This topic contains 54 replies, has 1 voice, and was last updated by 
-
Topic
-
Það hefur alveg gleymst að girða þarna af með gulum borða og steyputeinum?
Frábært annars af þeim AT-mönnum að fara að þarna uppeftir með Top-Gear menn til að gera einhverjar rósir.http://www.mbl.is/mm/frettir/innlent/2010/04/08/top_gear_ok_upp_a_heitt_hraun/
Má til með að senda þetta með líka:
http://www.baggalutur.is/frettir.php?id=4926Kv.
-
Replies
-
Það er þyngra en tárum taki að verið sé að gera stórmál úr því að breskir sjónvarpsmenn í samstarfi við AT skuli hafa farið með tvö hjól upp á hraunröndina (sem útilokað er að skilji eftir ummerki), meðan skammt frá ofarlega á Skógaheiði er að finna verulega ljót för eftir utanvegaakstur. Það ætti ekki að vera flókið að finna út hverjir voru þar á ferðinni þar sem þetta hefur gerst á fyrstu dögum gosins áður en frysti og meðan aðeins fréttamenn og jarðvísindamenn máttu fara um svæðið, en þarna eru klárlega ummerki sem koma til með að sjást lengi. Eltingaleikurinn er alltaf um eitthvað sem engu máli skiptir fyrir náttúruna en ekki um hin raunverulegu náttúruspjöll. Ekki að ég ætli að gera fólki upp einhverjar skrýtnar hvatir en maður kemst ekki hjá því að velta fyrir sér hvort aðal hvatinn sé örugglega umhyggja fyrir náttúrunni eða hvort þetta snúist bara um einhvern fjölmiðlaleik.
Kveðja – Skúli
Þennan pistil þinn Skúli, þarf auðvita að senda á Ust.
Það er náttúrulega ófyrirgefanlegt ef helv….. hraunið nær að kólna þarna. Ég geri ráð fyrir að "umhverfisráðherran" sjái um að svæðið verði lagað og fært í fyrra horf ! Síðasta vor fór ég uppá Hamragarðsheiði. Beinn og breiður vegur með bundnu slitlagi. Efst var gríðastór hola sem sést sjálfsagt utanúr geim. Svona Yaris færan veg vantar auðvitað að gosstöðvunum. Um síðustu páska gekk fólk í hundraðatali upp frá Básum inn að gosinu. Enda stórsér á gróðri undan göngufólkinu.
Samkvæmt myndum, teknar í Reykjavík um 1940, þá er búið að stórskemma risastór svæði á höfuðborgarlandinu.
Við erum heppin að hafa á valdastóli þvílíkan og annan eins "umhverfisráðherra" sem mun koma þessu öllu í samt lag aftur.e.s. á einhver teikningar af torfkofum ?
Það versta við svona umræðu og upphrópanir eins og í tenglsum við ferð tveggja AT dekkja upp í hraunkannt á vegum Top Gear er að þetta eyðileggur virðingu fyrir umræðu um utanvegaakstur sem vissulega er vandamál víða. Þar eiga jeppar, breyttir og óbreyttir, fjórhjól og mótorhjól sína sök hver. Einnig finnst mér umræða um hópferðir hestamanna um gróin svæði gleymast alveg hjá Umhverfisstofnun. Get varla ímyndað mér að þessi tvö dekk hafi skilið meiri ummerki eftir sig í hraunkantinum heldur en á malbikinu á þjóðvegi 1.
Í ljósi þess að lögreglan á Hvolsvelli á sjálfsagt að rannsaka þessa "glæpsamlegu" hegðun þá er spurning hvort þeir kæri ekki einnig sjálfa sig fyrir utanvegaakstur? Í sjónvarpsfréttum fyrir helgi var mynd af lögreglu Landcruiser við hnúfubakshræ í fjörunni einhvers staðar undir Eyjafjöllum, sá ekki betur en að það væru ljót för í sandfjörunni eftir lögregluna. Þó ég hafi skilning á að lögregla, sjúkralið, slökkvilið, björgunarsveitir og aðrir viðbragðsaðilar geti þurft að keyra utan vega við sérstakar aðstæður þá er mér frámunað að skilja hvaða almannahætta hafi verið af þessu hvalhræi sem var búið að liggja þarna frá gosbyrjun?
Þetta er náttúrulega skelfilegt að skilja eftir ljót för í fjörunni, hvenær skyldu þau nú eiginlega hverfa.
