This topic contains 39 replies, has 1 voice, and was last updated by 
-
Topic
-
Ég fékk eftirfarandi áðan í tölvupósti, sem stílaður var á stjórn og nefndir:
Undirritaðir hafa hér með ákveðið að segja sig úr stjórn Ferðaklúbbsins 4×4 frá og með deginum í dag. Meginástæða þessarar ígrunduðu ákvörðunar er að við sjáum okkur ekki lengur fært að vinna að hagsmunum og uppbyggingu klúbbsins í núverandi stjórn. Fyrir því liggja margar ástæður bæði persónulegar en einnig tengdar stjórnsýslu og ákvarðantöku innan klúbbsins sem einkennist ekki lengur af lýðræðislegri umræðu og opnum samskiptum um starfssemi og ákvarðanir hvort sem þær snerta stjórn, ákveðnar nefndir eða hinn almenna félagsmann, eru um þetta fjölmörg dæmi svo sem nýleg lokun vefaðgangs eins félagsmanns. Við teljum að meðal annars sé upplýsingaflæði innan klúbbsins, og þá ekki eingöngu milli stjórnar og nefnda annars vegar og hins almenna félagsmanns hins vegar ábótavant heldur einnig milli stjórnar og nefnda og jafnvel innan stjórnar. Slíkt er ekki til þess fallið að teknar séu ígrundaðar ákvarðanir byggðar á málefnalegum forsendum og er slíkt mjög hættulegt fyrir opin áhugamannasamtök sem eru að berjast fyrir mikilvægum hagsmunamálum félagsmanna sinna.Jón G. Snæland
Tryggvi R. Jónsson
Af þeim 7 einstaklingum sem kjörnir voru í stjórn á síðasta aðalfundi, eru nú fjórir eftir, en Óskar Erlingsson gafst upp á vinnubrögðunum í september síðastliðnum.
Undanfarnir mánuðir hafa einkennst af stöðugum útistöðum milli formanns og gjaldkera annarsvegar einstakra félagsmanna, nefnda og deilda klúbbsins. Sjálfur hef ég tvisvar sinnum fengið hótanabréf frá formanninum.
Þó það sé minnihluti stjórnar sem hefur sagt skilið við hana, þá er það mitt mat að með þeim hafi svo til öll vitglóran tapast úr stjórninni.
Eitt af ótalmörgum dæmum um þessi vinnubrögð, er síðasti félagsfundur, en þar kom ekki orð frá stjórn um innanfélagsmál. Þó stóð þá fyrir dyrum hin margumtalaða miðjuferð og búið var að segja klúbbnum upp húsnæðinu, hvort tveggja mál sem ég hefði haldið að kæmu félagsmönnum við.
Annað dæmi er að við undurbúning áðurnefndar boðsferðar, var ekkert samband við formann tækninefndar, er sú nefnd þó önnur af þeim tveim nefndum sem ætlað er, samkvæmt lögum félagsins, að eiga samskipti við stjórnvöld.-Einar, tækninefnd 4×4.
-
Replies
-
Ég tek undir orð Einars og tel að nú sé komið nóg og lýsi yfir algjöru vantrausti á þá sem eftir sitja í stjórn,og tel hana ekki lengur starfhæfa.
Klakinn
Ég tek undir orð þín Einar að að mínu mati hefur stjórnin með þessu misst þá tengingu við sportið sem stjórn klúbbsins hlýtur að þurfa að búa yfir.
Ef sómadrengir eins og Jón og Tryggvi sjá sér ekki fært að starfa þarna áfram, já hvað er þá búið að ganga á í undanfaranum?
–
Í lögum félagsins er tiltekið að einungis 2% félagsmanna þurfi til, til að knýja á um félagsfund. Hvað þarf marga til að knýja á um auka aðalfund?
–
Það hlýtur hver heilvita manneskja að sjá að þetta eru váfréttir sem þó sýna skýrt hvernig stjórnarstarfinu hefur verið háttað. Er það ekki eftir allt saman einmitt framkoma stjórnar hér á vefnum sem hefur vakið hvað mesta gremju okkar félagsmanna?
‘
Kv. Baldvin
R-3487
Róum okkur aðeins það þarf tvo til að deila ?
En annað Eik ég hef nú litið á tölvupóst sem bers með þessum hætti vera trúnaðarmál hefði ekki verið eðlilegt að stjórn og undirritaðir tilkintu þetta sjálfvirðingarfilst Ægir Sævarsson
Anonymous- Umræður: 0
- Svör: 16404
Allavega er leitt að heyra þetta.En hvernig er það eigum við ekki rétt á auka-aðalfundi útaf þessum málum og þá að kjósa nýja menn í stað þeirra sem fóru eða bara nýja stjórn??????
