Jeppabreytingar.

Mér sýnist þessi umræða vera þörf, held nú þó að þessi mynd hafi verið notuð sé það örugglega ekki illa meint.

ég held það sé ekki spurning hvort heldur hvenær settar verða reglur á "uppfærslubreytingar" á bílum almennt hér á landi.

kveðja
Jon

Sælir

Því má ekki gleyma að fagmenn geta líka unnið heim í skúr og breytt fyrir sjálfan sig eða aðra og gert það vel.

Viðurkennt verkstæði, persónulega gef ég ekki mikið fyrir það, mér finnst miklu mikilvægar að maðurinn sem vinni verkið sé fagmaður (með sveinspróf og viti hvað hann er að gera) heldur en að verkstæðið sé viðurkennt. Maður hefur enga vissu fyrir því að þeir sem vinna verkið á viðurkennda verkstæðinu séu fagmenn. Ég hef séð suður sem ég myndi skammast mín fyrir í bílum sem hafa komið úr breytingu á viðurkenndu verkstæði.

Aðalatriðið held ég að sé að skoðunarmenn á skoðunarstöðvum skoði breytingarvinnuna mjög vel, alla þætti hennar svo sem suður og uppbyggingu styrkinga.

Það væri ansi mikið tekið af frelsinu ef maður mætti ekki breyta sjálfur sínum bílum.

kv. O.Ö

Ég skoðaði nú ekki einusinni myndina og var ekki að fatta að það var verið að benda á mig. En þessi mynd var nú sett þarna inn bara af því að ég var spurður að því hvernig væri best að gera þetta…. ég gat ekki svarað því nema hvernig ég væri að pæla í að gera þetta og er þessi mynd tekin á meðan ég var að stilla þessu upp og átti eftir að full sjóða (myndin er mikið líst og er þessvegna mjög villandi). Var þetta soðið þarna, með það í huga að það væri auðvelt að ná því aftur af.

En ef þið viljið herða reglurnar um bílabreitingar og banna bílskúrsvinnu þá eruð þið að drepa íslenska jeppamenningu.
Það er hverjum sem er velkomið að koma í skúrinn til mín og bera saman mína vinnu og vinnu á breitingarverskæðunum.

En eftirlitið er þannig að þegar menn fara með bílana sína í skoðun er leitað eftir veikleikum í grind og stífum. Og hefur mér alltaf fundist skoðunin mun ítarlegri heldur en á óbreittum bílum. allavegana miðað við hvað maður kemst með í gegn þegar um óbreittan bíl er að ræða.
Hefur mér fundist eftirlitið með þessu mjög gott hingað til.

A.t.h þetta er ekki eins auðvelt og það virðist vera. Eftirlitið er miklu meira heldur en þið haldið.

Þegar að bílum er breitt svona þá er farið heldur betur yfir allt saman og koma þeir yfirleitt með einhverjar ábendingar um betrum bætingu. (hef ég fengið ábendingu á gamla breitingu á afturhásingu, sem var unnin af "fagmönnum" þegar ég var að lata taka út breitingu á framhásingu.)
Allar stírisbreitingar eru teknar út af Iðntæknistofnun og eru gefin út vottorð á hvern bíl fyrir sig. Verða þær breitingar að standast iso staðla

Erum við með miklu meira eftirlit heldur en flest önnur lönd. Hefuru skoðað Bandarískar jeppasíður? Þar er ekkert eftirlit í flestum ríkjum. þar skera menn stírisenda í sundur og sjóða aftur saman ef þeir eru í plássvandræðum. Það myndi aldrei vera viðurkennt hér á íslandi

En ef þið skoðið aðrar jeppasíður þá eru á þeym öllum svipaðar eða meiri breitingar heldur en ég er að gera núna.

Kveðja Bæring

,,Rannsóknin sýnir að breyttir jeppar lenda ekki í fleiri slysum en óbreyttir, og að meiðsli í slysum breyttra jeppa eru ekki alvarlegri en slys óbreyttra"

Með því að lögbinda jeppabreytingar við verkstæði, er jeppamennskunni sannanlega útrýmt, að láta breyta jeppa á verkstæði kostar nógu mikið til að ungir ferðaáhugamenn geta ekki upp til hópa eignast jeppa fyrr en þeir eru búnir með nám, o.s.fr.v. Auk þess er nóg af fúskurum á verkstæðunum (þó að flestir séu auðvitað færir fagmenn).

Helsta leiðin væri að herða skoðunarreglur, eða auka aðhald að skoðunarstöðvum. Ég borgaði fyrir ekki svo löngu um 15.000kr. fyrir að láta sérskoða nýbreyttan jeppa og fyrir það fékk ég ekkert annað en nýtt skráningarskírteini, skoðunarmaðurinn leit ekki einu sinni undir bílinn. Ef breyttir jeppar eru slysahætta þá er það hvernig þeim er breytt sem skiptir máli, ekki hvort það var gert af einhverjum með stimplað skírteini.

Kv.
Gísli

Þetta er ansi áhugaverð spurning, Ég held að það sé mikið til í því að ef að þeir sem eru að breyta sjálfir yrðu stoppaðir af þá myndi það skemma verulega fyrir sportinu.

