Kerið – athyglisverð frétt

Um að gera loka öllum flottu stöðunum okkar sem við erum svo hreyknir af og folk kemur til að skoða
loka geysir,loka gullfossi best að virkja hann bara
þa þarf ekki að hafa ahyggjur af hopum að skemma.
Haleluja banna banna lok lok og læs
frabær hugsun vona að þið verðið svona hlynntir
boðum og bönnum þegar verður farið að banna okkur að aka um halendið a veturna

loka loka loka
hneyksliskveðja Helgi

Umræðan um hvort rétt sé að innheimta aðgangseyri vegna umferðar um vinsæla ferðamannastaði er ekki ný. Hvort menn borga eða ekki bætir lítið umgengni um þessa staði er ég hræddur um. Vandamálið er líklegast ekki hópar erlendra ferðamanna eins og fullyrt er hér að ofan. Heldur frekar illa upplýstir Íslendingar sem láta jafnvel börnin sín hlaupa eftirlitslaust um hverasvæði og erlendir ferðamenn sem ferðast á eigin vegum (þ.a.l. ekki í eiginlegum hópum með leiðsögumönnum) svo dæmi sé tekið. Sjálfur fer ég all oft t.d. um Geysissvæðið með hópa og geri ég ferðamönnum það ljóst áður en ég hleypi út úr rútunni að eingöngu megi ganga um stígana. Bannað sé að fara inn fyrir kaðlana. Vara við hættunum og fylgi svo hópnum og reyni að vaka yfir öryggi allra. Fullyrði ég að þannig haga sér flestir leiðsögumenn. Ef ekki af uhyggju fyrir fólkinu og landinu. þá af þeirri eigingjörnu ástæðu að við (leiðsögumenn) höfum einfaldlega ekki tíma til að standa í vandræðunum og töfum sem fylgja slysum sem geta orðið á svæðum eins og hjá Geysi.
Oft velti ég því fyrir mér hvar þessi eftirlitsmaður sem ráðin er til að gæta Geysissvæðisins er. Lýsi ég hér með eftir honum – hefur einhver séð hann? Sumar vikur fer ég nokkra Gullhringi og hef aldrei séð þennan vörð. Ég er eiginlega sannfærður um að ef til þess kæmi að innheimt yrði gjald fyrir aðgang að náttúruperlum þessa lands myndi ekki ein einasta króna skila sér í að bæta aðstöðuna á sömu stöðum. Tekjurnar færu allar í umstangið við innheimtuna enda ekki ókeypis að byggja miðasöluskúra kynda þá og lýsa, um land allt. Manna þá á vöktum og svo framv. Nær væri að leggja þá frekar smá-skatt á hafnargjöld og flugvallagjöld sem allir sem heimsækja okkur leggðu etv 100 kr í. Ef hingað koma 500.000 gestir á þessu ári væru þetta 50.000.000,- sem er etv. engin ósköp en þó meira en ekkert. Það væri þá etv. til peningur fyrir nýjum köðlum og varúðarskiltum á Geysi.

Var við kerið með hóp á fimmtud. var og þar var engin tilk. um lokun. En auðvitað er það sorglegt ef satt er að ferðamenn séu að eyðileggja staði eins og Kerið. Eftir stendur spurningin, er rétt að náttúruperlur sem eru í landi í einkaeigu séu ekki aðgengilegar öllum almenningi? Eða er það eitthvað sjálfsagt að allir hafi aðgang að stöðum í almenningseign? Ef einhver kaupir land sem áratuga hefð er fyrir umferð ferðamanna og er etv. í almanna leið. Hefur þá ekki skapast svokallaður réttur til umferðer líkt og um allt ógirt land til sveita á Íslandi. Eða svipað og "right of way" í Bretlandi svo farið sé út fyrir landsteinana eftir fyrirmynd.