KV:Matti
Þetta eru slæmar fréttir og grafalvarlegt mál að svona sé komið. Hér erum við að missa úr tvo mjög öfluga menn út úr stjórn og mikill missir fyrir klúbbinn ef hann verður af kröftum þeirra. Ég held að ekki sé á neinn hallað þegar ég segi að Jón Snæland hefur verið einn öflugasti liðsmaður 4×4 um langt skeið, hvort sem litið er til afkasta eða áhuga á málefnum klúbbsins og stór verkefni fyrirliggjandi sem ég sé ekki að neinn annar hafi þekkingu eða getu til að stýra. Tryggvi hefur mér sýnt á öllu vera með efnilegustu nýliðum í klúbbstarfinu og vaxið jafnt og þétt í áliti hjá mér með auknum kynnum.
Ég ætla ekki að blanda mér í umræður um bakgrunn þessarar ákvörðunar þeirra, en skora á ALLA hlutaðeigandi (þ.e. fráfarandi stjórnarmeðlimi og þá sem eftir sitja) að velta fyrir sér með hvaða hætti þeir geti stuðlað að því að hægt verði að vinda ofan af þessari stöðu þannig að starfshæf stjórn geti unnið að hagsmunamálum klúbbsins fram að næsta aðalfundi. Ég veit ekki nógu mikið um ágreiningsmálin til að vita hvað þarf til, kannski einhvers konar uppstokkun, breyting á verkferlum eða hvað, en hagsmunir klúbbsins verða að ganga fyrir öllu öðru í þessu. Sem dæmi um það sem hér getur verið í húfi er að við vorum að ná góðum árangri í uppbyggingu á ímynd klúbbsins núna um helgina og allur sá árangur og árangur síðustu þriggja ára á því sviði er í hættu.
Kv – Skúli
afhverju vissi ég ekki að Óskar Erlings væri hættur í stjórn????
K. pælum aðeins í þessu, Óskar, Jón G, og Tryggvi.
ég veit ekki hvort ég vilji fleita kertum á tjörninni eða brenna krossa???
Verð nú að segja eins og er að póstur sem er stílaður á Stjórn og Nefndir finnst nú verulega hæpið að birta hann hér svona áður en hann hefur verið tekin fyrir hjá stjórn og nefndum tja nema ef ske kynni að þetta væri birt hér eingöngu til þess að valda leiðindum og reiði.Skal þó viðurkenna að ég veit ekki hvað fer fram innann veggja hjá klúbbnum í Rvk nema það sem ég les hér.
Kv Víðir L Hjartarson
Þ412
Ég er í engri aðstöðu til að tjá mig um ástæður eða bakgrunn þessara slæmu frétta af því að ég veit ekki nóg um málið.
En mér finnst það eina rökrétta úr því sem komið er að afgangurinn af stjórn segi af sér og haldin verði fundur til að kjósa nýja stjórn og hugsamlega nefndir. Ég sé ekki hvernig það sem eftir er af stjórn getur unnið sín störf fram að aðalfundi undir þessum kringumstæðum, burtséð frá því hver hefur "rétt" fyrir sér.Einar Steinsson
R 156
PS
Sé ekkert að því að birta þennan póst, þetta er eitthvað sem kemur félagsmönnum svo sannarlega við.
Nú verð ég bara að segja að mér finnst að vefnefnd eigi að eyða þessari umræðu þar sem þessi póstur er ekki stílaður á hin allmenna félagsmann heldur stjorn og nefndir og á ekkert erindi hingað nema stjorn setji hann inn og komi með skýringar hver svo sem hefur rétt fyrir sér.
Víðir L
Þ412
Mér finnst ekki rétt að birta þetta á vefnum að svo komnu máli. Tryggvi eða Ofsi hefðu getað gert það sjálfir.
Las þennan póst í dag… Það verður að vinda ofan af þessu máli, það er ekkert flóknara.
.
Hótanabref og leiðindi eiga ekki heima í þessum klúbb
og þetta er slæmt eins og gengið hefur vel að byggja ímynd klúbbsins upp að undanförnu.Allir jepparnir á fjöllum eiga að vera vinir. 😉
Ég veit ekki hvernig mál það væri sem ætti erindi til allra nefnda og stjórnar, en ekki má fara á lokaðan vef félagsins.
