Kerlingafjöll

Það er klárlega rétt hjá þér jón, 10 sekúndur eru ekki mikið. en eftir liggur spurningin, hversu langt er frá kerlingarfjöllum niður í árbúðir??? Það eru einhverjir kílómetrar… Persónulega hefði ég leyst málið öðruvísi, fundið svefnstað einhversstaðar en ég skil líka afstöðu ferðamanna með að fara heim.
kv. Axel Sig…

Þessi þráður er einn miskilningur:o/ Ég var að tala um ungabörn, að mínu mati held ég að ungabörn hafi ekkert sérstaklega gaman af því að hossast í bíl 10-20 kls eins og það vill nú oft verða í þessum vetrarferðum og oft finnst mér að maður hafi bara nóg með sjálfan sig þegar td krapi er mikill og vitlaust veður svo maður se nú ekki að skipta á skítableium líka, og þetta með að fá læknishjálp upp á hálendi er ekkert svipað og að fá hjálp í eh bæjarfelagi út á landi. Þessi tvö skipti sem við höfum þurft að kalla til þyrlu vegna óhapps tók það um 6kls í seinna skiptið með fullri virðingu fyrir því. En auðvitað hafa menn misjafnar skoðanir á þessu öllusaman.

og enn meira fjör. kv Móse

skemmtilegur póstur hjá þér hr. King….

hel sáttur við þig

Eftir að hafa lesið þennan þráð þá langar mig til að leggja orð í belg.

Ég vil byrja á að minna þá sem skrifa opinberlega, á þennan vef sem og annars staðar, að gæta kurteisi, fara rétt með staðreyndir, líta í eigin barm og lesa efni yfir áður en það er birt. Í hita leiksins er auðvelt að missa frá sér lítt ígrundaðar yfirlýsingar og kröfur á aðra og gleyma eigin aðkomu. Jafnframt þarf að virða sjónamið annarra sem að svona máli koma, eða eru dregnir inní þau, því það er ekki bara ein hlið á neinu máli.

Fólk upplifir sömu atvikin á mismunandi hátt og túlkar samræður á mismunandi veg. Það er því sjaldan til hinn eini sannleikur.
Jafnframt er það þannig að hver og einn ber ábyrgð á sínum gjörðum og viðbrögðum. Það er ekki hægt að kenna öðrum um. Ákveði einhver að bregðast illa við tilteknum atvikum þá gerir hann það.
Hann getur líka ákveðið að bregðast með öðrum hætti við og reyna að leysa málið á jákvæðan hátt fyrir alla aðila.

Varðandi mál það sem þessi þráður snýst um þá sé ég ekki annað en að Snorri Ingimarsson geri heiðarlega tilraun til að varpa ljósi á atburðarásina og leita skýringa.
Hans hlið á þessu máli fellur greinilega í grýttan jarðveg hjá ferðalöngunum og sýnist mér þeir ekki taka neitt mark á hans frásögn, þrátt fyrir að
hann tali við báða aðila málsins og fái fram sjónarmið beggja. Þessi viðbrögð ferðalanganna finnst mér bera vott um hroka og óbilgirni.
Ég tel að fulltrúar jeppahópsins opinberi sjálfa sig, því svona málflutingur segir meir um þá sjálfa heldur en þá sem ráðist er að.
Svo finnst mér áberandi að ferðalangar skrifa ekki undir nafni, en nafngreina endurtekið þá sem þeir ráðast að.
Er ekki lágmarkskurteisi að setja nafn sitt undir slík skrif?

Ég tel að komast hefði mátt hjá þessum árekstrum ef ferðalangar hefðu kynnt sér gistimöguleika í Kerlingarfjöllum fyrirfram því á
heimasíðunni www. kerlingafjöll.is var sett inn tilkynning þann 17.2. 2008 um að vélsleðamótið 2008 yrði haldið í Kerlingarfjöllum helgina 29-2.mars. og því líklegt að lítið yrði um gistipláss þar þessa helgi.

