This topic contains 10 replies, has 1 voice, and was last updated by 
-
Topic
-
Mig langaði að benda á þetta bréf http://djupivogur.is/adalvefur/?id=14577.
Veit einhver hvaða lög gilda um svona dalavegi, væri fróðlegt að fá að vita það ef maður skyldi lenda í einhverju svona, það kemur fram í bréfinu að vegurinn hafi verið lagður fyrir opinbert fé.
Spurning um að hafa klippur til taks í bílnum, og kannski hengilás líka
-
Replies
-
Lítið gagn í þessum hlekk. Enda búið að taka bréfið út.
kkv, Úlfr
Eitthvað hefur þetta farið fyrir brjóstið á einhverjum, las þetta bréf í morgun og þar kom fram að maðurinn hafði farið inn í einhvern afdal eftir vegslóða og síðan þegar hann kom til baka var kominn hengilás á allt saman, hann fann aðra útleið og þegar hann var að komast burt eftir þeirri leið sá hann að einhver var að hlaupa út í bíl á bænum sem þetta varðaði og ekið var í veg fyrir hann í loftköstum, átti senilega að fá hann á hnén til að hann fengi að sleppa þaðan með leyfi þeirra sem á bænum voru, það kom fram að sá sem ætlaði að stoppa hann væri fyrrverandi KB banka maður, sennilega hefur sá náungi keypt jörðina með öllu sem tilheyrði en eftir því sem ég man þá er þessi vegslóði í umsjón vegagerðarinnar, þori samt ekki alveg að fullyrða það en mig minnir að það hafi komið fram í bréfinu. En bréfritandi var ekkert á að láta stoppa sig og komst því burt á þess að þurfa að fara á skeljarnar. Kveðjur, Logi Már R-3641
Þar sem ég átti von á að svona færi þá tók ég afrit af bréfinu.
Er einhver sem vill taka það að sér að koma því á netið þá skal ég senda það í pósti.
kv. stefgud@gmail.com
Held að það sé ekki sniðugt að endurbirta hér bréf sem höfundur hefur samþykkt að sé fjarlægt af öðrum vef. Birting þess án samþykkis höfundar er brot á höfundarréttarlögum, svo ekki sé talað um ef birtingin er hugsanlega gegn vilja höfundar og ekki viljum við fremja lögbrot á ábyrgð klúbbsins.
Ég hafði samband við Ólaf Áka í dag. Hann er búinn að fá mikil viðbrögð við bréfinu og skilst mér að það verði tekið til umfjöllunar af sveitarstjórn. Almannaréttur til umgengni um landið er nokkuð skýr í náttúruverndarlögum og vegurinn sem um var að ræða var á sínum tíma lagður fyrir almannafé. Þetta er því tilvalið prófmál.
Kv – Skúli
Það væri nú gaman að fá að vita hvaða vegslóði þetta er ?
Kveðja Guðjón
Málefni Hofs í Álfafirði.
Eigendur Hofs eru þau Þorgerður Katrín Gunnarsdóttir og Kristján Arason. ( þau voru stödd á staðnum þegar umrætt atvik átti sér stað ) Í því ljósi er eðlilega að pistilinn hafi verið tekinn út að vefsvæði Djúpavogs. En pistillinn er þegar kominn í dreifingu á veraldarvefnum og mát.d sjá hann á eyjan.is slóðin er: http://eyjan.is/blog/2009/08/19/ hreidar-mar-neitar-ad-bidja-thjodina-afsokuna-a-ekki-peninga-til-ad-adstoda-vid-
Fyrrverandi sveitarstjóri Djúpavogs, Ólafur Áki Ragnarsson er núverandi bæjarstjóri í Ölfuss og Sjálfstæðismaður. Málið fer fyrir sveitarstjórn og eru fundargerðir sveitarstjórna settar á vefinn. Því verður áhugavert að sjá hvernig tekið verður á málinu.
Ég reikna með því að það verði svæft á einhvern hátt. Mestu líkurnar er þó á því að bæjarstjórinn í Ölfuss, gleymi málinu. Enda, hvaða bæjarstjóri Sjálfstæðisflokksins vill styggja varaformann flokksins. Það gæti endað með atvinnuleysi bæjarstjóra Ölfuss.
kv Ofsi
Þar sem það er erfitt að linka á þetta, þá er pistilinn í eftirfarandi þræði og settur inn af Summi 19. ágúst, 2009 kl.22:3
Innlent – miðvikudagur, 19. ágúst, 2009 – 21:26
Hreiðar Már: Neitar að biðja þjóðina afsökunar. Á ekki peninga til að aðstoða við uppbygginguna
Sælir félagar.