Kveðja

Steini

Vandamálið er ekki Íslenskur almenningur, er fullyrt hér að ofan. Það er etv. ekki rétt að kalla Íslenskan almenning vandamál. Umgengni mjög margra sem teljast til Íslensks almennings er vandamálið. Nefni ég hér sem dæmi reykingafólk. Reykingafólk hendir stubbum um allt. Það má vel vera að annara þjóða ferðamenn geri þetta líka, en Íslendingar eiga að ganga á undan með góðu fordæmi og henda ekki rusli á víðavangi. Flestir vilja ganga vel um og telja sig ferðast í sátt við umhverfið og gera það eflaust. Það er þessi hópur sem eftirlitslaus vafrar um landið vítt og breitt og er ekkert frekar bundið við svokallaða ferðamannastaði og skilur eftir sig slóðan af rusli. Það er bæði sorglegt og ergilegt að koma í þá vin sem Veiðivatnasvæðið er og sjá þar alla vatnsbakka útbíjaða í stubbum. Þessir stubbar eru að lang mestu ef ekki öllu leiti eftir Íslendinga sem margir hverjir eru þó einlægir aðdáendur Íslenskrar náttúru. Vandamálið er "mentalítet" þjóðarinnar. Íslendingar eru því miður ekki komnir lengra á þróunarstiganum en raun ber vitni.

Ég er mjög oft spurður af erlendum ferðamönnum sem ég leiðsegi hvernig okkur takist að halda landinu okkar svona óspiltu og hreinu. Ég lýsi gjaran hróðugur mikilli umhverfisvitund okkar og að börnum sé innrætt virðing fyrir náttúrunni. Ég læt ósagt frá þeirri staðreynd að hér býr nánast engin til að sóða út. Hér búa rúm þrjúhundruð þúsund manns á 105.000 km2. Það tekur marga mannsaldra að sóða það allt út. En sem betur fer, fer umgengni batnandi en á sama tíma stingur slæm umgengni og sóðaskapur meira í stúf.

Hér að ofan er talað um að landið þoli ekki þetta álag og þessa umferð. Það getur verið rétt í mörgum tilfellum. Það má til dæmis ekki hleypa flokk túrista út í mosavaxið hraun til að klöngrast og tæta. Það þarf að útbúa aðstöðu til móttöku ferðamanna hverra þjóða þeir kunna að vera. Ef bornir eru saman staðir eins og Þingvellir, Blá lónið annarsvegar og svo Geysir og Gunnuhver hinsvegar má auðveldlega sjá hvernig fer ef aðstaðan er ófullnægjandi. Á Þingvöllum og í Bláa lóninu breytir það litlu hvort 50 eða 5.000 manns heimsækja staðinn á einum degi á meðan alsherjar kaos ríkir við gunnuhver ef 50 mans eru þar samtímis og allt fer úr böndunum ef nokkrar rútur koma á sama tíma að Geysi. Þetta þarf einfaldlega að laga. Tökum ísbjarnarbjörgunarféð sem sparaðist við að fella þessa tvo bangsa sem felldir voru og leggjum stíga fyrir það. Svo ekki sé nú talað um ef mætti koma fyrir upplýsingaskiltum, ruslatunnum og almennilegri salernisaðstöðu á ferðamannastöðum.

Ferðamannafjöldin vex svolítið í augum margra er ég hræddur um. Afkastageta ferðaþjónustunnar er mjög takmörkuð af framboði á gistirými, fólksflutningum, leiðsögumönnum og fleiri þáttum. Hér á landi eru ekkert margir á sama tíma borið saman við marga staði erlendis. Við gætum margfaldað þessa tölu með betri skipulagninga nokkurra hamlandi þátta sem virka sem flöskuhálsar. Hitt er svo annað mál að við (Íslendingar) eigum auðvitað að velja okkar gesti með því að verðleggja Ísland eins og lúxushótel og stjórna þannig fjöldanum og stilla í viðráðanlegt magn.

