This topic contains 11 replies, has 1 voice, and was last updated by 
-
Topic
-
Til að kanna nákvæmni á kílómetramælinum hef ég fengið frá Vegagerðinni glænýjar vegalengdir á leiðinni Reykjavík – Selfoss.
1. Frá hringtorgi við Rauðavatn til hringtorgs við Hveragerði eru 34,27 km.
2. Frá hringtorgi við Hveragerði til hringtorgs við Selfoss eru 12,28 km. Ég geri ráð fyrir að það sé fyrsta torgið á Selfossi sem miðað er við, en gleymdi að spyrja. Það væri ágætt ef einhver getur staðfesta það.Þessar tölur eru miðaðar við þjóðveg 1 eins og hann er í febrúar 2006 (eftir breytingar í Svínahrauni).
Kv.
Ágúst
-
Replies
-
eru mældar á milli aðalpósthúsa staðanna.
Oft er þegar menn mæla hraða eða meðalhraða í tímaeiningu þá er jafnan tekinn tími á milli uppgefinnar fjarlægðar frá bæjarmörkum sem gefnar eru upp á skiltum við bæjarmörk.Mitt mat er að viðmiðun sem nú er viðhöfð sé bara nokkuð góð og gefur þeim sem ferðast um lengri leið góð viðmið.
Kveðja
Elli.
Þegar ég mæli nákvæmni hraðamælisins eða vegalengdina sem hann mælir nota ég GPS-tækið mitt, það er valla hægt að fá það nákvæmara,
kv. vals.
Er það ekki rétt hjá mér að GPS tækið mæli miðað við láréttan flöt þannig að yfir fjallvegi sýni tækið aðeins lægri tölu .Fyrirgefið fáviskuna. Kveðja Olgeir
Það er hæðarmælir í mínu tæki og held ég í flest öllum GPS-tækjum. Ég er ekki klár á hvort tekið er tillit til hæðabreytinga en lenging á vegalengdinni milli Selfoss og Reykjavíkur vegna Hellisheiðarinnar er óveruleg. Þykktinn á vísirnum í hraðamælinum gefur örugglega meiri skekkju. Ef menn vilja vera alveg öruggir þá fara menn bara á suðurlandið, það er marflatt og engar hæðir sem trufla mælitölur.
kv. vals.
Inni á heimasíðu Vegagerðarinnar er hægt að komast í mjög nákvæmar upplýsingar um vegalengdir milli tiltekinna punkta í vegakerfinu.
Ég hef gaman af svona pælingum og langar að vita þetta nákvæmlega. Mér hefur fundist GPS tækið hjá mér sýna aðeins of lága tölu milli Landmannahellis og Lauganna enda nokkrar brekkur á þeirri leið . Fæ vonandi svar við tækifæri. Kv. Olgeir
Eftir því sem ég best veit þá mæla GPS tæki hreifingu á X Y og Z ás. Þannig að ef að þú myndir hoppa út úr flugvél í 30þús fetum þá fengirðu hraðan á leiðini niður og lengdina á ferðalaginu. Sum GPS forrit í tölvum bjóða uppá að sjá hæðarlínurit af ferli.
Anonymous- Umræður: 0
- Svör: 16404
Ég tel fullvíst að tækin taki tillit til hæðabreytinga við lengdarmælingar.
T.d. er í Garmin Vista göngutækjunum hægt að fá hæðarferil fyrir ákveðin track og fyrst göngutæki hefur þessar upplýsingar þá ættu bíltækin að hafa það líka.
Og þar sem stærðfræðin á bakvið þrívíða lengdarmælingu er vel þekkt þá held ég að það sé útilokað að framleiðendurnir hafi reynt að spara sér nokkrar línur í forritun með því að mæla allar fjarlægðir í tvívídd.
…held ég að noti líka bara GPS tæki við sínar fjarlægðarmælingar…
Þakka svörin .Ég er vís til að ganga á Löðmund í sumar og sannreyna þetta .Þar er hægt að ganga beint upp snarbratta hlíðina og útsýnið svíkur ekki .Kv. Olgeir
GPS tækin eru mjög góð til að kvarða hraðamælinn eftir, bara að keyra á beinum vegi með jöfnum hraða í nokkrar sekúndur með hraðamælisnálina á miðju strikinu og láta farþegann lesa hraðann af GPS-inu. Nákvæmni mælinganna eykst með vaxandi hraða.
Öðru máli gildir með vegmælingu. GPS tækið tekur staðarákvörðun með einhverra sekúndna millibili, reiknar út fjarlægðina milli þeirra sem beina línu og síðan heildarvegalengdina sem samtölu af öllum stubbunum. Ef einhver minnsta beygja er á veginum eða hæðarbreyting þá er beina línan sem tækið reiknar styttri en raunveruleg akstursleið. Eftir því sem leiðin er krókóttari eða mishæðóttari þá vex skekkjan og magnast við aukinn hraða.
Þetta er a.m.k. svona fræðilega séð, en ekki víst að skekkjan sé svo mikil að hún skipti máli. Gaman væri að fá nokkrar GPS mælingar milli hringtorganna við Rauðavatn og Hveragerði frá þeim sem eiga leið um svæðið og sjá hvernig þeim ber saman.
Ágúst
You must be logged in to reply to this topic.