kastaragrindur

Á ég að trúa því að maður þurfi að fara að skrúfa þetta af einu sinni á ári? Jahérna…

Ástæða þess að röragrindur eru bannaðar í Evrópubandalaginu er að við árekstur er talið að leikurinn verði enþá ójafnari ef bílinn er með röragrind heldur en án.
Þetta er hluti af umræðunni um að banna jeppa vegna hárra tíðni dausfalla þeirra sem í fólksbílum eru sem lendir í árekstri við jeppa.
Röragrindinn gefur ekkert eftir við árekstur.
Það er spurning hvort hægt er að sitja búnað svipaðan og er á merkjum fremst á húddi (Bens,Cadilac og fleirri),eitthvað sem gefur eftir við árekstur og fá banninu aflétt.
Með kveðju Ásgeir

Ég er með svona gamaldags grind framan á hjá mér úr þykku flatjárni og með rör á milli. Þetta gæti sjálfsagt skorið sig inn í miðjan bíl ef ég lenti í hliðinni á fólksbíl, sjálfsagt hálfu verra en þessir bogar sem algengir eru í dag. En hvar á ég að festa kastarana ef ég verð skikkaður til að taka þetta af? Ef þetta yrði bannað yrði að koma einhver lausn í staðin.

ég heyrði að það ætti bara að banna umboðunum að selja bíla með kastaragrindum.

Komdu sæll Elvar.
Þegar ég lét þetta vaða út í loftið á sínum tíma gerði ég fyrirspurn til Umferðarstofu og fékk eftirfarandi svar orð rétt. ( Þessar reglur hafa ekki komið til kastana enn þá, en verða fljótlega. Þær munu ekki virka aftur fyrir sig þ.e. ef þú ert nu þegar með grindur þá þarftu ekki að taka þær niður. Kveðja Sigurjón. ) Þeir virðast ekki vera sjálfum sér samkvæmir þessir menn, svo maður kveði nú ekki fastar að orði.
Mér fannst þegar ég heirði þetta fyrst varða ansi marga í okkar hóp. Hvers vegna ætti að vera öllum ljóst sem til þekkja. Þess vegna sagði ég frá þessu svo að þetta kæmi ekki í bakið á mönnum og ekki hefði verið hægt að gera í málinu, ef menn hefðu svo verið skildaðir til að taka þetta af bílunum. Þannig blasti þetta við mér við fyrstu sýn,en svo hefur annað komið í ljós sem berur fer.
Ákveðið umboð neitaði að afgreiða grind á bíl úr tjóni, vegna þessarar væntanlegra reglna. Þær eru nefnilega farnar að virka sumstaðar einhverra hluta vegna alla vega hluti af þeim, hvort að það er etthvað sem omboðin þurfa að fara efrir vegna ees veit ég ekki .
Það væri gaman ef Siggi talaði við þennann Sigurjón og vita hvort þessum mönnum bæri saman. kv. S.B.

Glanni, af hverju fer umferðastofa svona í taugarnar á þér? Ég hef að vísu ekki spáð mikið í þeirra störf og þeirra verksvið, en annað hvort hefur þessi stofnun engin áhrif á þessi mál (og skiptir þá ekki máli) eða að þeir hafa sæmilegan skilning á hlutunum. Staðreyndin er nefnilega að reglur hér eru sem betur fer mikið rýmri en víðast hvar og það er fyrst og fremst því að þakka að f4x4 félögum tókst að koma á góðu samstarfi við umferðayfirvöld og fá þá til að skilja þessi mál. Ef þetta væru eintómir þverhausar værum við ekkert að keyra þessa fjallajeppa, allavega ekki í umferðinni, heldur væri allt bannað líkt og er annars staðar. Þá hefði f4x4 talað fyrir daufum eyrum.

Það er nú eins með þessa hugsanlegu tilskipun og margar aðrar sem okkur varðar vegna EES samningsins að þær eiga ekkert við á okkar landi. Aðstæður í flestum löndum Evrópu eru allt aðrar en hér á landi.
Hallast ég að því að flestar svona tilskipannir séu komnar frá einhverjum blíantsnagaranum sem hefur fengið vitneskju um eða lent í einstaka tilfelli þar sem eitthvað hefur komið uppá. Og þá er um að gera að finna blóraböggul.

En eru allar svona tilskipannir virtar í hinum löndunum? Það hef ég heyrt að sé ekki og t.d. hunsi írar og fleiri margar svona hugdettur.

EN ÍSLENDINGURINN ER KAÞÓLSKARI EN PÁFINN HVAÐ ÞETTA VARÐAR.

Ég er þess alveg fullviss eins og Skúli bendir réttilega á að umferðastofnun er samt af hinu góða og þörf stofnun.

Það er ekki af neinu sem íslenskir jeppamenn og konur fá svona góða umfjöllun. Þrjóskan, sjálfsbjargarviðleitnin og hugmyndaauðgin hafa séð um það.

Bk (bestu kveðjur)

Magnús