This topic contains 12 replies, has 1 voice, and was last updated by 
-
Topic
-
Sæl veriði.
Stutt saga enn styttri: Vantar traustan fjölskyldujeppa til að eiga næstu árin, 31″ – 33″. Þekki patrol vel og langar í slíkan en er líka nokkuð volgur fyrir Pajero. Þekki hinsvegar ekkert inná klafasystemið í honum, hef átt nokkra jeppa en alltaf á hásingu og hef aðkenning af klafafóbíu.. Eru klafarnir eitthvað til að setja fyrir sig, nú eða þá eitthvað annað í fari Pajero? Eitt enn, er Explorer til með dieselvél?
Kveðja, Hjölli.
-
Replies
-
Sæll..
Þar sem að þú ert að tala um að vera á bíl sem er bara á 31" – 33" dekkjum myndi ég ekki hika við að fá mér bíl á klöfum. Þeir eru mun liprari og með betri aksturseiginleika heldur en hásingabíll.
Ég er vissulega á 38" klafabíl og hef líka verið á 38" og 44" hásingabílum. En reyndar stefni ég að því að setja hásingu undir þennan klafabíl hjá mér. Þó svo að það verði ekki af því alveg strax. Ástæðan fyrir því að ég ætla að setja hásingu í stað þess að vera áfram með klafabúnaðinn er til að fá stærra drif í hann að framan og líka til að geta haft fjöðrunina eins og ég vil.
Ég verð að segja fyrir mitt leiti að það er margt sniðugt sem ég sé við klafabúnaðinn eins og er í Pajero (þeim sem eru á því að framan og aftan) Ég hef ekki skoðað hann neitt með tilliti til styrks eða þannig.
En svona búnaður rétt smíðaður með stórum drifum er sennilega eitt það besta sem hægt er að hafa í þessum jeppum okkar hér heima þar sem að drifkúlan er mun hærra staðsett en á hásingabíl með jafnstór hjól.
En semsagt, þetta eru bara mínar pælingar.
Í sambandi við Explorer að þá hef ég rekist á einn svoleiðis hérna heima. Hef reyndar ekki hugmynd um þann bíl nema hvað að ég heyrði að það var í honum grútarbrennari. Ætti að vera hægt að finna upplýsingar um það á netinu.
Kveðja
Siggi
Sælir,
Það er ekkert að óttast varðandi klafabúnaðinn á þessum bílum. Ég er búinn að keyra minn á 44" dekkjum síðustu 25.000 km án þess að lenda í nokkrum einustu vandræðum eða bilunum. Ég veit ekki til þess að 38" bílarnir hafi verið að lenda í nokkru veseni með klafa heldur.
Þannig að 33" er klárlega í fínu lagi – Enda kunningi minn á svona bíl á 33" og búinn að aka yfir 130.000 km og aldrei þurft að laga neitt í bílnum nema áttavitann í mælaborðinu.
Það eina sem hefur komið upp hjá mér síðan ég eignaðist bílinn er að skipta þurfti um efri spyrnur í klöfum að aftan til að hægt væri að hjólastilla bílinn. Þetta er galli í þessum bíl að þessar spyrnur festast alltaf og þarf því að brenna þær burtu þegar kemur að því að hjólastilla að aftan. Þessu er hægt að komast hjá með því að smyrja með góðri feiti þegar bíllinn er nýr…. Óskiljanlegur framleiðslufeill.
Annað sem ég gerði var að skipta um eina fóðringu um leið og þetta var gert þar sem hún var slitin og marraði aðeins í henni.
Bíllin ber 44" dekk léttilega og ég tel að drifin séu alveg nógu stór fyrir slík dekk 7,75" að framan og 9" að aftan – Ég veit allavega ekki um nein brotin drif á svona bílum.
Að öðru leiti hafa bilanir ekki verið að hrjá mig að neinu ráði og ekkert sem ég veit til að sé algengt að fari í þessum bílum.