Mér sýnist ansi margir vera að missa sig í bulli, ekki bara okkar stórgávaði umhverfisráðherra, sem sjálfsagt hefur ekki komist lengra frá Reykjavík, en á Selfoss að heimsækja ömmu og afa.Kveðja frá Noregi,
þar sem allt er bannað.Heiðar
Gunnlaugur hittir akkúrat naglan á höfuðið, svona bull grefur undan virðingu fyrir umræðunni um raunverulegan utanvegaakstur sem skaðar náttúruna. Jón það er rétt að auðvitað ætti maður að senda myndir af förunum á Skógaheiðinni á Ust en maður hefur hreinlega ekki geð í sér til þess þegar bullið nær svona hæðum. Auk þess veit ég ekki betur en að lögregla og björgunarsveitir í umboði lögreglu séu margbúin að keyra framhjá þessum förum þannig að ef það er raunverulegur vilji til að taka á brotum hlýtur málið að vera komið í ferli.
Ég hef nú yfirleitt ekki verið talsmaður þess að utanvegaakstur sé réttlættur en þarna er vitleysan komin yfir mörkin. Þessi uppákoma er svipuð og ef einhver virðir ekki stöðvunarskyldu á gatnamótum um miðja nótt þegar enginn er á ferli, það er vissulega lögbrot í sjálfu sér, maður á að stöðva greinilega á stöðvunarskyldu hvort sem einhver umferð sé eða ekki (hvort sem brot valdi skaða eða ekki), en fjandakornið að dómsmálaráðherra færi að gefa yfirlýsingar um athæfið í fjölmiðlum.
Kv – Skúli
Bætti við kommenti um þetta hjá Páli Ásgeiri [url:3tdc7kwd]http://blog.eyjan.is/pallasgeir/2010/04/11/ad-frida-eda-stjorna/#comments[/url:3tdc7kwd]
kveðja Dagur
Bendi mönnum á að með því að tönglast sífellt á orðunum "akstur utanvega" þegar menn fjalla í raun "spjöll af völdum umferðar utanvega" þá er verið að hjálpa öflunum sem hata allt sem vélknúið er. Öflum sem nú virðast vaða uppi í samfélaginu.
Síðustu tíðindi, kærur og upphrópanir ráðamanna afhjúpa hvers konar ofstæki virðist ríkja gegn frjálsri og heilbrigðri ferðamennsku um landið. Auðvitað þurfum við að ganga vel um náttúruna, það þekkja fjallaferðamenn manna best og mun betur en þeir sem ekki ferðast. Það gildir um alla ferðamenn, bæði þá sem fullfrískir eru og á besta aldri og líka um mun fjölmennari hóp sem ekki getur notið víðerna landsins nema með aðstoð dýra eða vélknúinna tækja.
Lausn á vanda vegna spjalla af völdum umferðar utanvega felst í aðgerðum sem taka á raunverulegum vanda en ekki ofstæki og hálfgerðri móðursýki gegn ímynduðum vandamálum eins og til dæmis frægri sviðsetningu í hraunjaðri eða skemmdum af völdum umferðar á rennandi hrauni.
Framganga og ummæli undanfarna daga frá umhverfisstofnun og umhverfisráðherra eru þessum aðilum til mikilla vansa og sannfæra mig um að fyrir þeim vakir ekki eðlileg náttúruvernd heldur hatur og ofstæki gegn öllu sem vélknúið er. Gegn þessum öfgaöflum þurfum við að berjast af afli ef við viljum ekki missa ferðafrelsið endanlega.
Snorri
R16
Hárrétt hjá Snorra, ég játa mig sekan um að nota ekki rétt orðfæri. Í mínum huga er utanvegaakstur akstur sem veldur tjóni á náttúru, akstur sem ekki skilur eftir sig nein ummerki er ekki utanvegaakstur samkvæmt mínum skilningi, jafnvel þó hann sé utan merktra vega. Sömuleiðis vil ég líta á akstur sem eyðileggur vegslóða, t.d. að vori í mikilli aurbleytu sem veldur því að skurðir myndast sem vatn getur svo náð að stækka útfyrir vegi, sem "utanvegarakstur" þó á merktum vegslóða sé.
Slæmt að umræðan sé gengisfellt á þennan hátt. Minnir mig á fjölmiðlafárið í kringum gæsluþyrluna sem nappaði menn á vegslóða innan við Hagavatnsskálann fyrir nokkrum árum. Veit ekki betur en þeir menn hafi verið sýknaðir enda allur málatilbúnaður með einsdæmum. Eftir það mál misstu yfirvöld allan trúverðugleika hjá mér að minnsta kosti.