En það breytir ekki því að það mætti vera mun meira og betra eftirlit með þeim breytingum sem verið er að framkvæma og því miður þá eru skoðunarmenn hjá skoðunarstöðvunum í fæstum tilvikum með þá sérþekkingu sem þarf til að skoða breytta jeppa svo vel sé. Skoðanir þeirra og athugasemdir virðast oftar en ekki vera tilviljanakenndar og lítið samhengi á milli þess sem sett er útá og því sem sleppur í gegn.

Ég held að besta lausnin í þessu sé að menn verði að ná sér í réttindi og löggildingu á þessu sviði til að votta hvort bílar séu nógu vel breyttir. Þessa löggildingu ættu breytingaverkstæði, skoðanastöðvar o.fl. að geta orðið sér úti um og þeir gætu vottað bíla fyrir þá sem eru að breyta sjálfir. Þannig fengjum við fagmenn á sviði breytinga til að skoða og koma með ábendingar um það sem betur megi fara í stað tilviljankenndra athugasemda eins og virðist vera raunin í dag. Hvernig slapp annars afturhásingin hjá Bassa í gegn í fyrri skoðun ?

Menn geta horft á aðrar greinar sem lúta allnokkru eftirliti og reglum í dag – T.d. byggingariðnaðinn, Það fær enginn að byggja hús nema hafa til þess öll tilskylin réttindi og að hafa alla iðnmeistar sem þarf á húsinu og Teikningar frá Löggiltum hönnuðum. Ég held að sem betur fer séu fáir sem myndu vilja búa í blokk sem hefði verið byggð af fúskurum, án eftirlits, hönnunar og úttektar fagaðila – það eru svoleiðis hús sem eru að hrynja í útlöndum án nokkurra skýringa.

Því er það mín skoðun að við ættum ekki að sætta okkur við minna eftirlit á bílum sem eru á ferð í umferðinni – sem betur fer er mikilli meirihluti breyttra bíl mjög góðir, en það eru hins vegar bílar í umferð sem eru stórhættulegir og það verður að koma í veg fyrir svoleiðs farartæki. Það þarf ekki nema eitt slys þar sem illa breyttur bíll veldur til að fordæma alla breytta bíla og hugsanlega setja mun meiri hömlur á okkur en við getum ímyndað okkur.

Mér myndi allavega ekki detta í hug að bjóða fjölskyldunni í bíltúr nema ég sé viss um að bílnum sem ég ek hafi verið breytt af fagmönnum og á vandaðann hátt – Í dag verð ég að treysta á orðsporið sem fer af þeim sem breyttu mínum bíl en ef það væru reglur og krafa um löggildingu og skoðun fagaðila þá væri maður enþá öruggari með bílinn og öryggi hans.

Benni

Sælir

Umræðan er þörf og örugglega víða misjöfn vinnubrögð við breytingar á jeppum. Ég get aftur á móti ekki séð hvernig þær myndir sem voru upphafið að þessum þræði geta verið dæmi um léleg eða slæm vinnubrögð. Það má kannski deila á útlit á suðum, en þegar til kemur er það gæði þeirra en ekki útlit sem skipta máli. Að öðru leiti gefa myndirnar enga mynd af því hvernig þetta lítur út að breytingu lokinni.

Hvað varðar eftirlit með breytingum þá mætti kannski skerpa á þeim sérskoðunum og úttektum sem þegar eru á bílum sem hefur verið breytt. Þetta má þó ekki hafa í för með sér umtalsverðar hækkanir á þessum sérskoðunum, því það verður bara til þess að menn leita leiða til að komast hjá þeim. Það myndi ég allavega gera.

Ef jeppabreytingar eyga að vera í höndum aðila sem hafa fengið sérstakt leifi til þess, þá er spurning hver á að veita leifið og hafa eftirlit með að þeim skyldum sem því fylgja sé framfylgt.
Myndi þetta tryggja betri/öruggi jeppa? Veit ekki!!

páskakveðjur á auðri jörð

Arnar

ég er sammála því að það mætti alveg herða eftirlit, en ef það ætti að banna okkur að breyta sjálfir, þá væri spuring hvort eftirlitið þyrfti, því það yrði gríðarlegur samdráttur í breytingum. Fyrir mitt leiti þá hugsa ég að þetta sé svona 70 % grúsk og 30% akstur í þessu áhugamáli.

en mér finnst samt að það ætti að vera meira eftirlit á breyttum bílum, hvort sem þeir koma frá breytingaverkstæði eða bílskúr, því að er verið að breyta hönnunarforsendum bílanna, og getur það alveg klúðrast hjá verkstæðunum líka.

Þetta er eitthvað sem klúbburinn átti að skoða, enda myndi það lýta vel út ef við hefðum frumkvæðið af því. Ef til vill mætti tala við iðntæknistofnun um þetta. Því þar eru menn sem hafa menntun, færni og tæki til að segja til um það hvort smíði sé í lagi.

En það er ekki nóg að skoða bara suður og stýri, því sumir þessara bíla hendast til á vegi þegar þeir eru komnir í 90 km/klst. Því þyrfti eiginlega að skoða akturseiginleika þeirra líka. Ég efast til dæmis um að bíllinn minn myndi standast svoleiðis próf, enda með alltof lélega dempara fyrir þetta allt saman.

kv
Baldur
Þ-455