Ef bréfið er lesið, þá eru þeir Tryggvi og Jón einmitt að kvarta undan purkrinu sem einkennt hefur vinnubrögð meirihluta stjórnar.
Óskar var útnefndur sem tengiliður stjórnar við Tækninefnd. Hann hefur ekki átt nein samskipti við okkur, hvorki svarað tölvupóstum né símhringingum, síðan meirhluti stjórnar fann upp á því að senda Tækninefnd upp í Kerlingarfjöll til þess að grafa skurð, í september síðastliðnum. Ég veit ekki hvort hann hefur sagt sig formlega úr stjórninni, en hann hefur a.m.k. ekki átt nein samskipti við okkur síðan þá.En ég get tekið undir það sjónarmið að þeir þremenningar, sem og aðrir stjórnarmenn, ættu að gera grein fyrir málnum, eins og þau horfa við þeim.
-Einar
ok… er þetta mál stjórnar eða er Einar að kalla á hjálp. ég er ekki í aðstöðu til að taka ákvörðun frekar en aðrir utan stjórnar, þarna er sennilega margt margt að baki sem enginn veit heildar myndina á nema akkúrat þessir aðilar.
Sandkassaleiknum í þessum klúbb ætlar seint að linna. Og sá sem getur ausið mestum skít og sandi í augun á félögunum vinnur… Vart má á milli sjá hver hefur vinninginn í dag en tveir eða þrír kandídatar eru þó fremstir meðal jafningja….
En þetta fer að verða ágætis farsi allt saman.
Það sem þó stendur uppúr er að Jón og Tryggvi eru hættir. Far vel og leitt að sjá ykkur fara – en svona er lífið víst, menn geta ýmist unnið saman eða ekki…. Og ef ég man rétt þá ætluðu allir stjórnarmenn nema einn eða tveir að segja af sér einhverntíman á síðasta kjörtímabili, sumir oftar en einu sinni – en það var þó allt dregið til baka – Nema einn varamaður Ella, sem má ekki lesa og skrifa núna, hún hætti. Þetta skýrist kannski af því að þeir sem að sitja við stjórnvölin hér eru almennt ausnir skít og svívirðingum – nokk sama hvað þeir gera í óeigingjörnu starfi sínu fyrir OKKUR félagsmenn. Meira að segja gátu menn kvartað yfir afsláttarsamningum sem stjórn hefur gert fyrir OKKUR.
Það skal því engan undra þó að menn gefist upp á því að vinna sjálfboðastarf fyrir svona "þakklátt" fólk.
Starfsemi þessa klúbbs á að sjálfsögðu að vera í stöðugri endurskoðun og alltaf má bæta ýmislegt. Menn hafa kvartað undan samskiptaleysi og skorti á upplýsingum frá nefndum og stjórn – vel má vera að þar megi bæta hlutina. En við skulum ekki gleyma því að fyrir klúbbinn starfar einn starfsmaður og svo fjórir stjórnarmenn sem allir sinna sinni vinnu í hjáverkum… Það er því oft á tíðum að hér eru settar fram MJÖG ósanngjarnar og hreint út sagt FREKAR kröfur á þá sem þessu sinna. Ég lagði til í fyrra að ráðnir væru a.m.k. tveir starfsmenn en á það var blásið – m.a. af þeim sem sitja hér á hliðarlínunni og heimta sem mest af stjórn og starfsmönnum….. skondið…
Hér hafa menn komið fram og blásið mikið – og vinur minn Klakinn meira að segja gengið svo langt að lýsa vantrausti á þá sem eftir sitja – ég held nú að félaga mínum sé farið að förlast…. Vantraust… Afsögn og hvað svo ??? Kjósa nýja stjórn ? Hver haldið þið að sé tilbúinn að vinna fyrir klúbbinn undir því skítkasti og óþverraskap sem hér virðist ráða ríkjum… Ekki ég alla vega !!! Mér var meira að segja búið að detta til hugar að fara að koma aftur til starfa fyrir klúbbinn – gefa jafnvel kost á mér til formennsku aftur eða stjórnarsetu á næsta aðalfundi… En eftir það sem gengið hefur á núna síðustu daga þá hef ég orðið afar takmarkaðan áhuga á að gefa því fók sem hér hefur sig mest í frami mína vinnu.
