Klúbburinn okkar

Það verða nú seint allir sammála í svona fjölmennu félagi, en svona naflaskoðun er að mínu viti alveg bráðnauðsynleg, en við þurfum þá líka öll að sýna þann þroska að halda okkur á málefnalegum nótum. Það er reyndar gert óvenju mikið á þessum þræði og er það hið besta mál. Einn kosturinn við að hafa nefndir um sérstök mál og málaflokka er sá, að það virkjar fleiri til þátttöku í félagsstarfinu og dreifir álaginu, sem ég hef trú á að verði oft ansi mikið á þá sem eru í aðalstjórn og þá ekki síst formann hverju sinni. Fólki er reyndar mislagðar hendur við að vera í forystu fyrir slíku starfi, og mörg okkar eru býsna mikið störfum hlaðin dags daglega og því kannski viðbúið, að einhver félagsleg verkefni verði útundan. Þetta er náttúrulega mikið verkefni og oftar en ekki spurning um verklag. Í tengslum við annan þráð sem er í gangi hérna dettur mér í hug, að það gæti verið nauðsynlegt að koma á tengingu inni í samgönguráðuneyti sem tryggi að allar breytingar á reglugerðum um gerð og búnað ökutækja verði sendar til umsagnar hjá tækninefnd og stjórn f4x4 svo við lendum ekki í því að standa frammi fyrir orðnum hlut eins og með ljósagrindurnar og spilfestingarnar. Nú ætla ég mér ekki þá dul að fara að hafa skoðun á því hvaða nefndir séu nauðsynlegar og hverjar ekki. Það þarf bara að ræða á málefnalegum grunni og komast að niðurstöðu. En ég vil ljúka þessu á því að undirstrika þá skoðun mína, að það er mjög þarft verk hjá Ofsa vini mínum að koma þessari umræðu af stað.

Hugmyndin af því að gera varamenn að aðalmönnum er sú að virkja þá betur. Þ.a.s að þeir séu ekki á hliðarlínunni einsog stundum hefur gerst. Verkefni stjórnar eru einfaldlega það mörg á ári ( þau skipta hundruðum eða þúsundum/ allt eftir því hvernig það er reiknað út ) að það er ekki á færi 5 manna stjórna að sinna þeim, og enn síður er einhverjar nefndir eru ekki að virka sem skildi. Í raun hefur helsti flöskuháls stjórnarvinnuna verið einstaka nefndir sem ekki eru nægilega virkar og draga með því móti verulega úr getu stjórnar.

Vefnefnd
Vefnefnd getur sinnt fleiri verkefnum, einfaldlega með því að smíða notendavænni vefsíðu. En núverandi vefsíða, krefst of mikillar umsýslu vefnefndar sem betur væri varið í annað. Ef smíðuð væri ný síða gæfi það vefnefndar mönnum frekari tækifæri á því að sinna ritstýringu, efnisöflun og útgáfustarfsemi ofl. Því er ég sannfærður um það að ritnefnd og vefnefnd mætti sameina sem einskonar fjölmiðla og útgáfunefnd. En til þess þurfa tól þeirra að vera af nýjustu tækni. Þ.a.s ný vefsíða strax.

Litlanefnd
Af hverju Litlanefnd aftur. Verð eiginlega að svara því sérstaklega fyrir þá sem vilja þann hluta starfsins dauðan ( s.m.b Hlyn ). Klúbburinn stefnir að því marki að vera hagsmunaklúbbur. Á þeirri löngu leið eru ýmsar hindranir og oft á leiðinni þarf að taka krók fyrir keldu, auk þess þarf stundum að fylkja liði til þess að sigrast á ýmsum verkefnum á leiðinni. Til þess að sigrast á verkefnunum þarf stundum marga aðila. Það mætti t,d benda þeim rómantísku ( Skúla og Hlyn ofl ) á það að olíufélöginn hefðu sennilega ekki mikinn áhuga á því að semja og leggja niður mikinn tíma í það að semja við nokkur hundruð manna félag. Því þarf að breikka hópinn, og Litlanefnd er einmitt tæki til þess. Hún er einskonar aukahlutur til þess að komast leiðar sinnar. Hinsvegar má hún ekki hafa sérstakt líf svo hún spretti ekki úr spori á ranga átt einsog hefur átt sér stað. Því við erum einn hópur og stefnum að sama markinu, þó svo að það séu farnar ýmsar krókaleiðir að því og stundum þurfi að splitta upp hópnum aðein til þess að heildin mjakist áfram að sama markinu.

