Kastarafetish

Sælir

Jú ég er sammála þér Guðbrandur með flest.

En ég er enn á þeirri skoðun að það er betra að lækka ljós of snemma en of seint. Það eru hverfandi litlar líkur á því að það stökkvi dýr inn á veginn og að þú sjáir það ekki, á þessum metrum sem þú ert ekki nú þegar búin að sjá með háu ljósunum þínum áður en lækkað var niður.
Nema um sé að ræða að lækka ljósin þeim mun fyrr, sem því miður tíðkast líka.

Svo veit ég ekki með aðra en þegar einhver er búin að keyra á móti mér of lengi með háu ljósin þá sé ég ekki eins vel og annars í svolitla stund eftir það. Þá eru meiri líkur á að keyra á eitthvað.

Hitt er svo annað mál, þótt ég viti að það tíðkist ekki. Maður á aldrei að keyra hraðar en svo að maður nái að stöðva bifreiðina á þeirri vegalengd sem þú sérð og er auð framundan. Ef þessari viðmiðun væri fylgt þá myndi maður hreinlega hægja á sér eftir að maður lækkar ljósin og með því móti snarminnka líkur á að keyra á eitthvað.
Þó er það nú svo að ef maður ætlaði að vera svona skynsamur þá myndi maður allavega stundum skapa meiri hættu því það má strax búast við að bílar byrji að taka fram úr manni ef það er einhver umferð á annað borð.

En nú hljóma ég kanski þannig að ég lækki ljósin um leið og ég sé glitta í bíl á móti, hægi niður í 30km/h og byrji að blikka eins og vitleysingur stuttu síðar 😉
Það er alls ekki þannig.

Það er alveg prýðis góð viðmiðun að lækka ljósin þar sem ljósgeislarnir á bílunum mætast. En það sem ég vill koma frá mér er það að ef maður er ekki viss hvenær maður á að lækka ljósin þá er betra að gera það fyrr en of seint.

Og svona til að hafa þetta aðeins lengra…
Þá er það einnig mjög góður ávani að lækka ljósin sín í augnablik þegar maður er á leið upp t.d. háa blindhæð til að athuga hvort maður sjái glita í ljós á leið upp á móti. Og að sjálfsögðu ávallt að lækka ef maður sér að það er að koma farartæki.

Kveðja
Arnór

Sæll Izan
Ég man ekki nákvæma dagsetningu en þetta er tekið af netinu og er síðan 2004 og heitir því skemmtilega nafni: Reglugerð um gerð og búnað ökutækja 822/2004.
Linkurinn er meðfylgjandi en ekki rétt virkur. Bara copy/paste. http://www.us.is/id/1074
Kv
Siggi tæknó

það er nu ekki nóg að þessir hnakkar lækki ekki ljósin þegar maður mætir þeim eg a nu hægfara faratæki að hann leyfir nu bara ekki meira 80-90 km hraða i halku og bara þeirri færð sem er þegar maður er að þvælast a fjöll þa eru bilar að taka fram ur mer i tima og ótima og það er kannski 3 hver maður sem lækkar ljósin þegar hann er i fyrir aftan og fer fram ur og það er alveg jafn óþægilegt og hitt að minu mati allavega! en eg fór nu með mina agætu bifreið i skoðun seint a siðasti ári og fekk athugasemd uta það hvar kastaranir voru a bilnum því á willys er nu ekki breytt a milli aðalljósa og eg er með kastara eins utarlega a stuðaranum og eg get en þa villdi þessi lika agæti skoðunar maður að þeir væru a milli aðaljósana sem er nu ekki hægt vegna stærðar þeirra en sem er enn fyndnara er að það er park i þeim og hann vildi að eg setti breiddarljós a hann þvi kantarnir væru of langt fra aðalljósum og fór nu svo að eg breytti þvi að óskum skoðunar mannsins að eg keypti ljós með hau/lau parki og stefnuljósum og setti kastarana þar sem aðaljósin eru orginal og gat ekki seð að það stæði neitt um þetta i þessu sem þessir agætu men settu her inn

