This topic contains 6 replies, has 1 voice, and was last updated by 
-
Topic
-
Ég hef verið að hugsa um það að ganga í þennan klúbb. Og hef verið að lesa spjallið.
Því var ég að velta fyrir mér, fær maður nokkuð fyrir félagsgjaldið og hefur þessi stjórn verið eitthvað að standa sig. Og eru þetta ekki allt saman einhverjar klíkur eða gengi sem hleypa engum með sér í ferðir. Er þetta rétt skilið hjá mér
-
Replies
-
kvernig getur þú skoðað innanfélagsmál ef þú er ekki í klúpnum ég hélt að það væri ekki hægt
anars er þetta opin felagsskapur sem er bara gaman að vera í og ég hef ekki rekist á anað en að manni sje bara vel tekkið
kveðja Ægir
Afslættirnir sem ég hef fengið hjá Toyota, Bílanaust og hjá fleiri öðrum hafa margborgað félagsgjöldin.
Hvað varðar klíkur þá hef ég ALDREI lent í því að menn hafi verið með einhver leiðindi við mann.
Klúbburinn í heild sinni er mjög góður. Það eru aðeins örfáir menn sem ég hef séð sem ég myndi ekki vilja ferðast með, engann þeirra ætla ég að nafngreina, mér finnst menn eiga að mynda sér sína eigin skoðun á þeim.
Félagsgjöldin eru 4.200kr/ári. Á síðasta ári fékk ég afslætti upp á 26.442kr út á félagsskírteinið. Maður fær leyfi til að setja 4×4 rásirnar inn á VHF stöðina sína sem mér finnst mjög gagnlegt.
Almennt eru menn mjög hjálpsamir og jákvæðir í þessum klúbbi (það gleymist stundum á vefspjallinu…). Ég gekk í klúbbinn í feb 2006 og finnst ég hafa náð ágætis félagsskap út úr þessu. Svo ekki er hægt að kvarta undan því. En auðvitað ræður viðhorf manns sjálfs svolítið hvernig manni er tekið…
Störf stjórnar, allavega það sem maður sér svona sem óbreyttur félagsmaður, eru bara mjög vel unnin.
Ekki má gleyma að því fleiri félagar sem eru í klúbbnum, því öflugri samtök er hann um hagsmuni jeppamanna og þeirra sem vilja ferðast um óbyggðir. Ég held að það veiti ekkert af aukinni samstöðu nú á tímum reglugerðapytta og aukinna hamla á okkur.
Kveðja, Guðmundur S
sko félagsgjaldið sem slíkt borgar sig upp á fyrsta brotna drifi svo þú getur verið óvirkur félagi og svoleiðis fengið gjaldið endurgreitt sem slíkt, félagsskapurinn sem slíkur er ekki metinn til fjárs þar sem hann er frábær og klíkur eins og þú orðar bjóða meira segja mönnum eins og mér með í ferðir og er ég aðeins 22ja ára strákur og hef meira segja haldð eina ferð sjálfur þar sem meira en 30 bílar komu með og var mér hjálpað ótrúlega við að láta af þeiri ferð verða sem tókst alveg frábærlega, ég er með 4×4 rásir og nokkrar ferðafélags íslands rásir inná VHF inni minni bara því ég er félagi í ferðaklúbbnum 4X4 og hef ég lært margt nytsamlegt á opnum húsum 4X4 og flr og hef ég fengið frábærar viðtökur hjá öðrum félögum sem og formanni og stjórnarmönnum klúbbsinns ef því er að skipta en það eitt að vera gildur félagsmaður margborgar sig og hef ég verið félagsmaður frá 2002 og er ég fyrst að taka einhvern þátt að viti fyrst í byrjun 2006 og hef ég þau 4 ár sem á undan liðu farið mikið á mis við þann félagsskap sem mér hefur boðist…….
4X4 kveðja Davíð R-2856
Ég er sammála mönnum hér að ofan, þetta er frábær klúbbur og félagsgjaldið borgar sig upp 1,2 og 3 með kaupum á hinum og þessum vörum. Sjálfur hef ég ekki verið að sækja neitt inn í innsta hring klúbbsins, hef meira verið bara að ferðast með félögum mínum, en þegar á hefur reynt og manni hefur vantað upplýsingar að þá hefur ekki staðið á þeim og eingöngu fengið góðar viðtökur hjá stórlöxum klúbbsins, það er ekkert að marka það þó sumir séu voða stórkarlalegir á spjallinu, það er bara vettvangur sem mörgum finnst gaman að láta vaða hin og þessi skot. Varðandi stjórnina að þá sérðu bara samninginn við Shell, 10 króna afsláttur af eldsneyti frá þjónustuverði, það er 3 krónur undir verðinu hjá ORKUNNI sem er alltaf með lægsta verðið og þó ég sjálfur bölvi Shell hægri vinstri að þá er þetta samt ofsalega vel gert hjá stjórninni að semja um svona fyrir félagsmenn. Ef þú keyrir um á fjallajeppa og ert að keyra þína 20 – 25 þús á ári að þá ertu búinn að tvíborga félagsgjaldið bara með því að nota eldsneytisafsláttinn…….
Kveðja Axel Sig…
You must be logged in to reply to this topic.