Kastarar og önnur ljós.

Þetta er eitthvað sem allir ættu að taka til sín og er mikil þörf á fræðslu og aðgerðum vegna misnotkunnar á þokuljósum, bæði að framan og að aftan.
Það virðist vera í tísku að hafa kveikt á þokuljósunum og viðurkenni ég að hafa verið einn af þeim í smá tíma.
Ég keyri oft út á landi í myrkri og við þær aðstæður, tók ég sérstaklega eftir því hve fljótlega ég varð þreyttur og átti erfiðara með að einbeita mér.
Ég áttaði mikið fljótt á því að það voru þokuljósin sem ollu þessu aukna áreiti á ökuhraða. Það var einfaldlega of mikil birta fyrir framan bílinn, of mikið endurskin, bæði af vegmerkingum og kantstikum og þar af leiðandi "of miklar upplýsingar" til augnanna.
Ég er viss um að fleiri hafi og komi til með að átta sig á þessu, því fyrr, því betra.
Því hvet ég alla til að fræða sem flesta um þessi mál og að allir reyni að stuðla að betri umferðarmenningu hér á landi, því mikil þörf er á því.