Það er nú sem betur fer svoleiðis að maður kemur í manns stað. Því taka þeir Eyþór og Óskar nú sæti Jóns og Tryggva og ég óska þeim velfarnaðar í starfi fram á vorið og ÉG BER FULLT TRAUST TIL ÞEIRRAR STJÓRNAR SEM NÚ ER STARFANDI og ég hvet félagsmenn til að hætta nú argaþrasinu og niðurrifsstarfseminni og flykkja sér frekar um réttkjörna stórn og leggja sitt af mörkum til að klúbburinn haldi áfram að dafna.
Benedikt Magnússon
Fyrverandi Formaður 4×4
ÉG er allgjörlega sammála Skúla hér að ofan, það versta sem getur komið fyrir klúbbinn er að reka stjórn úr sessi, stór hluti vinnu nýrra stjórnarmann fer í að setja sig inn í málefni, vinnuferli og samskiptaleiðir, og ef skipt er um hana á einu bretti, væri það eins og að fara aftur til fortíðar.
.
Því er örugglega best að láta það í hendur stjórnar og fráfallandi stjórnar manna að binda þannig um hnútana að hagsmunir klúbbsins séu í hávegum hafðir.
Enda gangast stjórnarmenn við þeirri ábyrgð er þeir bjóða sig fram.
Benni minn þú hefur fullt leyfi til að hafa rangt fyrir þér og rétt líka.Það breytir ekki vantrausti mínu það stendur.
Og ég legg það ekki fram nema hafa kynnt mér málin vel og þessi uppákoma núna er bara dropinn sem fyllti mælirinn.Ég veit líka allt um vannþakklæti vegna félagsstarfa og þakklæti sem margir hafa sýnt.
En þessum deilum verður að linna og friður að nást svo starfið geti haldið fram með heilbrigðum hætti,hvort sem núverandi stjórn verður kosin aftur eður ei.
Klakinn
Ég verð eiginlega að vera sammála Skúla hér að ofan. Að missa Jón G. Snæland er einsog að missa hjartað úr ferðaklúbbnum F4x4, en hann er sá aðili sem hefur verið mest áberandi og ég hef tekið mest eftir frá því ég gekk í klúbbinn. Tryggva þekki ég ekki en ég held að hann sé hraðri uppleið í þessu sporti og það hefur hann sýnt með miklum áhuga á málum jeppafólks.
Kv Bubbi
Það eru alltaf slæm tíðindi þegar menn ganga úr stjórn, en verst er ef einhver fær póst sem á að vera innan einhvers hóps og lekur því í fjölmiðla (að þessu sinni á netið) til þess að finna höggstað á þeim sem eftir sitja og reyna og eru að fara yfir málin og skoða þá möguleika sem fyrir hendi eru. Ég verð að segja að EIK hefur greinilega brugðist því trausti sem til hans var gert þegar honum var sendur þessi póstur. Stjórnar og nefndarstörf eru að vissu leiti bundin trúnaði. Ég hefði ekki viljað sjá tölvuðpóst um innri málefni fyrirtækis á netinu. Ég held að verið sé að þyrla upp ryki til að fá félagsmenn til að halda að þeir stjórnarmenn sem eftir sitja séu vanhæfir. Stjórn Ferðaklúbbsins er byggð upp á fimm stjórnarmönnum, tveimur varamönnum auk allra nefnda klúbbsins, þetta er fjöldi manns sem byggir upp og stýrir klúbbnum, þá að tveir stórgóðir félagar ákveða að hætta þá stefnir það ekki starfi klúbbsins í voða, ef allar nefndir og varamenn stjórnar halda áfram að starfa að heilindum en ekki á einhverju skýtkasti sem grefur undan starfi klúbbsins þá er engin þörf á örvæntingu. Félagsmenn í Ferðaklúbbnum við eigum að standa á bak við stjórnina sem hefur verið að vinna ötulega að 25 ára afmæli klúbbsins, styðj hana og efla starf að kynna starf klúbbsins og ferðamensku á fjórhjóladrifsbílum en ekki rífa hann viður á það plan sem verið er að búa til. MUNUM EITT FERÐAKLÚBBURINN 4X4 ER EKKI FERÐAFÉLAG HELDUR HAGSMUNAFÉLAG ÞEIRRA SEM AKA UM Á BREYTTUM FJÓRHJÓLADRIFS BÍLUM.
Er þetta fjölmiðill ? er þetta ekki bara fyrir meðlimi 4×4 ? Er Jón.G. Snæland ekki búinn að berjast mikið fyrir jeppafólk í gegnum tíðina ? eða hvað finnst þér ?
