Kærar þakkir til Bílabúðar Benna!!

F.h. allra þátttakenda í kvennaferðinni sem mættu á verkstæðisfundinn hjá Bílabúð Benna í fyrrakvöld, þriðjudagskvöld, viljum við þakka Benna kærlega fyrir alveg frábært kvöld! Að venju tóku Benni og félagar vel á móti okkur með kaffiveitingum og brilljant kennslu í ýmsum atriðum sem við konur þurfum að hafa á hreinu í fjallaferðum. Við hnýttum hnúta, komum dekkjum aftur á felgu, margtöppuðum í dekk og fræddumst um drullutjakkafestingar og margt, margt fleira. Mikill áhugi var hjá konunum og má vel vera að nokkrar kíki við hjá Benna og kaupi það sem á vantar til að gera bílana þeirra fjallafæra. Það verður eflaust tekið vel á móti þeim!

Kveðja,

Soffía og Agnes
undirbúningsnefnd kvennaferðar 4×4

p.s. myndir frá verkstæðisfundinum verða birtar í myndaalbúminu von bráðar.