Auðvitað er rétt að hafa áhyggjur af landinu og þessum perlum sem við erum svo stollt af. En engin ástæða er til að fyllast skelfingu og fara um landið með boðum, bönnum og lokunum. Aukin fræðsla eftirlit og hærra þjónustustig er það sem vantar. Þá vantar auðvitað að gera fleiri fallega staði aðgengilega sem hægt væri að stýra hópum á og hafa eitthvað uppá að bjóða.

Gaman væri ef spjallverjar á þessum vef tækju sig til og stofnuðu þráð með hugmyndum um slíka staði og hvernig ætti að standa að málum á hverjum stað. Ófáir eru jafn víðförlir og fróðir um landið og einmitt þeir sem hér stinga niður stílvopni.

Kveðja

Steini

Þetta eru áhugaverðar vangaveltur og skemmtilegt að sjá fólk í ferðamannageiranum skrifa. Ég sakna þess þó að sjá ekki fleiri tjá sig um þennan málaflokk. Auglýsi t,d eftir fleirum úr stjórn og nefndum. ( allavega mætti minna einhverja á hagsmunaþátt klúbbsins ) sem virðist furðu oft gleymast. Nú þekki ég ekki vel aðstæður við Kerið, enda langt síðan ég hef komið þar við. En þarna virðist vera að gerast nokkuð merkilegur hlutur. Ef ég skil málið rétt. Samkvæmt mínum skilningi er þarna um það að ræða að þarna er náttúruperla í einkaeign. Sem ekki lengur þolir ágang svona mikils fjölda ferðamanna. Og eigendur ætla því að takmarka aðgang ferðamanna að staðnum. Síðan ætla þeir að laga aðstöðuna á sinn kostnað. Þessar vangaveltur vekja margar spurningar. Maður veltir því þá fyrir sér hvort eigendur Kersin getir ekki fengið styrk frá hinu opinbera til aðgerða. Eða hvort þeir gætu einfaldlega skellt í lás, til þess að þurfa ekki að standa í einhverju brölti við það að bæta aðstöðu fyrir ferðamenn. Maður veltir líka fyrir sér, hver sé ábyrgð eiganda af náttúruperlum gagnvart almenningi. T,d mega þeir einfaldlega loka þeim náttúruperlum sem hafa dregið að sér ferðamenn í aldir. Einsog t,d eigendur Reykja í Fnjóskadal hafa gert með Biskupalaugina, þar sem var margra aldar hefð á notkun laugarinnar af almennum ferðamönnum.
Ég held að þetta mál sé hluti af mjög stórum málaflokk, sem klúbburinn hefur ekki sinnt til þessa. En það er aðgengið að landinu. Á seinni árum hefur fjölgað mjög skiltunum EINKAVEGUR, AÐGANGUR BANNAÐUR, RJÚPANVEIÐI BÖNNUÐ, og fleiri og fleiri bannskilti, keðjum og lásum hefur einnig fjölgað. Og jafnvel hafa vírar verið strengdir yfir slóða ( Skorradal ) einsog má lesa um á motokross.is.
Ég setti inn nokkrar myndir í albúmið mitt ( Velkominn á vesturland ) til útskýringar, kann bara ekki að búa til link sorrý. Ætlaði nú að setja inn fleiri myndir en fékk of oft hina sí vinsælu tilkynningu Server Error in ‘/new’ Application.
Kv Ofsi

Ég held að þetta sé óumflýjanleg þróun sem hefði mátt sjá fyrir. Við ferðafólk höfum verið sofandi á verðinum og tekið ferðafrelsinu sem sjálfsögðum hlut á meðan peningamennirnir hafa keypt sér landsvæði til að fá frið og græða. Ég vil líka meina að umgengni um landið hafi hnignað. Ef maður skoðar myndir á icejeep.com má sjá myndir frá árdögum jeppamennskunar og þar sjást menn gera hluti sem síðar varð að helsta baráttumáli klúbbsins. Nefni ég sem dæmi spól í öxlabrekkunni við Emstrur og fleira. Á síðustu árum hefur það hins vegar verið viðleitnin að ef að einhver vogar sér að benda á slæma meðferð á landinu þá hefur hann heldur fengið bágt fyrir. Við förum þó létt með að breyta þessu ef við snúum okkur aftur að upprunanum.

