Jökulheimar – Tungnaá – Jökull

Takk fyrir þetta!
Ætli sé ekki best að fara Köldukvíslarjökul niður í Vonarskarð.
Kv, bv

Köldukvíslarjökull er norðan Tungnaárjökuls.
bv

Ég fór að spyrjast fyrir um staðsetningu Maríufossa í Tungnaá og komst að því að þeir eru ekki til í örnefnaskrám Landmælinga Íslands. Landmælingar bentu mér á Örnefnastofnun, en fólk á þeim bæ hafði ekki heldur neinar heimildir um Maríufossa í Tungnaá.
Mér barst síðan í dag tölvupóstur frá Kristni Einarssyni hjá Vatnamælingum og þar kemur fram að fossar þessir eru á móts við Vatnaöldur, þannig að þeir eru á því sem Hlynur nefnir hér fyrir ofan. Ég læt textann frá Kristni fljóta með hér fyrir neðan.

ÓE

Vatnamælingar varðveita gögn frá síritandi vatnshæðarmæli Landsvirkjunar í Tungnaá nálægt Vatnaöldum, sem kenndur er við Maríufoss(a). Mælistaðurinn er um 50 m ofan við fossinn, hnit mælisins í Ísnet93 landskerfi eru X=498311 og Y=399184 og hæð yfir sjó 544 m. Í skrám Vatnamælinga Orkustofnunar er fossnafnið haft í fleirtölu, en Sigmundur Freysteinsson, verkfræðingur hjá Landsvirkjun, segir mér að það eigi að vera í eintölu. Sigmundur segir fossinn vera kenndan við Maríu Maack, en hún var í hópi þeirra sem fóru um þetta svæði um eða upp úr 1960. Ég hef hug á að fá frekari tíðindi af því, hvernig nafnið er til komið, og hvort það eigi að vera í eintölu eða fleirtölu.