Hjalti R-14

Þar sem staðarhaldari í Kerlingarfjöllum umrædda helgi er komin til landsins, þá ætla ég að birta hér í heild sinni hans hlið á máli því sem hér hefur verið til umræðu. Staðarhaldari var Páll Gíslason stjórnarfomaður Fannborgar ehf., sem rekur ferðaþjónustuna í Kerlingarfjöllum. Yfirlit þetta var sent í tölvupósti til leiðangursstjóra ferðarinnar fyrr í kvöld.

Póstur hefst:
Sæll Sigvaldi – minnir reyndar að þú hafir kallað þig Svala þegar við heyrðumst síðast.

Ég vil með þessu emaili koma nokkrum atriðum á framfæri, atriðum sem ég held að rétt sé að halda til haga varðandi okkar samskipti, en þannig man ég atburðarrásina:

Aðdragandinn:

1 Við ræddum saman eftir hádegi á föstudag, ekki viðvikudag. Þegar þú hringdir þá var ég á leið í Kerlingarfjöll, nánar tiltekið um það bil að detta útúr GSM sambandi við Sandá.

2 Þú spurðir um undirbúning sleðamótsins og hvort allt væri fullt. Ég sagði að mér þætti seint pantað, einkum vegna matarbirgða. En eins og þú væntanlega veist og fram kemur á heimasíðunni okkar, þá var pakkaverð í gangi þessa helgi gisting + matur á laugardagskvöldi á kr 6.000 pr mann. Menn réðu hvort þeir voru eina eða tvær nætur. Þetta kemur allt fram á netinu og þér átti að vera þetta ljóst hefði ég haldið.

3 Þú sagðir síðan samkvæmt mínu minni "við erum 2 – 3, reddar þú okkur ekki?" ég svaraði að ég myndi eflaust geta það, ég væri reyndar með hús sem væri afsíðis og gæti ennþá skotið mönnum þangað inn, þótt seint væri pantað. Húsið heitir La Plata og þar geta 8 manns gist. ég minnist þess ekki að þú hafir nefnt jeppamenn og ef þú hefðir nefnt 4 hjón með barn hefði ég að sjálfsögðu sagt nei á stundinni, það eignlega segir sig sjálft?? Það er ekki það sama að fá 2 – 3 kalla á sleða eða 4 fjölskyldur og ég hefði örugglega ekki sett konur og börn í umrætt hús – það er að mínu mati tæplega konum og börnum bjóðandi undir þessum kringumstæðum.

4 Við ræddum eitthvað meir, ekki ætla ég að tíunda það, ég man ekki eftir að þú segðist koma seint, eflaust hefur þú sagt það, en eftir miðnætti á laugardagskvöldi er nú fjandi seint í góðu veðri og draumafæri??

5 Ég sagði samferðamanni mínum Jóhanni Sigurðssyni frá samtali okkar, næst þegar við stoppuðum. Hann sagði "já – ætlar Svali að koma, hann er hörku sleðamaður.." Þessvegna tel ég mig geta tímasett símtalið og ályktað aftur að þú kæmir á sleða. Fyrir helgina hafði ég fyrir reglu að segja öllum að senda mér tölvupóst með pöntun, svo ég hefði á hreinu hvað sagt var, menn voru svosem miskátir, en ég get sýnt þér tölvupósta frá meirihluta þeirra sem koma, að frátöldum fastagestum, kem ávallt panta hús að ári fyrir brottör. Það var einfaldlega of seint að biðja þig um tölvupóst, þar sem ég var farinn af stað. Það er væntanlega skaðinn, þeas við getum ekki í dag séð svart á hvítu hvað þú baðst um?