Sennilega er þetta einungis ein af mörgum líkum aðgerðum sem missa marks. Þannig er mál með vexti að í nokkurn tíma hafa leiðsögumenn í skipulögðum hópferðum (hér er aðalega átt við s.k. skipaferðir) bannað gestunum sínum að ganga hringinn í kringum Kerið. Þetta höfum við gert skv. fyrirmælum ferðaskrifstofa vegna óska landeigenda. Þetta gerist einnig sjálfkrafa vegna þess að tíminn sem áætlaður er til að heimsækja Kerið er knappur og leyfir ekki göngutúr umhverfis gíginn.

Eftir stendur sú staðreynd að þeir sem ganga hringinn og hafa þannig tíma til að vinna spjöll eru líklega á eigin vegum. Eru þetta bæði Íslendingar og erlendir gestir. Þar af leiðandi er líklegast skárri kostur að leyfa hópa undir eftirliti leiðsögumanna, heldur en ferðamenn á eigin vegum sem hafa ekki fengið varúðarpistil lesin yfir sér og lesa líklegast ekki upplýsinga-, bann, og varúðarskilti.

Ég óttast mest að aðgerðirnar skili ekki tilætluðum árangri og Kerinu verði einfaldlega lokað fyrir allri umferð.

Ástæðan fyrir því að aðgerðir sem þessar missa marks er einfaldlega sú að líklegast hefur ákvörðunin verið tekin út frá tölulegum rökum. Þ.e.a.s. 1.000 manns hljóta að spilla meiru en 100. En auðvitað er það þannig að 1.000 manns sem staldra við í 10-20 mínútur hafa einfaldlega einiungis tíma til að ganga upp að gígbrúninni og taka ljósmynd. Á meðan einhver sem dvelur í 30-60 mínútur getur gengið hringinn og jafnvel niður í gíginn, fengið sér snarl með tilheyrandi umbúða-rusli.

Er það ekki siðferðileg skylda þeirra sem eiga landið að búa svo um hnútana að náttúruperlur líkt og Kerið og fl. staðir séu aðgengilegir almenningi og að þannig sé um hnúta búið að gestkomendur fari sér og öðrum ekki á voða eða valdi spjöllum á viðkomandi stað.

Þetta má gera á ýmsa vegu. T.d. bjóð þeim sem hafa hagsmuni af heimsóknum á þessa staði eins og t.d. fyrirtækjum í ferðabransanum, ríki og sveitafélögum (sem magnið af öllum tekjum situr eftir hjá í formi beinna og óbeinna skatta) að koma að viðhaldi og uppbyggingu aðstöðu.

Steini

Aðgangur að Kerinu í Grímsnesi takmarkaður

Kerfélagið ehf, eigandi Kersins í Grímsnesi, hefur ákveðið að takmarka aðgang að Kerinu við umferð almennings en stöðva skipulagðar hópferðir rútubíla.

Í tilkynningu frá Kerfélaginu kemur fram að ástæða þessarar ákvörðunar sé sú að mikil ásókn á undanförnum árum hefur valdið náttúruspjöllum við Kerið, sem nauðsynlegt er að sporna við áður en í meira óefni fer. Þá segir að langstærsti hluti ferðamanna komi í hópferðum sem rútufyrirtækin bjóða gegn gjaldi og því sé réttast að takmarka þær en veita almenningi í einkaferðum áfram óheftan og ókeypis aðgang að Kerinu eins og verið hefur.

