This topic contains 7 replies, has 1 voice, and was last updated by 
-
Topic
-
AnonymousMér var um daginn bent á að til væri allveg mögnuð bók um jeppa og jeppamennsku sem heitir „Jeppar á fjöllum“ og var víst gefin út 1994. Veit einhver hvar væri hægt að fá þessa bók og þá kannski smá komment um hvort þetta sé góð lesning???
-
Replies
-
Fékk mína hjá Benna (Bílabúð Benna) fyrir nokkrum árum.
-haffi
Sælir.
Bókin var til í Mál og Menningu fyrir jól. Mér fannst allavega fróðlegt að lesa hana.
Nonni
R-2495
Sælir.
Tek heilshugar undir það að þetta er góð bók og hefur elst vel. Hún er vönduð og vel unnin og efnistökin almennt góð. Því miður finnst mér vanta aðeins uppá það í nýju bókinni okkar Farið í hjólfar Ferðaklúbbsins 4×4 í 20 ár, en því miður hef ég rekist þar á talsvert af stafsetningar-, innsláttar og staðreyndavillum. Bókin annars skemmtileg og með miklu af skemmtilegum myndum, en ég játa að þetta hefur pirrað mig aðeins.
Ferðakveðja,
BÞV
Anonymous- Umræður: 0
- Svör: 16404
Sælir félagar
Já bókin Jeppar á fjöllum er að mínu áliti næstum skyldueign, það má endalaust glugga í hana í leit að fróðleik svipað og með Ekið um óbyggðir.
Ég hef í gegnum tíðina keypt allar þessar jeppabækur og er gaman að fletta þeim við og við þegar ferðahugur grípur mann í sófanum en ég verð að játa að þær væntingar sem ég gerði til 20 ára afmælisbókarinar okkar féllu illa.
Eins og Björn Þorri segir þá eru þarna mikið af villum og eru sumar alveg hræðilega, í mínum augum eru það ekkert annað en léleg vinnubrögð að láta svona frá sér, þetta er nefnilega ekki einhver pési sem verður hent eftir einn lestur heldur fer þessi bók í bókahilluna með öðrum jeppabókum en því miður kemst ekki á háan stall.
Vissulega er mikið að fínum upplýsingum og mikið af stórkostlegum myndum en mér finnst samt verið að hilla mörgum þarna óþarflega mikið án þess að myndefnið gefi tilefni til.Ég veit að ég talaði einhvern tímann við starfmann í sambandi við útgáfuna og hvatti hann mig að senda mynd af bílnum og þá helst með eigendum líka því það ætti að setja inn myndir af félögum ásamt bílunum og kannski smá lýsingu á þeim en það fór lítið fyrir því, maður hélt að með því að aðstoða við fjármögnun á þessari bók með fyrirfram greiðslu þá kæmi eitthvað bitastæðara útúr því.
Ég veit um menn sem hafa hætt við að kaupa bókina eftir að hafa flett henni því að þeim finnst þetta dýr myndabók.Kv.
Dóri Sveins
R-2608
Tek að mörgu leyti undir með það sem sagt hefur verið um Farið, sumar myndirnar eru skemmtilegar en alls ekki ljóst með alltof margar myndir hvaða erindi þær eiga á prent í svona bók. Fyrir nú utan óvandaðan prófarkalestur. Hinsvegar finnst mér bókin hans Ofsa alveg ágæt. Helst vildi ég fá síðurnar í henni plastaðar, svo þær þoli betur það hnjask, sem bókin verður fyrir ef maður notar hana eins og manni finnst maður þurfa, þ.e. hafa hana í bílum á ferðalögum og þá er maður ekki alltaf þurr og hreinn á fingrunum!
Jeppar á fjöllum var gefin út af Ormstungu 1994 að mig minnir. Eftir því sem ég best veit þá er hún uppseld hjá forlaginu og ófáanleg í bókabúðum. Þó er um að gera að spyrjast fyrir um þetta ef menn kíkja í bókabúð.
Hjalti
Anonymous- Umræður: 0
- Svör: 16404
Sælir aftur
Gott að vita að þetta er bók sem menn mæla með.
Ég er búinn að grafa upp upplýsingar um bókina og komst að því að hún var gefin út af Ormstungu en bókin er uppseld hjá útgefanda og öllum bókabúðum sem ég hef athugað hjá. Ég fékk þær upplýsingar hjá útgáfunni að það sé þónokkuð spurt um þessa bók og menn þar hafi velt því fyrir sér hvort ætti að endurútgefa hana en það er nú víst talsvert mál þar sem það þarf að yfir fara og endurnýja ýmsa hluti í bókinni t.d. eins og lagaákvæði.
DóriSvein segir að þetta sé "skyldueign" og ég veit að fleiri eru sammála honum.
Er ekki bara málið að jeppamenn taki sig saman og setji smá pressu á útgáfuna svo þeir komi þessari vinnu í gang og við fáum endurbætta útgáfu fyrir næstu jól?Kv O’sceary
You must be logged in to reply to this topic.