Jeppar eru umhverfisvaenni en Toyota Prius :)

Ég hef aldrei skilið þetta bull með að rukka meira fyrir bíla með stærri vél. (t.d. tollar á bíla með vél stærri en 2.0 lítra)

sérstaklega ekki eftir að ég skipti um vél í bílnum hjá mér úr 2.4 túrbódísel yfir í 4.0 túrbódísel, og eyðslan fór úr 16 á hundraðið niður í 10.

það er enginn sparnaður fenginn með því að vera með litla og pínda vél, hún eyðir bara meiru í ekkert.

svo er kostulegt að hugsa til þess að það séu svo mikil eiturefni í Prius að hann sé óumhverfisvænni en amerísk átta gata sleggja! hvar ætla menn að hafa fókusinn á umhverfisvernd eiginlega?

Ég held að megininntakið sér:
.
,,Ef reiknuð er út orkunotkun bíla og kolefnislosun frá því þeir eru keyptir og þar til þeir eru settir í brotajárn til endurvinnslu hafa stóru bensínbílarnir vinninginn."
.
Þetta er ekki í fyrsta skipti sem þetta kemur fram og í annari könnun (nema þetta sé gömul könnun sem fyrst nú er að ná eyrum manna) var talað um að Hummer væri umhverfisvænni en Prius.
.
JHG

Þeir reyndar miða líka við Range Rover sem er nú ekkert léttmeti.
.
En í greininni sem ég las fyrir allnokkru sem var um það sama þá var gerður samanburður á Hummer og Prius. Það þurfti mun meiri orku til að framleiða Prius, áætluð ending Prius er 100.000 mílur en 300.000 mílur hjá Hummer. Svo voru einhverjir fleiri þættir teknir til þegar orkuþörfin var reiknuð.
.
Að auki var bent á að þörf fyrir rafgeyma fyrir Priusin skapaði líka aukna mengun (og var vísað til Nikkelnáma í Kanada og súrs regns).
.
Ég veit ekki hvort þessar kannanir séu sanngjarnar en opnar kannski augu manna að horfa ekki bara á það sem kemur útum púströrið þegar mengun er annars vegar.
.
JHG

Þá er þessi með þeim umhverfisvænasti bara með v8 5,7 Hemi um 330 hp og tog 528 Nm

[img:1p7778qr]http://www.wjjeeps.com/engine/5_7hemi_wrangler_01.jpg[/img:1p7778qr]

kv,,, MHN

Í aðferðinni tilgangurinn týnist. Það er oft mikill sannleikur í þessu. Umhverfisverndun er eiginlega svo flókin að maður lendir alltaf í stöðugum þversögnum. Rakarðu þig með rafmagnsrakvél eða spararu orku með því að nota sköfu? Rafmagnsrakvélin eyðir orku en með sköfunni notar þú sápu sem mengar umhverfið og veldur kannski í raun meiri skaða. Ef gömlum og endingargóðum bíl er lagt vegna þess að hann mengar svo mikið þýðir það að annar nýr þarf að taka við af honum og hversu sparneytinn sem nýji bíllinn er þá hefur framleiðsla á honum í för með sér margvíslega mengun og orkunotkun sem getur verið mun meiri en það sem gamla greyið hefði látið frá sér næstu árin. Umhverfismengun er ekki hvað minnst vegna sóunar og einnota drasls sem er framleitt og notað í massavís. Þannig eru gamlir bílar sem endast lengi í sjálfu sér umhverfisvænir, þó svo það komi kannski meiri mengun út um pústurrörið heldur nýrri (og hugsanlega endingarminni) bílum.
En er þetta nokkuð vandamál, bara pota niður nokkrum trjám og allt verður í himna lagi!!!
Kv – Skúli

Sumsé; bifreiðarnar í hlaðinu á Reyrengi 35 eru bara umhverfisvænar par excellance eftir allt saman. Góðar fréttir það, enda í fáum bílum fallegra hljóð en Patrolnum hans Óskars. Ég var að segja einum vini mínum þessar fréttir, en hann á Jeep Cherokee með V8 4,7 lítra, sem er kraftmikil og líklega alls ekki eyðslusöm að öllu skoðuðu. Sá varð harla glaður við og ekki að undra. Kannski ég hendi bara gamla Lancernum mínum og fái mér draumabílinn minn, Jeep Wrangler Unlimited Rubicon!

Þessir reikningar eru út í loftið. Það er t.d. ekki tekið fram hvort um er að ræða Hummer 1,2 eða 3 og þeir gefa sér að meðalending jeppanna sé þreföld á við fólksbílinn.
Ég er sammála því að þurfi að taka tillit til fleiri þátta en bara eldsneytis eyðslu ef menn ætla að meta áhrif bílavals á umhverfið, en að gefa sér að Hummer (eða wrangler) séu að jafnaði eknir þrefalt meira en bílar sem eyða minna eldsneyti en einfaldlega út hött.

-Einar

sælir
Þetta eru skemmtilegar pælingar en ég held að ég verði að vera sammála EIK um að þetta er nú hálf hæpnar forsendur eins og þær eru settar fram þarna.
Jeppar eru yfirleitt keyrðir mun meira yfir sama tímabil og fólksbíll og því ekki hægt að miða endingartíma bifreiðar við akstursvegalengd.
Svo er það nú deginum ljósara að þetta er keypt rannsókn af bandarískum bílaframleiðendum …
kv
Agnar

kanarnir eru ekki þeir einu sem hafa komist að þessari niðurstöðu með rannsóknum.
áður í sumar komu fram niðurstöður frá rannsóknum sem gerðar voru af virtum bílaspegulöntum í evrópu, þar sem kom fram að 500 hestafla v8 vél frá BMW væri umhverfisvænni en toyota hybrit vél úr príus.
það hefur alla tíð verið þekkt að rafgeymar eru mestu mengunarvaldar. þungmálmar og brennisteinssýra sem brotnar hægt niður í umhverfinu og valda skelfilegum genagöllum og örkumlu á fólki. í kanada eru stór landsvæði sem eru jafn illa farin af mengun frá rafgeymaverksmiðjum eins og finna má í fyrrum sovétríkjum eftir kjarnorkutilraunir.
ímyndið ykkur hvernig ástandið verður eftir 10 ár þegar koma þarf fyrir kattarnef milljónum stórra og baneitraðra rafgeyma úr príus og engin endurvinnsluúrræði til. þetta verður grafið eða sökkt í sjó við hliðina á gömlum kjarnorkuúrgangi.

Vélin komin úr pattanum, kannski maður ætti að lækka hann og …..

[img:19w4fd33]http://www.pipeline.com/~bkyaffe/altfuel/image/fnwincar.jpg[/img:19w4fd33]