Samtök ferðaþjónustunnar lýsa furðu sinni yfir þessari ákvörðun þar sem kveðið er á um það í náttúruverndarlögum að almenningi sé heimil för um landið í lögmætum tilgangi. Auk þess sé það undarlegt að mismuna ferðamönnum eftir því hvort þeir eru í rútu eða á einkabíl. Þá segir í tilkynningu frá samtökunum að Vegagerðin og Ferðamálastofa hafi staðið straum af kostnaði við bílastæði við Kerið, göngustíga og uppsetningu upplýsingaskilta og er Kerið kynnt sem áfangastaður á heimasíðu Vegagerðarinnar.

Samtök ferðaþjónustu segja þessa ákvörðun hafa verið tekna eftir viðræður Kerfélagsins við stærri ferðaskrifstofur um að þær greiði gjald fyrir hvern farþega sem stoppar við Kerið. Ferðaskrifstofurnar hafi hins vegar hafnað greiðslum.

Spurning að nú verði farið með ferðamenn á bílum í stað langferðabíla.
kv
Agnes Karen Sig
R-252

Nú veit ég ekki hvort þessi lokun á túristana vegna of mikils ágangs sé yfirskyn til að ná í smá aur hjá landeigendum. Hins vegar hef ég séð það með náttúruperlurnar okkar þar sem rútur stoppa með ferðamenn að fólk veður út um allt og yfir öll bönd, hreinlega labbar þangað sem því langar til að ná einni góðri mynd. Fólk virðir ekki þá göngustíga og þau afmörkuðu svæði sem eru í boði og þar er kannski fararstjórum mikið að kenna um, fararstjórar eiga að fylgjast mikið með sínum hópum og tilkynna fólki og brýna vel fyrir því að það megi ekki fara innfyrir ákveðnar leiðir. Það getur vel verið að það sé látið ferðamenn vita hvað þeir megi gera og hvað ekki og þeir hunsi það bara en þá er ekkert annað að gera en að rukka inn og bæta aðstöðu til að svæðin þoli allan þennan ágang. Geysissvæðið er nú einmitt einn staðurinn, þar eru einhver bönd og eitthvað… en að sjálfsögðu þyrftu að vera starfandi tveir til þrír "landverðir" uppi á svæði til að fylgjast með að allt sé í lagi og fólk fari eftir þeim reglum sem settar eru þarna uppfrá. Var það ekki bara síðast í fyrra að það var mikið talað um að Geysissvæðið væri eins og stór ruslakista, kókflöskur og nammibréf út um allt… og enginn til að þrífa upp vegna þess að enginn vildi borga fyrir það. Rukka inn fyrir allar skipulagðar hópferðir segi ég og helst líka erlendu ferðamennina sem ferðast um á Yarisinum sínum en leyfum Íslendingum áfram að njóta landsins síns ókeypis.

Hér að ofan hafa komið fram sjónarmið sem vert er að virða. Hins vegar vill ég benda á umræðu í þjóðfélaginu þegar Sif Friðleifsdóttir var Umhverfisráðherra og stakk upp á gjaldtöku á Þingvöllum. Einnig hafa komið fram hugmyndir síðustu dag um gjaldtöku a ýmsum svæðum eins og t.d. Kerið, Gullfoss, Gyesir ofl. Varðandi aðkomu ríkisins að gjaldtöku vísa ég til þess að þau gjöld sem innheimt hafa verið að almenningi hafi ekki farið í þá málaflokka sem þeim er ætlað. T.d má nefna gjald af eldsneyti.
Sem dæmi um hvert þetta er að stefna er að ég fór í dagsferð um daginn og var m.a. ekið um Grafardal. Þar kemur maður að hlið sem stendur á EINKAVEGUR – ÓVIÐKOMANDI UMFERÐ BÖNNUÐ. Ég skil þetta þannig að bændur eru farnir að takmarka nú þegar umferð um lönd sín og tel ég að þetta sé að hluta til vegna samskipta bænda við yfirvöld, virkjun landa þeirra og eingnaupptöku síðustu ára.
Hins vegar er ég sammála þeim aðilum sem telja rétt að rukka túristana.