This topic contains 13 replies, has 1 voice, and was last updated by 
-
Topic
-
Sælir félagar.
Í fyrramálið (uppúr kl. 07.30) verður spjall í morgunþætti RÚV, þar sem undirritaður og Ágúst Mogensen frá rannsóknarnefnd umferðarslysa hafa verið boðaðir til að taka þátt.
Umræðuefnið er hlutur jeppa í banaslysum í umferðinni. Það á ekki að þurfa að koma okkur á óvart að umræða um þetta mál sé hafin á nýjum vetvangi í kjölfar frétta af jeppum í þessu sambandi undanfarið.
Í stuttu máli mun ég koma mínum skoðunum og sjónarmiðum á framfæri á eins málefnalegan hátt og kostur er. Mér finnst í sjálfu sér eðlilegt að hlufall jeppa í alvarlegum umferðarslysum sé hátt í ljósi eftirfarandi staðreynda:
1) Jeppum hefur fjölgað gífurlega á síðustu árum og ef ég man rétt, þá var t.d. LC 90 mest seldi bíllinn á Íslandi árið 1999.
2) Jeppar eru almennt mikið eknir pr. ár, mun meira en meðalfólksbíl, þannig að áhættan er auðvitað meiri þess vegna. Það er ekkert fréttaefni þó dieseljeppi sé ekinn 30-50 þ. km. á ári, meðan meðalfólksbíll er ekinn 15-20 þ. km.
3) Fleiri og fleiri velja jeppa til að ferðast á úti á landi, þar sem þeir eru öruggari og þægilegri. Þeir sem þurfa mikið að vera á ferðinni, oft vegna erfiðra aðstæðna velja gjarnan jeppa.
4) Samfara því að vera öruggari fyrir þá sem eru innanborðs, er því miður verra fyrir þá sem eru á fólksbílum (sérstaklega þeim allra minnstu) að lenda í árekstri við jeppa.
Mér er ekki kunnugt um að nein könnun hafi farið fram á hlut breyttra jeppa sérstaklega í umferðarslysum og tel því að fullyrðingar um að þeir séu hættulegri í umferðinni byggist á fordómum. Eins og fram hefur komið hér á spjallinu má benda á ýmsa þætti varðandi aksturseiginleika og stöðugleika breyttra jeppa sem beinlínis auka aksturshæfni þeirra (hefur þó aldrei verið tekið út á heildstæðum grunni)
Gaman væri að fá komment á þessar grófu hugmyndir mínar, sérstaklega ef menn bregðast skjótt við og tjá sig, endilega ef þið lumið á góðum punktum, komið þeim þá á framfæri helst í kvöld, þannig að þei geti þá ratað í útvarp allra landsmanna í morgunsárið.
Ferðakveðja,
BÞV
-
Replies
-
Anonymous- Umræður: 0
- Svör: 16404
Sælir
ÉG heftekið eftir því að þegar menn eru að tala um þingdarhlutfall bíla í umferðinni þá fara menn að tala strax um BREYTTA jepppa, flestir breyttir jeppar eru ekki það mikið breyttir að þeir séu þyngri en óbreyttir, dekkin eru aðeins þyngri, kantarnir kanski einhverjum grömmum þyngri, ég meina það er ekkert til að tala um.
Svo annað, ef að fullbreyttur jeppi lendir í árekstri á móti fólksbíl, þá veit ég um dæmi þar sem jeppinn fór hreinlega yfir bílinn og ekki sakaði fólkið í þeim bíl, þannig að þessir umræða meðal almennings er eins og þú réttilega minnist á er einnig að mínu mati mestu leiti byggð á fordómum.
Kveðja, með von um hugarfarsbreytingu
Einnig hefur þessum mjög smáu bílum fjölgað gífurlega sem eru jafnframt til muna veikbyggðari en áður! Margir af þessum bílum fengju ekki að vera á götunni nema af því að það er búið að raða líknarbelgjum allt í kringum farþegarýmið, þetta þýðir að þeir bílar sem bjóða mestan öryggisbúnað eru um leið þeir sem eru efnisrýrastir. Svo er staðreynd einnig að í hvert skipti sem einhverjir bílar lenda í óhappi hversu alvarlegt sem það er þá þarf að kalla til tækjabíl slökkviliðssins til að klippa menn úr bílunum oft ómeiddum og þá skiptir ekki máli hvernig bílar lenda saman, sem segir manni nú ýmislegt varðandi styrk þeirra. Einu sinni heyrði ég að bílar sem væru bannaðir t.d. í Bandaríkjunum vegna þess að styrkur þeirra er svo lítill orðinn og byggingarlag þeirra þannig, væri hleypt óhindrað í umferðina hér.Á síðunni http://www.leoemm.com/ , í Umræðuhorninu, "Hve öruggir eru bílar?" er athyglisverð grein um þessi mál.