Fjöldi nefndarmanna.
Hugmyndin á bakvið fækkun nefndarmanna er kannski sú að minka báknið.
Einsog flestir jeppamenn vita ganga ferðir, þar sem er takmarkaður fjöldi þátttakenda, mun betur og hraðar fyrir sig. Það að halda að núverandi kerfi sé gott eða gæti virka getur verið að sé rétt, ég kem bara ekki auga á það. Því við horfum upp á það, að í fimm manna nefndum að það eru 2-3 virkir í hverri nefnd, nema í undantekningar tilfellum. Í umhverfisnefnd og stundum skálanefnd eru allir virkir og er það búið að vera þannig lengi.
Með fækkun nefndarmanna mætti hugsa sér að það mætti þjappa betur saman þeim sem vinna vinnuna í klúbbnum og stjórn og formaður hefðu betri yfir sýn yfir hlutina. Einnig væri hugsanlega að með fækkun væri hægt að losa klúbbinn við dragbíta sem hanga inni í nefndum endalaust vegna þess að þeim virðist það vera svo svakalega flott að geta skeytt sig með nefndar titli. Með fækkun í nefndum væri hreinlega ekki pláss fyrir slíkt, þar þyrftu allir að virka.

Ritnefnd
Lella tók aðeins á þessu máli hér að ofan og voru eiginlega þrjár hugmyndir uppi. Þ.a.s aftur hvarf til fortíðar og gefa Setrið út 11 sinnum í mánuði. Sú hugmynd gengur hreinlega ekki upp, alveg sama hversu mikið okkur langar til þess. Í fyrsta lagi nennir enginn að hafa þá kvöð á sér að þurfa að gefa út blaðið einu sinni á mánuð og þeir sem gefa sig út í það brenna upp á stuttum tíma. Einnig vitum við það að blaðið er í óbeinni samkeppni við f4x4.is og þar hefur f4x4.is nánast alltaf vinninginn enda gerast hlutirnir það strax. Svo má benda á annan lið, en það er kostnaðarliðurinn sem hefur farið vaxandi t,d með verulegum hækkunum á dreifingarkostnaði og var tapið á blaðinu í hverjum mánuði um 150.000 og þótti stjórn nóg um. Því má bæta við að með tímanum hafa komið upp samkeppnisaðila á auglýsingamarkaðinn sem ekki voru fyrir hendi á gullaldarárum Setursins. T,d Bílar og Sport, og Útivera. Í ljósi þessa finnst mér vænlegast að gefa blaðið út einu sinni á ári og þá í bókaformi ef við eigum að stand í þessari útgáfu yfir leitt. Reynda hefur þessi hugmynd ekki gefist vel heldur, með útgáfu í færri skipti. Þannig að Setrið er að mínu viti gjörsamlega komi í strand. Eiginlega sjálfdautt og að berja hausnum við stein með það að þetta blað þurfi bara að koma út með góðu eð illu er út í hött.

Nú er ég að velta fyrir mér þar sem að ég þekki nú ekkert til…
Það eru 5 manns í stjórn og svo 2 varamenn = 7 manns (draumatalan hans Jóns). Er eitthvað sem bannar að þeir séu nýttir … ef það er ekki verið að nýta þá. Þeir mega/og ættu að sitja stjórnarfundi en ef ég man rétt hafa ekki atkvæðisrétt (leiðréttið ef vitlaust). Eru ekki einhver verkefni sem að þeir geta unnið að. Eða er málið að menn þurfa titla til að geta tekið af sér verkefni….?
Ég er ekkert að mæla á móti 7 manna stjórn bara að spekúlera og segjum að það verði kosin 7 manna stjórn þá verða menn að gera sér grein fyrir því að það þarf alltaf að kjósa að mínu mati varamenn (lám. 2). Aðstæður hjá fólki eru oft fljótar að breytast nú og eins ef að menn eru að fara í fýlu hægri vinstri eins og gengur og gerist.
–
Hvað varðar blaðið þá hef ég verið smávegis á þeirri skoðun að það væri mögulegt að vera með svona snepill sem að væri gefin út kannski 1 sinni í mánuði eða annan hvern mánuð á Netinu sem að fólk getur svo prentað út ef vill. Þarf ekki að vera stórt heldur samantekt á því sem að hefur verið í umræðunni, hvað er að gerast og svo einhverja ferðasögur. Frekar en að gera ekki neitt.
Bókahugmyndin er líka sniðug og hugsa ég þá aðalega út frá heimildarsjónarmiði og svo ekki síður skemmtanagildi.
–

