KLOFNINGUR

Það er bara ekki hægt að bera saman 4×4 og útivist því þetta eru svo ólík félög og starfsemin rekin mjög mismunandi hjá hvoru félagi. 4×4 leggur áherslu á allt aðra hluti en útivist og er meir að spá í rétt okkar að fá að aka um hálendið á breyttum jeppum meðan útivist er nú meira fyrir að nota skóna og laða fólk að Básum ef undan er skilið jeppadæmið hjá þeim.

Það er eflaust hægt að segja að það sé ekki gott fyrir nýliða að koma í 4×4 og fara að starfa með ef hann er einn og líka mætti kannski huga að því að fólk sem er á minna eða óbreyttum bílum ætti samleið með okkur hinum í einhverjum málum en því má ekki gleyma að 4×4 er ferðaklúbbur en ekki ferðafélag þar sem eru settar upp ferðir fyrir alla sem vilja. Sem dæmi taldist mér til að útivist sé méð 59 brottfarir í ferðir hjá sér bara í júni í sumar, en fá fer 4×4 í frí og heldur ekki fundi.

Það er nokkuð ljóst að ef menn vilja ferðast um hálendið að vetri til verða þeir að hafa félagsskap til að ferðast með og menn geta kannski ekki ætlaðst til að mæta á einn fund og einhver hópur bjóði þeim með í ferð um næstu helgi því flestir ferðast með sínum hóp og eru kannski ekki æstir í að taka með einhverja sem eru ekki með reynslu og þeir þekkja ekki og eru trúlegir til að hanga í spotta alla helgina ef færið er þungt og hálf skemma ferðina fyrir hinum ferðafélögunum.

Kveðja Hlynur R2208

Ég verð að leiðrétta Matta örlítið þar sem hann nefnir dæmi um verðlagningu sem er ekki rétt. Nema kanski eigi við um 4 daga páskaferð á Grímsfjall eða Drangajökul.

Dæmi um verðlagningu ferða hjá Jeppadeild Útivist:

Hveravalla ferð sem felld var niður vegna veðurs og færðar en átti að vera um síðustu helgi.
Verð: 6.500kr á manninn. Innifalið: Gisting 2 nætur, matur (1xkvöldmáltíð), farastjóri og undanfari. 28 manns voru skráðir í þessa ferð.

Önnur dæmi:

Aðventuferð Jeppadeildar Útivistar í Bása síðasliðinn desember.
2.000kr fyrir manninn, gisting 1 nótt innifalinn.

13. ferð Jeppadeildar Útivistar í Bása í janúar 03.
2.300kr fyrir manninn gisting 1 nótt innifalinn.

Algengt verð á vetrarferð um helgi með farastjóra hefur verið 3.900-4.900kr á bílinn sé gisting eða matur er ekki innifalinn.

Jepparæktin í janúar og febrúar: Ókeypis / þar mættu síðast 30 bílar!

Dæmi hver sem vill!

Það er rétt að eðlismunur á þessum 2 félögum er svolítill og þó!

Útivist er ferðafélag sem skipuleggur og auglýsir ferðir. Megin fjáröflun Útivistar eru félagsgjöld, ferðir og sala gistingar í eigin skálum. Útivist hefur verið í fararbroddi í því að hvetja fólk til ferðalaga um landið okkar.

Það er rétt að Jeppadeild Útivistar reynir að sameina alla fjölskylduna í ferð, þ.e. hafa skíðin með, skipuleggja gögnskíðaferðir samhliða jeppaferðum og reynum að nota gönguskóna svolítið líka.

Útivist á og eða rekur í samvinnu við bændur. 7 skála sem eru: 2 í Básum, Strút, 5VH, Álftavatnakrók, Skælinga og Sveinstind.

Ég hef litið á 4×4 sem hagsmunafélag Jeppamanna og ferðaklúbb (+/-) t.d. T.d. er í mínum huga verndun landsinns sem við eru að ferðast á í hagsmunamál klúbbsinns! (en um þetta má eflaust rífast endalaust)

Svo eru það þeir sem eru aðalega inní bílskúr og ferðast meira þar í orði en í verki.

Bæði er góðra gjalda vert enn!!!! þegar á botninn er hvolft snýst þetta um að vera í góðum félagsskap með svipuð eða sömu áhugamálin að ferðast í orðum eða verki um óspillta nátturu Íslands.

kv,

Viðar

Sælir.

Athyglisverð sýn sem VP36 hefur á móralinn innan klúbbsins. Auðvitað er það bara eðlilegt að ferðahópar verði til í gegnum kunningsskap. Reynslan hefur sýnt að þeir hópar sem myndast eru langlífastir, ef búnaður og geta bílanna er svipuð. Þetta er í mínum huga svo eðlilegt, að það tekur því varla að minnast á það.

Hins vegar hafa þeir sem hafa meiri reynslu af ferðalögum efnt til svokallaðra Nýliðaferða sem VP36 hefur sennilega ekki heyrt um. Þá er nýliðum boðið sérstaklega að koma með á fjöll, oft að undangengnum fundum og/eða námskeiðum sem haldin eru til undirbúnings. Í fjölda ára hefur verið farin svona ferð um mánaðarmót nóv/des og hafa þær notið mikilla vinsælda. Til langs tíma var farið í Setrið og Árbúðir, en árið 2000 var Hveravallaferð bætt við flóruna. Í síðustu ferð var 3ju ferðinni bætt inní, sem var ferð í Jökulheima. Mikil lukka hefur ætíð verið með þessar ferðir, þótt náttúran og veðurguðirnir hafi ekki alltaf farið mjúkum höndum um nýliðana. Líklega hafa milli 80 og 90 bílar tekið þátt í síðustu nýliðaferð(um).