Kv Bubbi
Benedikt, ég veit ekki hvort að ég er "einn af þessum kandídötum" sem að þér finnst sigurstranglegir í sandkassaleiknum. Hreinlega ekki dómbær á það hvað þér finnst, en ég vil ítreka það að ég hef í öllum mínum skrifum hér á vefnum vandað mig við að koma fram af ráðvendni og virðingu og hef ekki ætlað mér að hafa neitt nema heildar hagsmuni klúbbsins fyrir brjósti.
–
Einu "neikvæðu" skrif mín hérna eru þá líklega upphaf mitt að öðrum þræði (sem ég skrifaði án nokkurrar vitneskju um svokallað "Ellu mál", þar sem ég legg fram almennar hugleiðingar um samskipti á vefnum við stjórnina og hvort að stjórnin ætti ekki einmitt að vanda sig við að vera fyrirmynd í þeim samskiptum. Eins spyr ég þar hvort að væri ekki ráð að bæta upplýsinga streymi fyrir okkur þá sem hafa fá tækifæri til að mæta á opin hús eða aðra fundi klúbbsins.
–
Í upphafi þess þráðar hins vegar nefnir Einar að Óskar sé hættur í stjórn. Síðan segja Jón og Tryggvi af sér af ofangreindum ástæðum, þar sem fram kemur m.a. að ástæðurnar séu t.a.m. ólýðræðisleg vinnubrögð stjórnar, sem fyrir mitt leyti útskýrir aftur mikinn hluta þeirrar óánægju sem verið hefur vart hér á vefnum.
–
Ég hef starfað í félagsmálum víða og er reyndar enn starfandi stjórnarmaður í 3 félagasamtökum. Ég þekki gremjuna Benedikt sem fylgir því að fá aldrei klapp á bakið, að heyra aldrei frá neinum nema ef eitthvað gengur ekki að þeirra óskum. Störf í félagasamtökum, sem almennt eru sjálfboðastörf, verða seint full verðlauna. Við sinnum slíkum störfum af því að við viljum hafa áhrif og koma okkar hjartans málum á framfæri og í framkvæmd.
–
Ég geri mér líka fyrir því fulla grein að margt og mikið er skrifað á þennan vef sem ætti virkilega að ritskoða og jafnvel banna börnum yngri en 25 ára, en það réttlætir ekki að afgreiða allt sem hér er skrifað, sem er ekki beinlínis lof á öll störf stjórnar, sem kjaftæði og neikvæðni.
–
Látum þennan missi okkur að kenningu verða. Gerum nú allt sem í okkar valdi stendur til að koma starfi klúbbsins í góðan farveg með kraftmiklu fólki. Það eina sem stjórn þarf að gera til að hafa félagið sér að baki, er að koma fram af heilindum við félagsmenn. Þá á stjórnin allann minn stuðning vísan og örugglega flestra annarra með.
Ég get ekki séð í því sem ég skrifa að ég sé neitt að lasta Jón G. Snæland né Tryggva enda eru þar góðir menn á ferð sem hafa gert margt fyrir klúbbinn og okkur sem erum að ferðast á sérútbúnum bílum. Það sem ég er að tala um í þessum pistli er að það eru aðrir aðilar líka að gera góða hluti fyrir klúbburinn, klúbburinn er ekki byggður upp á einum né tveimur mönnum. Þegar þessi klúbbur var stofnaður þá komu margir að, á stofnfundi félagsins komu um 50 manns til að stofna félagið, ef aðeins ein eða tveir góðir menn hefðu mætt þá hefðui þessi klúbbur aldrei verið stofnaður. En sleppum því, til þess að þessi klúbbur geti starfað, þá þaf að vera vinnufriður fyrir stjórn félagsins bæði núverandi og fyrrverandi. Bæði fyrrverandi og núverandi stjórnir hafa legið undir miklum ámælum á vefnum (og meðal félagsmanna) og ég skil vel að stjórnarmenn gefist upp og vilji hætta. Eins og Skúli segir þá er þetta sennilega eitt að vanþakklátustu verkum sem gerð eru, menn leggja mikið á sig og eyða miklum tíma og peningum við að reyna að gera öllum til hæfis, en það gengur ekki alltaf, alltaf eru til aðilar sem finns á sér brotið eða eru bara á móti til að vera á móti. Ég er alveg viss um að Ferðaklúbburinn 4×4 missti góða menn sem hafa starfað af miklum krafti og heilindum fyrir félagið þegar Jón og Tryggvi yfirgáfu stjórn félagsins, en þeir sem eftir sitja þurfa á samstöðu og styrk að halda til að halda félaginu saman.
You must be logged in to reply to this topic.