Ég gerði aðra tilraun til að lesa þetta og ég á í vandræðum með að flokka svuntukastarana á fólksbílnum mínum sem dæmi. Þau eru klárlega tengd stöðuljósum (án gaumljóss) en hafa ekki eins og svo mörg ljós af sambærilegum svuntu-toga "greinileg lágrétt birtumörk" eins og þokuljós samkv. skilgreingu [b:5o3msxn6]eiga[/b:5o3msxn6] að hafa. Ég prófaði þetta með að vera 3 metra frá vegg og hafa kveikt á lágu ljósunum og bæta svo svuntudraslinu við og ljósið frá svuntunni lýsti ofar á vegginn en aðalljósin, mjög ófullkomin athugun en gæti gefið hugmynd.
Fyrst svo er eru þetta þá ekki (samkv. skilgreiningu reglugerðar) ljóskastarar? Og gildir þá um notkun:
"í ófærð á vegum utan þéttbýlis þegar aðalljós koma að takmörkuðum notum vegna snjólags eða skafrennings".
Þó seljendur kalli þetta "þokuljós" er það ekki í ósamræmi við skilgreininguna í reglugerðinni? Það gæti skýrt hluta af misskilningnum? Því það virðast ekki vera neinar notkunarreglur (a.m.k. ekki í reglugerðinni…) um þokuljós.
Til dæmis stóru hringlóttu svuntuljósin á Impreza eru klárlega ekki með nein efri mörk á ljósgeislanum. Ljóskastarar eða þokuljós?

Ég sé það að þú ert fyrst núna að stauta þig í gegn um reglugerð um gerð og búnað ökutækja og er það vel. Hins vegar átt þú ekki að undrast það að sjá ekki notkunarreglur um þokiljós í reglugerðinni því eins og við hinir vitum (sem lásum umferðarlögin til að ná bílprófi á sínum tíma) þá eru notkunarreglurnar þar í 32. gr. 5. mgr.
"[Í þoku, þéttri úrkomu eða skafrenningi má nota þokuljós í stað eða ásamt lágum ljósgeisla. Hjálparljós má eigi nota til annars en þau eru ætluð.]"
Hins vegar er í málsgreininni þar á eftir akkúrat talað um það sem þessi þráður átti líklega að fjalla um í upphafi en þar segir:
"Ljós má eigi nota þannig að valdið geti öðrum vegfarendum glýju."

Með vinarkveðju Tryggvi minn,
Klemmi.

Þetta er ekki í fyrsta skipti sem klemmi "nappar" einhvern í tengslum við ljósabúnað.
Ég á eitthvað af gráu og vel elduðu silfri frá fyrri tíð með mynd af honum á.

No hard feelings er það nokkuð Stebbi?

Kveðja,
Klemmi ljósálfur.

Nei, ég var ekki hættur. Ég hef sjaldan séð eins hissa menn eins og þegar þú komst með þrumarann. Helvíti skemmtileg hugmynd.
Kveðja til gamla og gömlu,
Klemmi frændi.

En getur einhver komið með rök fyrir því að leyfa bara 2 kastara? Er maður ekki nákvæmlega jafn blindur af 2 kösturum eins og fjórum?

Og hver eru rökin fyrir því að banna manni að hafa kasatarana fyrir aftan ökumann?

Einn sem vill hafa rök fyrir lögum og reglum
kv
Rúnar.

Eftir því sem ég fékk útúr þessari reglugerð þegar ég lagðist í hana fyrir 2 árum þá er þetta mjög loðin skilgreining á milli [i:wkyzc34w]aukahá-ljós[/i:wkyzc34w] og utanvegakastara. Ég fæ ekki betur séð en að maður ráði því sjálfur í hvaða flokk þetta fer þegar maður tengir. Auka-háljós eiga að vera í sömu hæð og aðalljós og kvikna með háuljósum og svo eitthvað mumbo-jumbo ef það eru 2 pör. Og það eru ljósin sem verða að vera fyrir framan ökumann.
Man ekki að það hafi verið neitt um jeppakastarana sem n.b verða að vera með hlífar á í byggð sem segir að þeir verði að vera framar en ökumaður.
Svo viðist enginn gera athugasemd um hvort glerið er skorið eða óskorið í kastaranum.