kv. stef…

Lella….
Nú kemurðu inn á veikan blett hjá mér… orðið sjálfboðastarf… Þetta er nefnilega val hjá fólki að bjóða sig fram (framboð). Að loka fyrir það að fólk geti setið meira en eitt ár í nefnd finnst mér að ætti ekki að vera í lögum klúbbsins. Heldur finnst mér að það ætti að leita annara leiða til að skipta út þaulsetnu fólki sem skilar engu í nefndinni. Td. ef það er 5 manna nefnd og að 1 gerir ekki neitt. þá gæti nefndin rætt við hann um að draga sig úr nefndinni og svo væri hægt á félagsfundi að kjósa annann inn, að það þurfi ekki aðalfund til þess, en að sjálfsögðu er aðalkosningin hátíðleg á aðalfundi. Það myndi einnig auðvelda fólki að draga sig í hlé án vandræða. Þetta hefði held ég auðveldað lausn mála litlu nefndarinnar að einhverju leyti. Það er ekki eins og að þessar nefndir séu að stýra landinu. Og með stjórnina að þá er gott að hafa einmitt varamenn ef að einhver er búinn á því þá geti hann annað hvort tekið sér smá pásu og hlaðið batteríín eða bara … gefist upp og hætt ;->. (en kosning í hana þurfi aðalfund- nú svo auka-aðalfund… ef það tekur því).
–
Laugi…
Ég tel það ekki vera ókostur að starfsmaður og formaður sé einn og sami maðurinn. Hver er betur inn í málunum en einmitt formaðurinn og mörg mál eru þannig að það þarf að sinna þeim í dagvinnutíma.
Litlanefnd… ég er þeirra skoðunar að það ætti að vera 2-3 manna ferðanefnd innan klúbbsins sem að hefði yfirumsjón með ferðum, sjá til þess að það séu ferðir og að finna hæfa fararstjóra í þær. Þessi nefnd ætti að geta hugsað "óháð dekkjastærð". Til hennar gætu svo fólk leitað ef að það langaði til að skipuleggja ferðir sjálft og fengið þá aðstoð við það…

kv. stef…

Mér hugnast þessi sameining nefnda mjög vel. Hins vegar að hvort sem það eru 5 eða 7 manns í nefnd, þá er það í félagalögum að kjósa skuli 1-2 varamenn. Ég held að slíta eigi sundur tengslin á milli núverandi formanns-framkvæmdastjóra og starfsmanns. Tel þetta meira svona princip-atriði og er alls ekki að deila á Agnesi, sem að mínu mati er kletturinn í starfinu. Setrið er náttúrulega orðn tímaskekkja vegna vefsins, þó að gaman væri að fá annál ársins í jólabókaflóðinu. Mér finnst að stjórn og nefndir mættu vera duglegri við að halda fundargerðir á sínum síðum, og efla mætti bókasafnið með skýrslum og öður efni sem okkur berst.

Nú verð ég að fara undir feld, "I´ll be back"

Bkv. Magnús G.

Ég myndi t.d. ekki vilja vera bæði í stjórn og einhverri nefnd. Þarf greinilega að fara að taka til í þessari ferðanefnd sem Ofsi situr á eins og ormur á gulli 😉 Sofandi nefnd, ekkert annað!

Ferðanefnd ætti að sjá um ferðadagskrána, finna fararstjórar og hluti eins og að fá bestu dílana á gistingu, mat og aðstoða við utanumhaldið. Mér finnst ekkert atriði að ferðanefnd myndi sjá um allar ferðir en ætti að svona "halda utan um pakkann", oft í nánu samstarfi við aðrar nefndir, t.d. umhverfisnefnd varðandi landgræðsluferðir. Og þá auðvitað ferðir í öllum lengdum (dags,helgar,…) og öllum stærum (dekkja…). Þetta er hlutur sem er að taka hellingstíma í dag m.a. hjá stjórn og fleirum.
Einhvern veginn finnst mér "eðlilegt" að skella uppákomum inn í þetta eins og sumarhátíð og kalla þetta Ferða- og skemmtinefnd. Gæti líka verið uppákomu- og ferðanefnd eða til styttingar: uppáferðanefnd.