Ég lenti í svipuðu máli í sumar, þeas þegar bóndinn á Snorrastöðum á Mýrum fór hamförum er ég ók í gegnum hlaðið hjá honum. Hann er samt ferðaþjónustubóndi og vill fá fólk til sín. En ég hafði ekið framhjá bænum og ca 100 m lengra að útihúsum sem hann er að byggja. Þar vorum við að glápa í kringum okkur, nutum útsýnis, fjöll og jökull skörtuðu sínu fegursta. Vorum búnir að vera stopp þarna í ca 10 mínútur og vorum ekki komin út úr bílnum. Þarna er góður vegur og framundan slóði og grindahlið sem hann hélt örugglega að við ætluðum að aka. Hann kom með djöfuls kjaft, sagði að við hefðum ekið í gengum læst hlið og framhjá skilti sem stæði á að vegurinn væri í einkaeigu og lokaður. Ég sá þetta skilti og reyndar hliðið líka (sem var opið allan tímann), en mín kunnátta í skiltamálum sagði mér að þetta væri botlangi.
En dæmigert fyrir ferðaþjónustubónda að haga sér svona. Ég var að spá í að fara út og lesa honum pistilinn, en var ekki klár í slíkt, því börn voru með í för. Sendi í staðinn Jóa félaga minn út og hann talaði við kallinn, enda er Jói snillingur að tala við svona bjána og um leið halda allir haus og virðingu sinni. Hef ætíð dáðst af Jóa í þessum aðstæðum. En ömurlegt að lenda í svona köllum. Engin ástæða var fyrir þennan mann að haga sér svona. Hann gat miklu frekar sagt: [i:u3qg653l]"Góðan daginn strákar, hvaða ferðalag er á ykkur. Eruð þið að spá í að fara þennan slóða ? Æ, hann er ekki góður og hann er reyndar á mínu prívat landi. Og ég er ekki klár að leyfa mönnum að fara þangað á þessum tíma…. " [/i:u3qg653l]
En við auðvitað snerum bara við, en ég var fúll allan daginn. En þessi bjáni er búinn að stimpla sig rækilega inn hjá mér sem kjáni ársins.
Kv
Palli
Tekið af Eyjunni
http://eyjan.is/blog/2009/08/19/hreidar … byginguna/
18.08.2009 – Bréf frá Ólafi Áka Ragnarssyni bæjarstjóra
Heimasíðu Djúpavogshrepps hefur borist ósk frá Ólafi Áka Ragnarssyni
bæjarstjóra í sveitarfélaginu Ölfus um birtingu eftirfarandi bréfs og er
hér með orðið við þeirri ósk. AS.
Góðir dagar í Djúpavogshreppi !
Nú þegar ég sest við tölvuna eftir gott sumarleyfi þar sem ég dvaldi í
mínu gamla sveitarfélagi Djúpavogshreppi, fer í gegnum hugann minn
breytingar á högum fólks og ekki síst framkomu. Sumarleyfið mitt í ár
var eitt lengsta samfellda frí sem ég hef eitt í Djúpavogshreppi síðan
ég flutti þaðan 2002. Þar sem ég er fæddur og uppalinn á Djúpavogi og
forfeður mínir koma all flestir af þessu svæði, þá hef ég sterkar
taugar til sveitarfélagsins. Ekki síst til suðurhlutans þ.e.
Hamarsfjarðar og Álftafjarðar. Dalirnir inn af Álftafirði,
Geithellnadalur, Hofsdalur og Flugustaðadalur eru með þeim fallegri á
landinu. Sveitarfélagið á tvær jarðir í Álftafirði, Tunguhlíð og
Markúsarsel. Tunguhlíð fylgir m.a. svokallað Oddatún sem er norðan við
Hofsá ofan og neðan við brúna á Hofsá.
Laugardaginn 1. ágúst ákvað ég að fara með fjölskyldu minni inn í
Flugustaðadal og berja augum Markúsarsel og Tunguhlíð. Á þeim 16 árum
sem ég var sveitarstjóri í Djúpavogshreppi smalaði ég þetta svæði all
oft . Leiðin lá eftir veginum að kirkjunni að Hofi. Þegar fara átti út
af veginum fyrir neðan túnið á Hofi var slóðinn sem þar var áður fyrr
horfinn á kafla. Ákvað ég þá að fara fram hjá bænum í Hofi eins og
tíðkaðist á árum áður, ef slóðinn var ekki fær fyrir neðan túnið.
