alla gagnrýni heldur að hún þurfi að vera málefnaleg. Er það rétt að 5 manns jafnvel 3, því að það er meiri hluti í stjórninni, eigi alltaf að taka allar ákvarðanir fyrir heildina. Þið sjáið nú hvernig fór með þessa blessuðu tilkynningu um flugeldana. Mikill meiri hluti þeirra sem að tjá sig á vefnum voru ekki sammála þessu. Ef að það má ekki taka afstöðu (t.d. um það) og ákvarðanir t.d. á félagsfundi og menn geta ekki komið sér saman um að standa saman þá má nú bara leggja þessa stjórn niður og klúbbinn ef út í það er farið, hann er ekki að virka eins og hann hefur alla burði til. Hann skortir trúverðugleika að mínu mati og gerir akkúrat ekkert gagn ef að hann ætlar að vera hvorki né eða gott báðu megin alltaf. Við getum valið um að hafa þetta 3000 manna þrýstihóp sem að stendur þétt saman og nýtt hann á öflugan hátt til að hafa áhrif á málefni eða 3000 manns sem að er skráð í félagatali og já er sammála um að vera ekki sammála og vill alls ekki taka afstöðu, það fleytir okkur langt er það ekki.
–
Kv. Stefanía.Disclaimer: Ég tek það fram að þetta er eingöngu mín persónulega skoðun.
You must be logged in to reply to this topic.