This topic contains 22 replies, has 1 voice, and was last updated by 
-
Topic
-
Fyrir skömmu hóf Daimler Chrisler fjöldaframleiðslu á jeppa með flesta þá eiginleika sem erum að sækjast eftir þegar við breytum eða látum breyta bílunum okkar. Þessi bíll er seldur undir nöfnunum Jeep TJ Rubicon í Canada og Jeep Wrangler Rubicon í USA. Hann mun væntanlegur hér snemma á næsta ári.
Rubicon er með sterkari drif og hásingar (Dana 44), lægri drifhluföll, loftlæsingar og skriðgír. Ennfremur er hann á stærri hjólum og með breiðari brettakanta en aðrar útgáfur af Wrangler. Vélin er 4 lítra línu sexa, um 190 hestöfl og þyngdin rúmlega 1500 kg. Skriðhlutfall er 1/66.
Þessi bíll er hannaður til að skröglast í torfærum, en mér sýnist að með því að lyfta boddíi 5-10 sm og skera aðeins úr brettum, þá sé kominn bíll sá slái flest annað út í snjónum.
-
Replies
-
Anonymous- Umræður: 0
- Svör: 16404
Ég skil ekki alveg hvaða fordóma menn hafa gagnvart amerísum bílum í dag. Og ekki skil ég heldur afhverju menn halda því fram að þeir séu ekki nógu sterkir, séu alltaf að brotna hingað og þangað. Er svona nokkuð viss um að þeir séu töluvert sterkari en allar þessar japönsku tíkur :o) Segi samt ekki að þeir séu bestir í öllu, því þeir hafa vissulega sína kosti og galla. Og það að segja að þeir bílar sem menn voru á hérna fyrir 15- 20 árum síðan hafi verið algjörir oheillagripir. Það eru nú auðvitað 15 ár síðan og bílarnir og breytingarnar og allt heila klabbið er ansi mikið breytt síðan þá. Þannig að ég held að menn ættu nú að gefa amerískum bílum allavega smá séns í dag.
Anonymous- Umræður: 0
- Svör: 16404
Þrátt fyrir að vera "hrísgrjónabóndi" þá ætla ég að taka undir þetta. Ég hef alltaf heyrt að þetta ameríska kram sé sterkbyggt og þoli átök a.m.k. ekki síður en annað, þó líklega sé ýmislegt austrænt ekki síður traust í dag (t.d. eru þetta engir tannstönglar undir 80 Cruiser). Ég held að það sé samt engin vitleysa að menn eru að brjóta þetta ameríska kram meira en annað, en það stafar af því að menn eru með stórar upptaksgraðar bensínvélar við þetta sem gera mönnum auðvelt fyrir að brjóta. Það er svo gaman að stíga á pinnann þegar allt fer á syngjandi djöfulgang um leið, en álagið á allt draslið er auðvitað eftir því. Við sem erum með þessa 4 cyl þolinmæðisrokka höfum ekki tæknilega möguleika á að brjóta með þessum hætti. Sem er gott
Ég held að léleg þjónusta umboðsaðila þessara amerísku sé það sem skýrir áhugaleysi manna á þeim. Þessir aðilar hafa ekkert verið með í jeppamenningunni, meðan t.d. Toyota tók þetta með trompi og er alltaf í fararbroddi í þróuninni. Einfaldlega miklu skemmtilegra að versla við svoleiðis menn.
Skúli H.
You must be logged in to reply to this topic.