Þetta er eina leiðin sem fær er inn í Flugustaðadal og hefur verið
notuð um árabil, enda fjármögnuð af almannafé. Haldið var síðan sem
leið liggur yfir Hofsá fyrir innan Hof og að Tungunni og inn í
Markúsarsel. Töluvert var í ánum enda sumarið nokkuð rigningarsamt.
Dagurinn var þrátt fyrir lélegt útsýni dásamlegur og margar minningar
rifjaðar upp, m.a. um veru móður minnar í Tunguhlíð.
Þegar halda átti til byggða á ný og komið var að bænum Hofi var búið að
leggja bíl í eitt hliðið og læsa hinum tveimur með keðjum og lásum. Ég
ákvað því að fara gömlu leiðina eftir varnargarðinum við ána. Þeirri
leið var einnig búið að loka, en ég ákvað að opna hana og hélt sem leið
lá með ánni upp á veginn við Oddatún. Þegar keðjulásafólkið á Hofi var
þess áskynja að við gætum komist til byggða án þess að krjúpa fyrir
þeim, óku þeir á mikilli ferð frá bænum út á veginn á móts við Oddatún.
Þar staðnæmdist bíllinn (/Mitsubishi Pajero/) á miðjum veginum. Hurðinni
var hrundið upp og ljóst var að það átti að stöðva okkur og sennilega
veita tiltal fyrir að skoða landið okkar. Þegar bílstjóranum sem leit
út eins og KGB maður (en reyndist vera fyrrverandi KB bankamaður) varð
það ljóst að við værum ekki á þeim buxunum að láta hann stoppa okkur
þaut hann inn í bílinn og lokaði hurðinni.
Þessi yfirgangur Hofsfólksins kom nokkuð flatt upp á okkur enda aldrei
lent í slíku á þessu svæði. Það hefur ávallt verið greið leið fyrir
okkur sérvitringana sem eigum rætur á þessu svæði að skreppa á nokkra
ára fresti inn í dalina í Djúpavogshreppi og njóta náttúrufegurðar
þeirra og rifja upp minningar um okkar forfeður. Eitt af því
mikilvægasta fyrir hvert sveitarfélag er fólkið sem býr þar og fólkið
sem er burt flutt og heldur tryggð við æskuslóðirnar. Flestir
íslendingar eru þeirrar náttúru gæddir að halda tryggð við uppruna sinn.
Það er skoðun mín að það sé eitt af okkar dyggðum sem rækta á með
þjóðinni. Seigla okkar að halda byggð í landinu byggir m.a. á þessari
tryggð.
Það er von mín að sveitarstjórn Djúpavogshrepps taki mál sem þetta til
skoðunar. Það er mikið skref afturábak ef misvitrir fjárfestar geta
komist upp með að hefta aðgengi fólks að náttúruperlum okkar í
Djúpavogshreppi.
Ölfusi 11. ágúst 2009
Í dag stóð þetta á heimasíðu djúpavogs
Með samþykki Ólafs Áka Ragnarssonar og þess aðila sem málið beindist að hefur verið ákveðið að taka bréfið út.
Nú er búið að fjalla um málið
vefslóð http://www.djupivogur.is/gogn/fundarger … _final.doc
b) Landbúnaðarnefnd, 25. ágúst 2009.
Eftirtaldir liðir ræddir / afgreiddir:
Liður 3; Staðfest ákvörðun LBN um kr. 15.000.- fyrir dagsverk vegna fjallskila.
Liður 4 b); Bókun LBN, svohljóðandi: „Að gefnu tilefni vill LBN koma því á framfæri við sveitarstjórn að hún geri athugasemdir við ákvörðun eigenda jarðarinnar Hofs að takmarka akstur á vegslóða í landi jarðarinnar með því að læsa hliðum innan við útihúsin þar. Jafnframt verði farið fram á það við landeigendurna að framangreindri ákvörðun verði breytt“. (BHG vék af fundi við afgreiðslu málsins.) Sveitarstjórn samþykkir samhljóða að koma ábendingum þessum á framfæri með sérstöku bréfi til landeigenda þar sem óskað verði svara við athugasemdum þessum.
Fundargerðin að öðru leyti lögð fram til kynningar.
You must be logged in to reply to this topic.