Kveðja Hjörtur og JAKINN. (Bifreiðasmíðameistari)
…að sjónarmið jeppaeigenda fái að heyrast í þessari oft einhliða umræðu. Ég held að hamra eigi sem mest á því sjónarmiði að jeppum hefur fjölgað gífurlega og þar af leiðandi hljóti hlutfall þeirra í slysum að fjölga. Einnig að leggja áherslu á að engar tölur eru til um hlutfall "breyttra" jeppa í slysum. Það eru til jeppar – og það eru til "jeppar"! Ég hef á tilfinningunni að þegar minnst er á jeppa í frásögnum fjölmiðla af umferðarslysum þá sjái hlustendur fyrir sér svokallaða "ofurjeppa", upphækkaða og á stórum dekkjum. Ég man ekki eftir því að það hafi verið tiltekið sérstaklega í þessum fréttum hvers konar jeppabifreið hafi átt í hlut – þ.e. hvort hún hafi verið "fjallafær".
Það þyrfti að gera hlutlausa úttekt á hlutfall breyttra jeppa í umferðarslysum og þá hinum alvarlegri slysum, enda þau sem hafa vakið upp þessa umræðu. Fyrr er ekki hægt að koma með neinar fullyrðingar.
Og hvað ef niðurstaða slíkrar könnunar er "neikvæð" fyrir jeppaeigendur – á þá að banna jeppa? Væri ekki nær að banna þessar smátíkur? Það er ljóst að maður er miklu öruggari í jeppa (keyri varla Reykjanesbrautina öðruvísi en á jeppanum), því ætti að fórna þessu öryggi?
Svo má einnig leggja áherslu á að jeppaeigendur útbúi bifreiðir sínar þannig í akstri á þjóðvegum að minni hætta stafi af, t.d. að vera ekki með stóran krók framan á eða þvíumlíkt.
Baráttukveðjur – gangi þér vel á morgun
Soffía
Anonymous- Umræður: 0
- Svör: 16404
Það er eitt sem þarf að koma fram í þessari umræðu, það þarf ekki breytta jeppa til að valda tjóni á fólksbíl.
Fólksbíll er til að mynda byggður þannig að mesti styrkur er framan og aftan á bílnum, þ.e. beint framan/aftan á bílinn á stuðarann, stuðarabitann og grindarbitann þar innan við.
Nú sé ég það í starfi mínu sem bifvélavirki að stuðari á jeppling er það hár að hann lendir í flestum tilfellum fyrir ofan stuðara á fólksbíl og brýtur þar ljós og beyglar húdd og f.l. dót sem enginn styrkur er í, því það eru engir bitar til að taka við högginu.
Lítill fólksbíll getur hæglega keyrt undir jeppling eins og háann breyttan jeppa.
Ég er sammála BVÞ í því sem að hann telur upp hér í upphafi og tel að það þurfi að skoða og taka tillit til fjölgunar jeppa og jepplinga síðustu árin, og einnig notkunar mynstrið á þeim.
Því að ég er alveg viss um það, að þeir sem að keyra mjög mikið velja bíla sem fara vel með þá, sjá vel út úr þeim og eru öruggir, þar koma jeppar breyttir/óbreyttir og jepplingar sterkir inn.Með baráttukveðju og ósk um gott gengi.
Jón
Sælir félagar og takk fyrir þessi jákvæðu viðbrögð.
Er farinn á lakið til að sofa nú ekki yfir mig í morgunnþáttinn…
Gaman væri svo að fá viðbrögð frá þeim sem hafa tök á að fylgjast með umræðunni.
Ferðakveðja,
BÞV
Anonymous- Umræður: 0
- Svör: 16404
Sá ekki þráðin fyrr en núna í morgun. Hvernig fór umræðan?
Vaknaði við hina undufögru rödd formanns okkar í morgun..:)
Verð að segja að þetta var verulega málefnaleg umræða, og var ég sérstaklega ánægður með hlutlausa afstöðu formanns rannskóknarnefdar umferðaslysa. Einhverja hluta vegna bjóst ég síður við því, en verð víst að éta það ofaní mig aftur.