Þetta er bara tóm hamingja – fullt af afli, drífur helling og skemmtilega hátt undir bílinn – alltaf gaman að heyra hásingakallana skrækja þegar þeir rekast á grjótin í förunum eftir mig
Benni
Sæl sama gildir um eldri bílana, þ.e 2,8 dísil og 3,5 bensín að þeir eru á hraustum drifum. Er á ’99 bíl á 38", tóm hamingja nema hvað þurft að skipta um stýrisupphengju og framlegurnar voru hertar upp einu sinni.
Sjáfskiptingin plús millikassi með vali á afturdrifi, fjórhjóla með opnu eða lokuðu misnunadrifi í millikassa auk lágadrifs og siðan raflæsingu að aftan er tær snilld.
Kom mér skemmtilega á óvart. Vissi að Pajeroinn væri þægilegt sófasett, en að undirvanginn væri hraustur undir 2,8 og 3,5 vissi ég ekki fyrir.
mbk.
l.
Það að geta haft bílinn með ólæstann millikassa er stök snilld. Það er hægt að keyra á veturnar eins og þeir eru núna án þess að vera stöðugt að hræra í stönginni á milli aftur og fjórhjóladrifs. Svo kemur það fyrir að þetta nýtist vel utanvega td. þegar er ekið í förum í hliðarhalla. Bíllinn spólar sig síður útúr förunum. Svo ekki sé minnst á allar Þórsmerkurferðirnar, þruma inneftir með grip fjórhjóladrifsins án þess að nokkur þvingun sé í drifrásini.
Já, ég er nokkuð spenntur, tók í svona bíl og hafði gaman af. Hvernig koma dieselvélarnar út, eru óeðlileg afföll af heddum eða bara eins og við er að búast með álhedd, passa vatnslás, vatnskassa, skipta um heddpakkningu í tíma o.s.frv?
Það er laukrétt sem fram kom hér að framan, að drifin í Pajero eru alveg ágætlega sterk og ekki mikið um að þau fari. En klafabúnaðurinn í Pajero er gallaður, eins og reyndar kom hér fram að ofan. Í eldri bílunum, 1997 og eldri, eru klafarnir mun betri en í 1998-1999. Ég þekki reyndar ekki til þessara nýrri, grindarlausu bíla með klafa að aftan líka. Einn stærsti gallinn við Pajero finnst mér – ég er búinn að eiga þrjá – hvað yfirbyggingin er eitthvað leiðinlega hönnuð. Það hvín í hurðum í vindi, þeim hættir til að skrölta eins og gömlum amerískum jálkum, en ég tek undir með þeim sem hrósa í þeim millikassanum. Þeir á Nýbýlaveginum eru alltaf tilbúnir með sögu af ónýtum gírkössum, en ég er búinn að aka þessum bílum nokkur hundruð þúsund kílómetra og gírkassarnir hafa ekki bilað og ég er ekki hræddur við vélarnar, þær eru vel smíðaðar og hannaðar, tímakeðja, tannhjóladrifin stýrisdæla o.s.frv. Sem sagt, margir kostir, ýmsir gallar, eins og allir bílar.
Ekki spurning Þórir – Hvar og hvenær er stofnfundur….
En Guðbrandur – Af hverju segirðu að það sé eitthvað verri búnaður undir 98 – 99 bílnum að framan en þeim eldri ? Ég er búinn að eiga 4 pajeró og elstan 94 – ég man ekki eftir neinum stórum mun þarna á, en verð þó að viðurkenna að ég stúderaði eldri bílinn lítið – hann var bara keyrður – ca 50þ km – bilaði aldrei og var svo settur upp í nýrra módel.
Glamur og skrölt – það held ég að hljóti að fara eftir viðhaldi og meðferð eins og í öðrum bílum – það hefur aldrei skrölt í neinum af þeim Pæjum sem ég hef átt – en einn þeirra, sá elsti var kominn með gikt í afturhlerann og í honum marraði mjög leiðinlega við vissar aðstæður.