Johnny B. Good…
Það gleður mig að upphafsmaðurinn skuli sýna gott fordæmi. Mér finnst nú bara lámark að nota tækifærið og þakka Jóni einmitt fyrir, fyrir þetta gríðarlega nefndarstarf. Að sjálfsögðu verður væntanlega tekið tillit til þess við gerð starfslokasamningsins… spurningin er hver verður feitastur þá samningurinn… eða Jón.
–
Maggi ég er einmitt búin að vera að dunda mér við að lesa fundargerðirnar frá umhverfisnefndinni… nei nú er ég að rugla enn einu sinni…
–
Og hvað varðar framkvæmdarstjóri vs. launaður starfsmaður… ef að einhver gæti útskýrt það fyrir mig einu sinni enn hvernig það geta orðið svona ofboðslegir hagsmunaárekstrar á milli þessara aðila.
Eigum við að hafa starfsmann og Formann/framkvæmdarstjóra á launum (2 stk). Það er ekki eins og þetta sé Baugsveldið (alla vega ekki ennþá). Hvernig eigum við að leysa þetta. Eða er það ekkert prinsipp mál svona 2 fyrir 1 samningur og spara þannig.
Held að Agnes viti það ekki en ef að hún væri starfandi framkvæmdarstjóri einhver staðar annars staðar… þá grunar mig að við værum að tala um allt aðrar launatölur (þekki samt ekki hennar tölur)… og þá erum við komin aftur og enn einu sinni í feministaumræðuna… er þetta af því að hún er kona.
Nei Stefanía…. nú verð ég að stoppa þig af…
kv. stef….

Jón minn ég er ekki í ferðanefnd, Þorgeir tók mitt sæti fyrir tæpum 2 árum.
Ferðanefnd var hugsuð sem aðstoð við þá sem sjá um ferðir ekki að skipuleggja sjálfar ferðirnar.
kv
Agnes karen Sig

Ég er búinn að vera að lesa þetta sem hefur verið sett fram og þar kennir margra góðra hugmynda og flott að velta þessu svona fram,ég tek samt sérstaklega fram að á engann hátt er ég að höggva í Agnesi varðandi athugasemdir um starfsmann/formann,hef ekkert út á hana eða störf að setja og var satt best að segja að vona að okkur tækist svona einu sinni að fara yfir málin án þess að draga persónur inn í þau,því allir sem starfa fyrir klúbbinn eiga þakkir skilið fyrir störf sín,hugmyndafræðileg átök um starfið eru hins vegar af hinu góða og ættu að skila okkur betra starfi og öflugra.
Ég sé ekki alveg hvers vegna það er tabú að ræða þessi mál um starfsmann klúbbsins og hvet fólk til að kynna sér hvernig svona málum er alment komið hjá sambærilegum samtökum,ég fæ engvan vegin séð að það geti gott fyrir klúbbin að hafa málin svona,á þá að gera ráð fyrir að við næstu formannskosningu að starfið fylgi embættinu eða verður þá ráðinn framkvæmdarstjóri eða verður þá bara starfsmaður sem vinnur 40% starf?’??? þessi mál eru bara altof mikið í lausu lofti til að það sé ásættanlegt,starfsmaður þarf að vera algerlega hlutlaus aðili og það getur kjörinn formaður engan vegin verið,eins ef koma upp álitamál um störf starfsmanns(enn og aftur ég er ekki að vega að Agnesi,þessar vangaveltur hafa ekkert með hennar persónu að gera)á þá stjórn sem formaður/starfsmaður á sjálfur sæti í að dæma í eigin málum,eru þá ekki allir stjórnarmenn í raun óhæfir að fjalla um málið,??????? nei ég held að þetta fari aldrei vel saman svo að friður verði um.
Ég tek undir með það hvað varðar uppjörsárið og vil meina að það eigi að fylgja starfsári stjórnar ásamt því að megin áherslur á komandi starfsári eigi að liggja fyrir fljótlega eftir aðalfund og jafnframt að klúbburinn eigi að marka sér ákveðna stefnu í hinum ýmsu málum sem á okkur brenna,td húsnæðismál á að leigja áfram eða kaupa,umhverfismálum,verndun eða nýting og þá hvað á að vernda eða nýta,ferðafrelsi og slóðalokun,og svona mætti lengi telja.
Starf nefnda er eins og ég hef fyrr sagt ætti að skoðast í ljósi fortíðar með framtíðina í huga og þá ætti þörfin á hverri nefnd fyrir sig að skýra sig mikið til sjálf,fundargerðir nefnda ættu að berast stjórn innann viku frá nefndarfundi og samráðsfundir ákveðinna nefnda og stjórnar ættu að vera 2-3 á starfsárinu þar sem nefndir og stjórn stilla saman áherslur og starf,þannig ætti að vera frekar auðvelt að marka ákveðna heildarstefnu og skapa sterka heild og samstöðu um mál klúbbsins og skýrari línur um hin ýmsu mál sem að innra starfi klúbbsins viðkemur.mér þætti gaman td að vita hversu margar nefndir færa fundargerðarbók og hvar og hvenær þær þær séu aðgengilegar til skoðuna fyrir félagsmenn.
Hvernig er með starf nefnda,? hvað eru nefndir að gera í hinum ýmsu málum sem þeim viðkoma og hvernig er unnið í þeim,ég veit td að fjarskiptanefnd er með öflugt starf sem lítið fer fyrir nema þegar kvartað er yfir hinum og þessum endurvörpum,umhverfisnefnd í hverju eru þeir að vinna,þessi mál mættu vera opnari og aðgengilegri fyrir okkur félagsmenn,því ekkert í starfi nefnda eða stjórnar er félagsmönnum óviðkomandi.
Kv Klakinn