Þar var einfaldlega sagt að vegna smægðar okkar væru tölur þeirra einfaldlega varla marktækar.
Ekki hefur farið fram nein sérstök skoðun á hlutfalli BREYTTRA jeppa í slysum.
Samkvæmt verulega ófaglegri talningu formanns nefndarinnar í nýlegum bíltúr út á land, voru ca 40% af ökutækjunum á vegunum jeppar!
Von er á skýrslu um mitt ár, á úttekt á árekstrum (væntanlega fyrir síðasta ár). Formaður rannskóknarnefdarinnar taldi hana verða mun marktækari en skýrslu um banaslys ársins.
Þá kom fram mikill vilji hjá nefndinni að skoða þessi mál í fullu samstarfi við klúbbinn, á faglegum grunni.
BÞV kom líka mjög vel og málefnalega fyrir (þó hann sé ennþá að rugla saman hliðarhallaþoli og stöðugleika…:)
Kveðja
R2018
Flott hjá þér Björn Þorri einsog ég átti reyndar von á.Ég vissi reyndar ekki á hvaða rás þið yrðuð svo það var einn hættulegur 38? bíll í umferðinni í morgun,þar sem ég ók Miklubrautina stanslaust skiptandi um rásir á útvarpinu þar til ég fann ykkur.
Maður fer reyndar alltaf á taugum þegar þessi umræða er í gangi og á von á hinu versta. En manni varð einhvernvegin rórra eftir þessa umræðu. Þarna voru ekki á ferðinni neinir sleggju dómar eða vitleysa.
Flott-Flott-Flott…
Ég verð nú að játa eins og þeir Rúnar og Jón hér fyrir ofan! Alltaf setur maður sig í stellingar og fer í vörn þegar maður heyrir minnnst á STÓRA JEPPA og hættuna þeim fylgjandi, en þetta fór mjög vel fram í morgun og málefnalega. Ef menn halda umræðunni áfram á þessum nótum endar það örugglega skynsamlega.
Því segi ég þetta var mjög gott hjá okkar manni Birni Þorra Vigfússyni og einnig Rögnvaldi Jónssyni.
Kveðja Hjörtur og JAKINN.
Sælir félagar.
Í sambandi við árekstur fólksbíla og jeppa má einnig benda á flutningabíla og rútur í umferðinni.
Hraði þessara bíla er oft meiri en jeppa, auk þess sem þeir taka mun meira pláss á vegunum, þannig að þeir eru ekki síður hættulegir en jeppar. Einnig hefur fjöldi þessara bíla aukist til muna eftir að flutningar með skipum lögðust af.Kveðjur
Óli Óla
Anonymous- Umræður: 0
- Svör: 16404
Ég er bara nokkuð sáttur við þáttinn/viðtalið síðan í morgun. Þetta var sem betur fer á rólegu nótunum og engir sleggjudómar frá formanni rannsóknarnefndarinnar.
Það lofar góðu að fá vilyrði fyrir samstarfi við rannsóknarnefndina og því held ég að jeppamenn geti andað með nefinu enn um sinn.
Kveðja Jón
Sælir félagar og takk fyrir góð viðbrögð.
Um leið og ég vil þakka þeim sem lýst hafa skoðun sinni á frammistöðu undirritaðs í spjallþættinum í morgun, bæði hér á spjallinu og í fjölmörgum símtölum í dag (menn hafa jafnvel talað um að notalegt sé að vakna upp við rödd mina…(",), langar mig að vekja athygli á fróðlegum pistli á http://www.leoemm.com, undir liðnum "umræðuhornið" og kallast hann "hve öruggir eru bílar".
Þarna veltir Leó upp ýmsum forvitnilegum staðreyndum um öryggismál bifreiða í nútíð og fortíð og sumar þeirra gætu átt þátt í að skýra "strúktúrinn" í alvarlegum slysum á Íslandi í dag.
Gætum þess að halda allri þessari umræðu á málefnalegum nótum og auðvitað þurfum við jeppafólk að stuðla að auknu öryggi í umferðinni eins og allir aðrir.
Með ferðakveðju,
BÞV
Í þessari grein er fjallað um öryggi jeppa hjá andfætlingum. Þó þarna sé verið að fjalla um óbreytta jeppa ætti sama að eiga, jafnel enn frekar, við um breytta jeppa:
http://www.ltsa.govt.nz/vehicle_safety/ … r/4wd.html
You must be logged in to reply to this topic.