klipið í ferðafrelsið jafnt og þétt

Ferðafrelsissíðan mín. http://www.facebook.com/profile.php?id= … 0694601603

Það er varla þornað blekið á einni reglugerðinni, þá er komið eitthvað nýtt og leiðinlegt.
Landið er greinilega alltaf að verða merkilegra og merkilegar. Sennilega verður það svo merkilegt að við verðum leidd um í bandi einsog leikskólabörn, eð send til Jótlands, einsog hugmyndir voru upp eftir móðurharðindin. Þetta bara sýnir og sannar þar en og aftur að útivistarfólk verður að fara að spyrna við fótum og fá möppudýrinn til þess að slappa aðeins af í reglugerðarsmíðum.

Jón, móðuharðindin
–
vals.

Mér finnst furðulegt að fólk hafi meiri áhyggjur af stafsetningu Jóns en því sem hann hefur frá að segja.
.
Mér þykir þetta grafalvarlegt mál því nú eru í gangi fleiri og fleiri mál sem krefjast þess að við sem höfum einhvern áhuga á að ferðast um þessa eyju okkar séum með galopin augu og verjum frelsið okkar með kjafti og klóm.
Í raun ótrúlegt hvað þessi möppudýr geta leyft sér að setja reglur um allan fjárann, en geta svo ekki gert nokkuð skapaðan hlut í einu né neinu sem skiptir þjóðina muuun meira máli.
.
kkv, Úlfr, sem styður ferðafrelsið heilshugar!
P.s. fyndið að ég skuli hafa gert innsláttarvillu í "kartabla" =/

Mér finnst með ólíkindum að klúbbur sem vill kalla sig hagsmunafélag og vill hafa það í markmiðum sínum að berjast fyrir að viðhalda ferðafrelsinu, ef ekki bæta það, hafi ekki fleira til málanna að leggja en það hvernig einhver orð eru stafsett.
.
Er t.d. einhver nefnd í klúbbnum sem fylgist með þessum málum og kemur með tillögur um það sem betur má fara í löggjöfinni? Er ekki málið fyrir klúbb sem vill gera sig gildandi að vera skrefi á undan og koma með tillögur um það hvernig við viljum sjá regluverkið í stað þess að bíða eftir því að reglunum verði skellt á og fara þá að móast í því að ná skerðingunum til baka?
.
Hver er stefna klúbbsins í þessum málum?
.
Kv.
Ella.
.
P.S ég læddi inn stafsetningavillum til þess að halda þræðinum þó í það minnsta lifandi…..

Ella, það er svo leiðinlegt að spá í þetta, nennir því enginn. Nema náttúrulega Ofsinn með sitt undarlega karma. Þarf ekki annað en segja orðið reglugerð þá flýr fólk í ofboði og fer að gera eitthvað skemmtilegra eins og að lesa stafsetningaorðabók.
En það er þarft verkefni að fylgjast með þessari þróun og eins og sést á þessu máli sem Jón er að vekja athygli á þarna snýst þetta ekki bara um jeppamennsku. Vill líka minna á að ef ekki er hægt að komast keyrandi inn á hálendið verður heldur ekki mikið labbað þar, það eru ekki nema einstaka hetjur sem labba úr byggð og flestir vilja fá trúss í sínum gönguferðum. Þetta er því hagsmunamál allra sem vilja á annað borð ferðast eða stunda einhverja útivist, kayaksiglingar, göngur, veiðar, kletta- og ísklifur, jöklagöngur, fjallaskíðamennska (enginn efni á þyrlum í það núna), allir þurfa slóða á hálendinu og frelsi til að haga ferðamennskunni eftir eigin brjóstviti innan einhverra skynsamlegra marka.
Umhverfisnefndin hefur ásamt öðrum verkefnum helst verið að garfa í þessum málum og þá oftast verið í því að bregðast við því sem fram kemur. En kannski er miklu sniðugra að gera eins og Ella talar um að verða ‘proactive’ og koma fram með tillögur fyrirfram. Móta hugmyndir að reglum sem vernda bæði náttúruna, ferðafrelsið og kemur í veg fyrir hugsanlega árekstra milli ferðahópa. Slíkar hugmyndir hafa verið ræddar, t.d. varðandi Bárðargötu þar sem Freysi m.a. hefur varpað fram ágætum hugmyndum. Vantar kannski bara lögfræðimenntaða einstaklinga til að setja hugmyndirnar í rétta búninginn ;o)
Kv – Skúli
Ps. Fjandakornið Ella, ég er greinilega ómögulegur prófarkalesari, ég bara finn ekki villuna þína. En það er örugglega nóg af þeim í mínum texta.