Kerruefni

Prófaði að tala við þá í Parti við Eldshöfðann

Sæll Maggi
Stál og Stansar upp á höfða eru með ýmislegt sniðugt í kerrusmíði
Kveðja Halli E-1339

jú ég þakka skjót svör, fór til þeirra í dag og þeir eiga fín efni, bara frekar dýr fyrir veskið mitt, er að leita að ódýrara efni, en og aftur óska ég eftir góðum ráðum, er t.d ekki vel hægt að nota hjólnöf undan bílum?

kveðja Maggi.

Finndu þér afturhásingu undan fox eða sendibíl með fjöðrum, dempurum og alles og smíðaðu ramma ofan á það. Bretti, ljós og þá er þetta komið.

Ástæðulaust að vera veltast í einhveri draumasmíði þegar er verið að spá í kerru.

Ef þú ert að hugsa um léttleika ásamt styrk borgar sig ekki að vera eltast við heila hásingu. Ég var að smíða mér svona um daginn og notaði endana af Range Rover afturhásingu og setti gott rör á milli (þar með ræður þú hjólamillibili), fjaðrirnar átti ég undan Econoline en fækkaði blöðum. Niðurstaðan er fislétt en stekt dót.

jú ég þakka góð svör, ég var nú ekkert að tala um einhverja draumasmíði bara eitthvað sem ekki kostaði mikið, ég endaði á því að fá nöf undan Corollu svo hef ég bara rör á milli þeirra og fjaðrirnar komu undan hilux!

kveðja Maggi.

Sæll!
Ég smíðaði húðvæna kerru, 156×308 sm, (stærðin miðuð við að stærsta gerð af krossviðarplötu sem er 153×305 passaði í botninn). Ég fékk framnöf af ekonoline á fimmþúsundkall á partasölu og síðan 80x80mm efnisprófíl í milli. Á endann á prófílnum setti ég 15 mm plötu og skrúfaði nöfin á hana. Grindin er úr 5ox5o vinkiljárni og skjólborðin 35 sm há og í þeim liggur burðurinn í kerrunni og eftir henni endilangri undir miðjunni er 60×60 mm efnisprófíll sem þénar sem burðarbiti og dráttarstöng. Fjaðrir fékk ég í Vöku á fimmara en annað efni keypti ég hjá Guðmundi Arasyni sem eru sérlega liprir að öðrum ólöstuðum og saga efnið nákvæmlega eins og hver vill. Þarna fékk ég lipra og létta kerru sem rúmar hálfa búslóð fyrir tiltölulega lítinn pening samtals. Eldskírnina fékk hún svo þegar ég setti á hana sennilega hálft annað tonn af sandi sem hún bar með sóma.
Góða skemmtun;
Þ

Corollu nöf ?

2x fullbúnir sleðar eru ca 6-700 kg, kerran verður amk 200 kg. Þú ert kominn langt yfir það sem Corolla nöf ráða vel við, fáðu þér eitthvað sterkara strax svo þú þurfir ekki að gera það seinna með tilheyrandi veseni.

kerra sem er yfir 750 kg heildarþyngd( farmur + kerra sjálf )á að vera með bremsubúnaði skráð á númeri .
kveðja agnar

sælir, ég er búin að kynna mér þetta og nöf undan Corollu eiga alveg að þola þetta fyrst þau hafa verið notuð undir kerru sem bar frekar stóran bát, þetta á bara að vera 2 sleða flatvagn sem ber rúmlega 2 200kg. sleða þá erum við að tala um 400-420 kg. + kerran en hún er c.a 250kg þá erum við komin í 670kg max, og Corolla þegar hún er með 4 fullorðna innanborðs og farangur þá skríður hún vel yfir 1200 kílóin þannig ég held að þetta ætti ekkert að klikka!