This topic contains 23 replies, has 1 voice, and was last updated by 
-
Topic
-
Datt í hug að benda ykkur á þessa frétt á mbl
.
Í stuttu máli þá hefur kerið ehf sem á kerið í grímsnesi ákveðið að takmarka aðgang að kerinu með því að stöðva skipulagðar hópferðir, ástæðan er sú að mikil ásókn á síðustu árum hefur valdið náttúruspjöllum á svæðinu.
.
Persónulega þá fagna ég því að það skuli yfir höfuð vera gert eitthvað í því að vernda þessa náttúruperlu.
.
Ætli við komum til með að sjá fleiri svona aðgerðir þar sem náttúruperlur eru í einkaeigu?
.
Kv.
Óskar Andri
-
Replies
-
Samkvæmt fréttum í 24 Stundum í dag
Þá er búið að loka á þá ferðaþjónustuaðila sem ekki greiða glápgjald, í Kerinu.
Þetta hlýtur að vera eitthvað sem Ferðaklúbbnum 4×4 kemur við sem hagsmunaklúbb jeppaferðamanna. Allavega hefur klúbburinn tekið þá afstöðu á undanförnum misserum að gæta ferðafrelsisins. Samanber í ferlunarmálunum þar sem unnið er í því að sporna við fjöldalokunum á slóðum hálendisins. Einnig hefur klúbburinn lagt sig eftir því að fá aðkomu að ýmsum reglugerðarbreytingum og fleira og fleira.
Ekki er hægt að líta á málefni Kersins sem eitthvert einstakt mál, því þetta hefur auðvita fordæmisgildi, eftir því hvernig fer. Næst munu þeir sennilega vilja rukka glápgjald af öllum ferðamönnum sem koma og glápa á Kerið. Þeir gætu sennilega skellt því á strax næsta sumar svona þegar menn eru búnir að venjast tilhugsuninni.
Nú veit ég ekki tilurð þess, hvernig eða af hverju þessir aðilar eignuðust Kerið. En ef þetta eru fjármálamenn sem hafa eingöngu keypt Kerið með það í huga að gera það að peningauppsprettu þá eru ferðamenn í slæmum málum. Hverjir koma næst og vilja fá glápgjald. Væri ekki í lófa lagi fyrir Hveravallarfélagið að rukka inn við afleggjarann inn að Hveravöllum. Eða fyrir Pál og félaga í Kerlingarfjöllum og fleiri. Ef þessi háttur verður ofáná, þá fer glápgjaldið einsog eldur í sinu út um allt. Því við íslendingar erum nú þannig að ef ein beljan mígur……….. ég minni bara á þegar allir ætluðu að verða ríkir á vídeóleigum eða þegar allir fóru í fiskeldi eða loðdýrarækt. Þannig erum við bara.
Klúbburinn það að taka afstöðu til þessara mála. Kv Ofsi ferðafrelsisfrömuður
Ég er alveg sammála því að maður vill geta ferðast frjáls, óáreittur og án þess að veskið sé alltaf rauðglóandi eða bara úrbrætt þegar maður kemur heim…
.
en….
.
Ef eigendur vinsælla ferðamannastaða mega ekki rukka ferðamenn til þess að nota peningin til að gera upp aðstöðuna á þessum ferðamannastöðum og ríkið gerir heldur ekki neina aðstöðu, hver verður þá ánægjan af þessum ferðamannastöðum í framtíðinni þegar það kanski stórsér á umhverfinu vegna ágangi ferðafólks…
.
Af tvennu illu…. hvort viljum við borga fyrir aðgang að stöðunum eða aðgangur að stöðunum verði lokað.
.
Ástandið er kanski ekki alveg orðið svona ennþá en Það er alltilæ að ræða þetta aðeins og ég fyrir mitt leyti er ég ánægður með þessari aðgerðir hjá Kerinu að því leyti að þetta hefur komið af stað umræðu sem er þörf…. þótt það megi kanski deila um hversu lögleg aðgerðin er eða hvort hún hefði átt að fara öðruvísi framm.
.
Kv.
Óskar Andri
Ríkissjóður hefur gífurlegar skattatekjur af túristum , virðisaukaskattur, tekjuskattur, olíugjald og önnur gjöld sem plokkuð eru.
Mér finnst stjórnvöld ber skylda til að sjá um stígagerð, salernisaðstöðu og annað til verndar umhverfinu.
Kostnaður við gjaldtöku er það mikill að það verður sennilega tap á dæminu.
Björn Pálsson A 720
You must be logged in to reply to this topic.