6 Hvað átti ég að halda klukkan 23.00 á laugardagskvöldi, ég hafði ekkert heyrt frá þér?? Settu þig í mín spor. Ég átti kanski von á 1 – 3 sleðamönnum, sem Ebba, sem hafði samþykt að sinna starfi staðarhaldara eftir að ég fór að sofa, vissi að hún gat komið fyrir

Mér finnst þetta atvik mjög leiðinlegt og bið afsökunar á því að hafa ekki skilið betur þitt erindi, þá hefði þetta aldrei komið til, en afsökun er væntalega létt í vasa eins og komið er??………..

Svo er það afgreiðslan.

Ebba var beðin um að líta til með hlutunum og hún hafði því fullt umboð staðarhaldara, það sem hún bauð var í mínu nafni og ég held ég hefði ekki boðið neitt annað, enda ekki neitt annað að bjóða en gistingu í á lofti aðalbyggingar, eins og hún gerði eða reyna að hola hluta hópsins í önnur hús, sem þegar voru upphituð.

það að ég kom ekki er auðvitað heldur peysulegt, ég get reynt að afsaka mig, en sleppi því… Verð að lifa við athugasemdir sem þegar eru komnar á netið og bera þann kaleik sem mér er réttur þar. Það er reyndar umhugsunarefni hvað menn missa sig, held ég að sumum muni finnast þegar frá líður.

Hinsvegar er vert að spyrja sig hversvegna þú komst ekki á minn fund. ‘Eg hef séð það sem þú skrifar en…. Skilaboðin sem ég fékk voru að það væru jeppamenn á ferð sem spyrðu um gistingun, en sættu sig ekki við að sofa í salnum.

Kjarni málsins er þessi, ykkur var boðin lausn, hver sem bauð hana, ég eða Ebba. Miðað við umtalið um mig á netinu, þá voruð þið væntanlega bara heppin að þurfa ekki að mæta þessu skelfilega manni? Sem hefði í besta falli boðið ykkur að vera "holað niður" í einu eða fleiri húsum, eða í köldu, röku og óupplýstu husi, sem auðvitað hefði hitnað með tímanum. Og svo bendi ég á að öllum átti að vera ljóst að staðurinn var frá tekinn fyrir sleðamenn, á föstu verði pr mann, 6.000 kr, óháð því hvort gist var eina eða tvær nætur. Hefði ég getað verið með annað verð fyrir ykkur? ´Þetta stóð á netinu og átti þér að vera fullkunnugt um það?

Að lokum:

Ég er svosem ekki viss um að þessir harðorðu menn sem hafa tjáð sig á netinu viti mikið hvað þeir eru að tala um, það verð ég að segja. Það er lærdómsríkt að vera ljóti strákurinn þessa dagana:-) Hvað reka margir þeirra ferðaþjónustu? Eða hefur þú gert það? Ferðaþjónustu sem er afskekkt eins og Kerlingarfjöll.

Veist þú – eða þeir vísu menn sem hafa tjáð sig af tilfinningahita – hve oft við höfum fengið pantanir manna sem svo ekki mættu?? Mér er vorkun held ég, klukkan 23:00 var ég hættur að eiga von á ykkur (1 – 3 sleðamönnum).

Sambandsleysið er bagalegt, það er reyndar mun verra fyrir okkur heldur en þú gerir þér grein fyrir.

Ég írteka afsökunarbeiðni mína og get ekki spólað tímanum til baka en boðið ykkur gistingu án endurgjalds síðar, þú lætur vita ef það er eitthvað sem þú eða þitt fólk hefur áhuga á

Með kveðju

Páll Gíslason
Pósti lýkur:

Frá sendanda: Ég get ekki annað en undrast þau stóru orð og skítkast sem fallið hafa hér á þessum þræði (og yfirleitt undir dulnefni). Af skrifum að dæma þá virðist þessi uppákoma hafa verið ein mesta mannraun sem þessi hópur hefur lent í á fjöllum, ef svo er þá eigi þeir margt eftir ólært í fjallaferðamennsku.
Kveðja; Friðrik Halldórsson R-11