Jeppadólgar spæna upp Rauðasand

Hvernig er það, er einhver gróður þarna. Verð nú að viðurkenna það að hafa ekki komið þangað.

En ef þetta er bara sandur hverfa förin þá ekki eftir næsta flóð……??

Það er eitt að spæna upp gróður og annað að gera för í sand og snjó, eitthvað sem hverfur fljótlega…..!!

Ég þekki þetta ekki heldur, en skldist af greininni að þetta sé sandur, en þó ekki bara um fjöruna að ræða heldur "milli fjalls og fjöru" eins og það er orðað í greininni. För i sandi hverfa en ef þetta er svona stöðug traffík eins og maðurinn vill meina eru þau væntanlega viðvarandi. Kannski er þetta bara "pirraður" landeigandi, en þó virðist hann vera ekki síst pirraðaur á framkomu og yfirgang einhverra.

Væri fróðlegt ef einhver þekkir til þessa máls! Það er reynsla mín að hæpið sé að mynda sér skoðun á svona málum út frá einni frétt í DV, en það breytir því ekki að þetta er slæmt fyrir ímynd jeppamanna.

Kv – Skúli

Ég viðraði þá hugmynd fyrr í vetur að þegar færi að vora og sumarið gengi í garð myndi klúbburinn láta útbúa myndband sem sýnt yrði í sjónvarpi og í því myndbandi yrði farið í gegnum hvað utanvega akstur væri alvarlegur og hvar mætti keyra og hvar ekki, farið yrði jafnvel í akstur yfir ár og annað slíkt.

Með þessu myndum við sýna að klúbburinn væri að reyna eftir öllum mætti að vara við utanvegaakstri.
þetta myndband þyrfti ekki að vera langt heldur stutt og hnitmiðað og sjálfsagt ekki mikið mál að fá fyrirtæki hér í bænum til samstarfs við okkur.
Með þessu sýndum við almenningi og öðrum að 4×4 klúbburinn væri í forvarnarátaki við akstri sem þessum.

Kveðja
Lúther R-1175

Kjartan Gunsteinsson Formaður Ferðaklúbbsins 4×4 er heimamaður þarna fyrir vestan, hvað segir hann um málið.
En annars hvar er stjórn hagsmunasamtaka jeppamanna ????????????????????????????????????????????????
Í dag var ráðist að jeppamönnum bæði í DV og Mogganum.
Hvað á þetta að ganga langt. Eigum við að hopa í sjóinn áður er við svörum fyrir okkur. Maður fer að hætta að lesa blöð og hlusta á útvarp til þess að halda sönsum. Við verðum kannski að taka við Fréttablaðinu og DV þegar Baugur verður að selja. Þá erum við búinn að leysa áhyggjur stjórnarinnar af vaxandi bankareikningum 4×4.

PS Hvað er að gerast, halda allir að við höfum samið Fjölmiðlafrumvarpið með Dabba í Setrinu eða hvað.

Jón Snæland.

Ég fór í viðtal í dægurmálaútvarpinu á Rás 2 eftir páska til að ræða um að jeppamenn virði ekki lokanir á hálendisvegum. Skúli og Jón Snæland fóru í viðtal í Speglinum að höfðu samráði við mig.

Ég hef verið að upptekinn síðustu daga og hef ekkert fylgst með fjölmiðlum eða umræðunni á netinu fyrr en nú í morgun.

Ég hef verið að reyna að ná í menn fyrir vestan vegna Rauðasandsmálsins, m.a. bróður minn sem býr þarna nálægt, en ekki tekist.

Ég mun láta vita þegar ég veit meira.

Kv.
Kjartan

Ég hef komið þarna nokkru sinnum og ég get ekki séð hvaða erindi jeppamenn eiga á sandinn nema gangandi, sem ég hef gert þau öll skipti sem ég hef farið þarna.

Ég hef séð til jeppamanna vera aka í lóninu á fjöru, þá er þetta bara blautur og saltur sandur og hef ég ekki samúð með þeim þegar saltið fer að skemma bílana með tímanum.

Svo er ein regla sem allir ættu að tileinka sér, það er að fá leyfi hjá landeiganda þegar menn þurfa að fara eitthvað að jeppast. Það er ótrúlegt hvað maður fær í staðinn ef maður bara spyr og hef ég sjálfur reynslu af því.

kv.
Sigurður
R-112