Þetta er mikil og feit umræða. Spurning hvort sé ekki rétt að kjósa nefnd sem fái það hlutverk að leggja niður nefndir. Kjósa í hana Hlyn, Lellu og Klakann og svo verði Ofsi formaður nefndarinnar. Það gæti verið fjör.
Umræðan er búin að fara víða og ég nenni ekki að skrifa um allt, enda víða allt komið fram sem skiptir máli. En eitt hefur ekki verið rætt mjög mikið og það er þessi pæling Ofsans um stjórnskipaðar vs kosnar nefndir. Ég held að það sé alveg rétt kenning að stjórnskipaðar nefndir geta verið virkari og ef þær eru ekki nógu virkar getur stjórnin bara skipt um fólk án þess að það sé neitt flókið við það. Stjórnin hefur þá fullt frelsi til að velja þá sem líklegir eru til að virka. Þessar nefndir þyggja umboð sitt alfarið frá stjórninni og hafa einfaldlega það verkefni að framfylgja ákvörðunum stjórnarinnar. Það hvort sú stefna sé rétt eða hvort menn séu sammála henni er allt annað mál, þetta fyrirkomuleg er samt líklegra til að koma hlutunum í verk. Stjórnin fær meiri og skýrari völd og um leið ber klárlega ábyrgð á starfinu. Á hinn bóginn vill það stundum verða hálf tilviljanakennt hverjir lenda í nefndarsetu í þessum kjörnu nefndum og stundum er nánast snúið upp á eyrun á einhverjum sakleysingjum sem villast inn á aðalfund. Þannig skipan nefnda er ekki vænleg til að skila virkri nefnd.
Neikvæða hliðin hlýtur hins vegar að vera að það er ekki eins lýðræðislegt að nefndir séu stjórnskipaðar. Þetta þjappar völdunum á færri hendur. Það er líka aukin hætta á klíkumyndun og færri tækifæri fyrir nýja félagsmenn að komast inn í starfið. Ég veit satt að segja ekki hvort það sé holt fyrir klúbbinn.
Önnur leið í þessu sem væri einskonar millileið er að stjórnin skipi uppstillingarnefnd fyrir aðalfund. Þessi nefnd má gjarnan vera nokkuð fjölmenn og með aðilum úr sem flestum kimum klúbbsins með formann klúbbsins sem oddamann og hún fái það hlutverk að finna vænlega frambjóðendur í öll embætti sem kosið er í. Þetta er auðvitað gert að nokkru leiti en á mjög óskiplagðan hátt og ekki mjög markvisst. Hefur eiginlega gerst þannig að þegar aðalfundur fer að nálgast fara annaðhvort nefndirnar að finna einhverja úr félagahópnum til að shanghæa inn í nefndina eða Ofsi fer að hafa áhyggjur af þessu og fer að ræða við menn og sparka í rassa. Listar svo upp það sem honum sýnist ganga upp og svo gengur eitthvað af. Athugið að þó uppstillinganefnd leggi fram tillögu á aðalfundi er öllum frjálst að koma með mótframboð. Þetta er allavega ein leið sem hægt er að spá í.
Svo er þetta sígilda með formann/framkvæmdastjóra. Ég held að núverandi stjórn hafi tekið ágætlega á þeim annmörkum sem kunna að vera á því að þessi embætti séu í sama einstaklingnum. Það að þetta sé svona núna þýðir ekkert að það þurfi að vera þannig alltaf. Þegar Agnes hættir sem formaður getur hún alveg verið framkvæmdastjóri klúbbsins áfram og ég myndi gjarnan vilja sjá það gerast. Ég hef ekki sérstakar áhyggjur af þessum hagsmunaárekstrum en það er bæði þæginlegt fyrir framkvæmdastjórann að hafa góðan formann til að starfa með og nauðsynlegt fyrir formanninn að hafa góðan framkvæmdastjóra til að framkvæma stefnuna.
Kveðja – Skúli