This topic contains 3 replies, has 1 voice, and was last updated by 
-
Topic
-
Ég hef stundum velt því fyrir mér varðandi herslur á heddboltum, að í flestum tilfellum er gefinn upp ákveðin hersla t.d 65 Nm og síðan 90° í viðbót. Við þetta hlýtur herslan að enda í einhverri ákveðinni tölu sem maður í raun veit ekki hver er. Spurningin er þessi af hverju er þetta gert svona en ekki bara gefinn upp hersla í tveimur þrepum, kannski fyrst í 65 Nm og svo kannski í 75 Nm eða þar um bil. Sé ekki alveg muninn ef herslan endar í sömu tölu. Þessar tölur sem ég nota hér eru ekki neinar sérstakar herslutölur heldur bar eitthvað til að sýna fram á hvað ég er að fara. Ég veit að það er fullt af furðulegheitum í kringum herslur á heddboltum eins og herða fyrst og slaka svo og herða svo aftur í fulla herslu og stundum + 90° og svo gildir auðvitað ekki það sama um teygjubolta og ekki teygjubolta.
Langar bara að vita hvort einhver veit þetta og væri til í að deila því með okkur hinum (kjánunum)Kv. BIO H-1995
-
Replies
-
Það eru flestir, ef ekki allir heddboltar "teygjuboltar", þannig séð. Þessar serimóníur eru alls ekkert svo flókin vísindi.
Málið er að það er oft hert í t.d. 30Nm til að byrja með, til að "núllstilla" boltana. Það þýðir að þeir eru allir rétt að byrja að taka upp spennu, en ekkert farnir að gera að viti.
Síðan er haldið áfram að bæta við eftir gráðum, í þrepum til að vinda ekki til allt draslið. Hugmyndin með því að nota gráður er sú að mynda jafna spennu yfir allt heddið, sem fæst með því að strekkja boltana alla um jafn marga millimetra.
Með því að nota gráður en ekki Nm þarf ekki að taka tillit til viðnáms í gengjum sem getur breyst mikið eftir því hvernig hefur heppnast að skera gengjuna, óhreinindum og smurefni.
Vel getur verið að í einhverjum tilfellum séu mis margar gráður í herslu eftir boltalengd (það væri allavega rökrétt), en ég hef svosem ekki rekist á það sjálfur. Svo gæti líka verið að viljandi sé mynduð meiri spenna með styttri boltum í sömu gráðu.
kv
Grímur
ég lenti í því einu sinni að vera með nýja patrol heddbolta, þegar ég var búinn að herða þá langleiðina, átti allaveganna eftir lokahersluna á öllum boltum þá ákvað ég að losa heddið upp aftur út af einhverju sem ég man nu reyndar ekki núna af hverju var, nema hvað þegar ég fór að herða heddið niður aftur fann ég fljótt að boltarnir voru ónýtir, teygðust bara þegar ég var að herða þá.
Það kom mér á óvart hvað svona boltar geta verið viðkvæmir að það skuli ekki vera hægt að herða suma þeirra tvisvar.
Ég veit vel að svona bolta á ekki að nota aftur en þetta kom mér samt á óvartkveðja Ólafur
Þetta er þannig að þegar bolti er hertur það mikið að teygjan í honum er ónýt, þýðir það að þú ert búinn að herða það mikið að þú hefur farið yfir elastiska svæðið yfir flotmörkin og á plastiska svæðið þar sem teygjueiginleikar stálsins eru ónýtir. Með öðrum orðum að þú ert kominn alveg að slit mörkunum.
Þetta sést vel á myndinni að neðan.
[img:loco33ng]http://www.civil.umaine.edu/cie111/images/steel.gif[/img:loco33ng]
You must be logged in to reply to this topic.