Má til með að senda ykkur þennan link á facebook
http://www.facebook.com/group.php?gid=109608302407404
Sæll Heiðar já það er slæmt ef fjaran verður eyðilögð áður en flæðir að, alveg eins og hraunið er nú eyðilagt áður en það náði að storkna!
Ég óttast að þróunin hér verði í sömu átt og hjá frændum okkar Norðmönnum þar sem allt er bannað nema það sem er sérstaklega leyft.
Ég bjó í 5 ár í Noregi og er mjög minnistætt mál sem þar kom upp. Sumarbústaðaeigandi nokkur sem átti Patrol og var með vegslóða í gegnum skóginn að bústaðnum leyfði sér einu sinna að keyra að vetri til eftir óruddum veginum. Lögreglan sá eftir hann förinn og kærði hann fyrir utanvegarakstur og krafðist þess að Patrolinn yrði gerður upptækur. Þeirra rök voru að þar sem vegurinn var óruddur einkavegur þá væri hann ósnortinn náttúra þó svo að undir snjónum lægi malarborinn vegur. Hefði hann haft snjóruðningstönn framan á bílnum hefði aksturinn væntanlega verið leyfilegur. Sem betur fer leyfði dómurinn heilbrigðri skynsemi að komast að og maðurinn var sýknaður.
Það sem ég hef heyrt af akstrinum á hrauninu í fjölmiðlun er að jeppa hafi verið ekið yfir nýja hraunið. Annað gæti svo sem hafa komið fram í fjölmiðlun þó svo að það hafi farið fram hjá mér. Hér á vefnum er sagt að einungis framdekkjunum hafi verið tillt upp á hraunið sem breytir líklega einhverju eða hvað. Veit ekki. Ef ég hefði ekki lesið um aksturinn hérna á vefnum þá myndi ég halda að aksturinn hefði verið mun yfirgripsmeiri. Sú mynd gæti blasið við fleirum sem ekki hanga hér á vefnum, jafnvel að ekið hafi verið yfir hraunið þvers og kruss. Það er möguleiki en allavega var aksturinn í óleyfi Almannavarna og Lögreglu og það hljómar illa. Það hefur skaðað að einhverju leyti brothætta ímynd jeppafólks eina ferðina enn. Ég hef tvisvar verið spurður að því í vikunni hvað mér finnst um það að aka á nýja hrauninu í þeim ásökunartón sem maður hefur svo sem heyrt áður og þurft stundum að svara fyrir gjörðir annarra fyrir það eitt að eiga jeppa. Samskipti og afstaða Umhverfisstofnunar í garð jeppamanna virðast vera stirð og eldfim og fara vernandi ef eitthvað er. Kannski hanga þeir hérna á vefnum og lesa póstana þar sem deilumálin við stofnunina eru stundum persónugerð við starfsmenn hennar á dónalegan og óbilgjarnan hátt. Mér finnst það orka tvímælis að réttlæta þennan akstur á hrauninu í ljósi kringumstæðna .
[quote:2f56g7kv]Það sem ég hef heyrt af akstrinum á hrauninu í fjölmiðlun er að jeppa hafi verið ekið yfir nýja hraunið.[/quote:2f56g7kv]
Ég var þarna og sá aksturinn með eigin augum. Þarna var ekki ekið yfir nýja hraunið heldur voru framhjól jeppans lögð upp í hraunbrúnina til að sviðssetja akstur á hrauninu og kveikingun í dekkjunum. Nokkrir björgunarsveitarmenn voru með í för auk þáttargerðarmanna og ekki varð annað séð en að staðið væri að þessu með yfirvegun og fagmennsku. Það var nú allur glæpurinn. Svandís þarf því ekki að óttast að nýja hraunið okkar verði ónýtt af þessum völdum.
Þetta verður alveg frábær landkynning fyrir okkur og stórkostlega jeppabreytingabransann okkar. Hann skilar nú hundruðum milljóna á ári hverju í þjóðarbúið. Athugið að þetta er ein stórskostlegasta nýsköpunin sem er í gangi og þurfti enga ríkisstyrki, bara framsýni góðra embættsimanna og ráðamanna löngu áður en VG urðu til. Spratt upp úr grasrótinni og bara virkar. Vandamálið er að jeppar eru drifnir af vél og af einhverjum óskiljanlegum ástæðum er eins og núverandi ráðamenn hafi óbeit á öllum vélknúnum ferðamáta (nema á millilandaþotum sem þeir nota mikið sjálfir og menga gífurlega mikið per farþega miðað við fjallajeppana okkar).
Snorri
R16
Þetta er nú komið út fyrir allann þjófabálk í vitleysunni.
Kv. MG
You must be logged in to reply to this topic.