Jeppadekk – könnun

Jæja þú gleymdir jæja bara einu mest notaða jeppadekkinu á íslandi… Gumbo Mudder, eða það sem menn kalla oftast mudder og í stærð 38".

Buckshot Mudder og Gumbo mudder er ekki það sama… Eina nothæfa stærðin í Buckshot mudder var 315/85/15 sem mældist 36.2 tommur og var svipað breitt og 35" dekk nema mun hærra. Gumbo mudder er aftur á móti allt annað dekk.

En .. þessi könnun verður nú frekar skrautleg þar sem menn eru með algjört frelsi í að skrifa hvað sem er um dekkin í galla og kosti. Það verður hrikalegt fyrir þig að fara yfir allar þessar upplýsingar og síðan meta það hvað er vitleysa og hvað eru nothæfar upplýsingar.

Ég skal taka klassískt dæmi… (úff ég hef skrifað of oft um þessi dekk en hér kemur enn ein rullan frá mér) Interco Irok dekkin eru frekar ný hér á markaði, fáir hafa getað notað þau því þau reynast vera of stór fyrir standard felgur, og því ætti dekkið að fá hörmulega dóma í úrhleypingum.. því það affelgast mjög auðveldlega .. þ.e.a.s. ef farið er undir 5 psi. Vandamál þetta er leyst með völsun á felgunum. Þetta verður bara ein vitleysan sem þú átt eftir að lenda í.

Ég myndi ráðleggja þér að gera formfasta könnun þar sem spurt fyrst væri um bílgerð, þyngd, dekkjatýpa, felgustærð. o.s.frv. þ.e.a.s. bakgrunnsupplýsingar. síðan myndirðu gera formfasta valmöguleika á hverju sviði..
Dæmi:
Úrhleypingar á dekkinu reynast ?
1. Mjög illa 2. Illa 3. Hlutlaus 4. Vel 5 Mjög vel

Og svo framvegis.. þarna fengirðu mun betri svör og ég tala nú ekki um hvað mun auðveldara það verður fyrir þig að fá einhvjerjar nothæfar upplýsingar úr þessari könnun.

Tire quality .. gæði dekkja … hmmm það getur þýtt marga hluti
1. Gott í akstri
2. Gott til úrhleypinga
3. Gott í hálku
4. Gott munstur fyrir snjóakstur
5. Gott fyrir akstur í grjóti
6. Lítill hávaði í akstri
7. Góð slitending
8. Tollir vel á felgu
9. hmmm eh fleira.. örugglega

Ég vona að skrif mín móðgi ekki neinn en þessi tilmæli eru vel meint og aðeins til að betrumbæta góða hugmynd.

Vonandi gengur þér vel með þetta.
kv
Gunnar Ingi

Ég mæli eindregið með að öll gögn sem þú ætlar að nota eitthvað séu fengin með lokuðum spurningum, t.d. að velja "Mjög gott, frekar gott, hvorki/né, frekar slæmt, mjög slæmt" eða tölu á lokuðu bili.
Opnir svarmöguleikar eru svo tímafrekir í úrvinnslu, en oft ágætt að gefa möguleika á commentum aftast hvort sem maður gerir svo eitthvað við þær upplýsingar eða ekki 😉

Spurningalistakveðja
Tryggvi

Ég myndi í þínum sporum setja drop-down lista á þessa valmöguleika líka. Það auðveldar svo úrvinnslu (been there done that…). Menn geta t.d. skrifað 44, 44t og 44" og allir eru að meina 44 tommu há dekk en í úrvinnslunni þarf að hreinsa gögnin og það er mikil vinna ef margir svara. Varðandi aksturinn þá er örugglega betra að biðja bara um bil, t.d. 0-5.000km, 5.001-10.000km o.s.frv.