Þessu til viðbótar hafa svo nefndir innan klúbbsins staðið að nýliðaferðum, t.d. umhverfisnefnd og skálanefnd. Svo er sumarhátíð og fjölskylduhátíð á hverju ári, þar sem óbreyttir bílar og jafnvel fólksbílar eru oft í meirihluta. Nú stendur fyrir dyrum 1000 bíla ferð, þar sem ÖLLUM jeppaeigendum á Íslandi er boðið að taka þátt.

Að halda því svo fram að "strákarnir á stóru dekkjunum" geri ekkert fyrir hina á minni hjólunum er því bara alrangt. Það er einmitt svona ómálefnanleg umræða sem dregur kraft úr öllum þeim fjölda topp fólks sem er að gefa vinnu sína allt árið um kring út um allt land, í þágu þessa áhugamáls okkar. Gagnrýni á alltaf rétt á sér, hún er bara svo leiðinleg ef hún byggist ekki á rökum.

Ferðakveðja,

BÞV

Held að Hlynur og BÞV séu búnir að skýra nokkuð vel út tilgang félagsins, enda best fyrir þá sem ganga í félagið að kynna sér markmið og lög félagsins.

Til upplýsinga fyrir VP 36 ef farið er 20 ár aftur í tímann þá fengu menn ekki einu sinn að keyra um á 33" dekkjum, hvað þá stærri hjólum en það. Í dag fengist þetta aldrei samþykkt á Íslandi að breyta bílum eins gert er, en þökk sé starfi 4×4 klúbbsins sem er eini félagsskapurinn á landinu sem hefur barist fyrir því að þetta sé leyft. Þannig að VP 36 vertu bara ánægður með þetta, þú værir ekki akandi á þínum Patrol á 38" nema vegna starfsemi 4×4 .

VP 36 settu svo upp góðaskapið finndu þér ferðafélaga við þitt hæfi og drífðu þig á fjöll og hafðu gaman af. Hver veit nema, ef þú( brosandi) kemst upp að hliðinni á reyndari mönnum að þú fáir að fara með þeim í ferð.

Kveðja jon

Sælir.

Ég vil benda ykkur öllum á að kíkja ágömlu eintökin af Setrinu sem er að finna hér á vefnum. Þegar flett er í gegnum þau má sjá hvaða málefni hafa verið efst á baugi hjá félagninu á hverjum tíma.

þar má t.d. sjá að fyrir allnokkrum árum var stóðum félagsmönnum til boða fræ og ruslapokar til að taka með í ferðir undir slagorðinu "fræ á fjöll – ruslið heim" Þetta átak miðaðist að sjálfsöggðu við sumarferðir sem eru jú á færi allra jeppa, óháð dekkjastærð.

Þetta er aðeins eitt dæmi um þá margháttuðu starfssemi sem klúbburinn hefur staðið fyrir og má lesa um í gömlum heftum af Setrinu.

Emil Borg

Sælir félagar.

Tvennt í framhaldi af þessu síðasta. Ég er alls ekki sammála því að vont sé að byrja sem nýliði í F4x4 (ég var nú einu sinni nýliði sjálfur). Ég t.d. hóf mitt starf í klúbbnum með því að fara í landgræðsluferð, en það er einmitt mjög hentugur vetvangur fyrir nýliða og menn á lítið breyttum bílum. Fastar nýliðaferðir á sl. árum eru Jónsmessuferð og ferð í okt/nóv. Með þessu er ég alls ekki að kasta nokkurri rýrð á Jeppadeild Útivistar.

Jón. Langt síðan heyrst hefur í þér! Árið 1978 og 1980, þegar þú varst að æfa þig með þessi stóru hjól, þá varstu kolólöglegur og fékkst ekki skoðun á bílinn þinn… Það breyttist með þrautseigri baráttu félaga okkar í F4x4.

Skilaðu svo kveðju til snillinganna í jeppaklúbbnum þínum (Nesbirnir) og takk fyrir síðast!

Ferðakveðja,

BÞV

Rétt er það að fyrir tilkomu Ferðaklúbbsins þá var verið að setja jeppa á stærri dekk og á upphafsárum hans. Einhver tímann á fyrstu árum klúbbsins þá ætluðu yfirvöld að setja reglur um breytingar og dekkjastærðir á jeppum. Ekki man ég alveg hvernig þeirra hugmyndir voru, en allavegana ef ég man rétt þá voru þær þannig að það mátti litlu breyta og lítið stækka dekk. Á þeim tíma vann tækninefndin í því að hafa áhrif á þessar reglur og ef ekki væri fyrir þá vinnu þá værum við ekkert að eiga við jeppana og akandi í snjó. Þessar reglur eru lítið eða óbreyttar í gildi ennþá.
Það hefur kanski verið einn af höfuð málum klúbbsins að standa vörð um "réttindi" jeppamanna.
Fyrir allmörgum árum stóð til að gefa út reglugerð sem bannaði alveg allan akstur utan vega, fyrir tilstuðlan umhverfisnefndar var komið inn í þá reglugerð að mætti aka utan vega svo fremi sem jörð væri snævi þakin.
Það hefur alltaf þurft að vera vakandi yfir ýmsum svona málum svo að ekki verði lokað á okkur.

Kveðja Helgi