Nýji bíllinn er svo með allt annan búnað undir sér en sá eldri – enda um sjálfstæða gormafjöðrun að ræða þar og ekkert sambærilegt við vindustangirnar í þeim eldri. Grindarlaus segirðu – það held ég nú varla – grindin er mjög öflug þó svo að hún sé sambyggð boddýinu – en sjálfstæð er hún ekki ef það var það sem þú áttir við.
En aftur að Klafaklúbbnum – Þórir – eigum við að heimila inngöngu þeirra sem eru með rör að aftan ? Eða geta þeir bara fengið reynsluaðild þar til þeir afnema vitleysuna að aftan og setja klafa þar ? Svo er það Hlynur Snæland, gerum hann að sjálfsögðu að heiðursfélaga í klafaklúbbnum – af því að ég veit hann langar svo……
Við verðum að ákveða stofnfund… Ég skal skaffa koníakið….
Benni
Fann ’96 2,8 bíl, ekinn 190.000 sem fæst fyrir 700.000 vegna endurskoðunar á pústi og bremsum. Er nokkuð heitur, geri við allt sjálfur og yrði ekki lengi að skipta um bremsur.. Hvað segiði, góður díll?
Hjölli.
Sælir snillingar. Var að finna gamla mynd úr bílablaði Moggans (ekki sá sem við þekkjum hér af spjallinu) þar sem sýnd er mynd af nýjasta gripnum.
Er bara ekki klár á hvernig á að setja inn myndir á spjallið hér.Haffi H-1811
Sæll vertu Benedikt Magnússon
Þetta með mismuninn á klöfunum að framan kom nú í ljós hjá mér í síðasta Pajero sem ég átti. Það myndast slit (í öllum bílum vel að merkja) í augunum sem ásinn liggur í gegnum um að innanverðu. Í þessum augum voru fóðringar í eldri bílunum, sem hægt var að skipta um. Í hluta af "98 árgerð og öllum "99 voru öðruvísi klafar og varð að skipta um allan klafann þegar kom í þetta slit. Það er náttúrulega afleitt og afspyrnu dýrt í viðhaldi. Mínir viðhaldsmenn settu eldri gerð af klöfum í bílinn minn með skiptanlegum fóðringum. Það virkaði ágætlega. Skröltið og lélegt viðhald, tja, við sem notum jeppa sem jeppa, ökum náttúrulega á misjöfnum vegum og stundum er talsverður hristingur og þá fer bara ýmislegt að losna, sérstaklega ef það er eitthvað veikt fyrir. Þú nefnir einn veikan hlekk, sem er afturhurðin. Ég held hún fari að skrölta og tísta mjög fljótlega í öllum þessum bílum. Þáttur í því er náttúrulega varadekkið, sem eykur álagið á draslið allt. En ég sný ekki tilbaka með að það er margt andskoti gott í þessum bílum, bæði vélin og millikassinn, sem ég gat um fyrr, og svo náttúrulega fjöðrunin, sem er hvað sem hver segir afspyrnu góð. Stillanlegu dempararnir virka vel og endast vel ef maður notar þá rétt. Gormafjöðrunin að aftan er mjög hæfilega slaglöng og þjál og snerilfjöðrunin að framan virkar alveg ágætlega. Maður finnur hvað þetta er fjandi góður búnaður þegar maður fer að aka á bíl sem minna er borið í (er núna á KIA Sorento). En það er nú búið að fara svo oft í þessa "innbyggðu" grind í nýja Pajero, nú og vel að merkja í Lada Sport, Cherokee og fleiri bílum, að maður nennir ekki að fara í það mál aftur. Þetta er bara annað byggingarlag og önnur tækni.
kv. gþg
Sælir jeppakarlar og konur eg er með Montero 2004
sem mig langar til að setja á 38". Hvað er
það mikið mál. Hvað er best.!!!!
Hvað er ódýrast að gera.
Hver getur gert þetta fyrir sanngjarnan pening!!!
Þórir minn, ég hef nú heyrt af sjálfskiptingarvandræðum í fleiri bílum 😉 verður ekki að fresta stofnfundi klafafélagsins þangað til þú kemst á fund?
Mundu bara Patrol er og verður bestur….
You must be logged in to reply to this topic.