Jeep Cherokee XJ

Sæll aftur Einar
9"fordin geingur vitanlega ekki það er í vitlausa átt
en dana 44 er hinsvegar til í 4.888 44-9. það væri sterkur leikur.

kveðja GJ

Sælir félagar

Ég er búinn að vera offline vegna bilunar í nokkra daga; hér er komið fullt af áhugaverðum athugasemdum og ábendingum.

– Hvað varðar afturfjörðun sýnist mér að ég ætti að halda mig við blaðfjaðrirnar sem eru í bílnum í bili, þær eru í fínu standi þó þær séu kanske heldur stífar. Það má smíða loftfjöðrun þegar fjaðrirnar fara að slappast.
– Framfjörðunin er meira mál. Ég er ekki hrifinn af að setja þykka klossa undir gormana, spurning um að fá gorma úr 4? upphækkunarsetti. Í amerískum upphækkunarsettum er ekki gert ráð fyrir að stífufestingar séu síkkaðar eins og menn gera hér heldur eru stífurnar hafðar lengri og þá mun brattari. Er það verri lausn að hafa stífurnar brattari heldur en að síkka festingarnar?
– Ég vil frekar fara í mikla boddývinnu og hafa hækkunina minni ? sýnist samt 8 til 10cm vera raunhæft hvð hækkun varðar.
– Gírun framan og aftan: Hef heyrt af þessu áður, að framhjól eigi að snúast aðeins hraðar en ég geri svipað og Einar, skipti oft úr og í framdrifi í hálku og held að allt sem veldur spennu í drifrásinni sé slæmt. Vilji maður fara þessa leið, eru þá til hlutföll í kringum 4.88? Ef einhver frá bílabúðunum fylgist með þessu þá getur hann kannað málið og svarað.
– Hvað segir viðgerðabókin um afturhásingu í 1998 bíl með Off-Road og Towing pökkum, er það ekki örugglega D44?
– Millikassinn í mínum bíl er NP231. Mér þótti það fín hugmynd að lækka lága drifið í 4/1 en það virðist ekki vera ef marka má fram komnar athugsemdir.

Ég held að á þessu stigi sé ekkert annað að gera en að fara að skrúfa.

Óli G.

Sæll Óli,

Mín skoðun er sú að ekki sé gott að láta framstífurnar halla mikið. Það bæði takmarkar fjöðrun og bíllinn heggur svolítið. Eins verður hann líklega leiðinlegur í stýri!

Trailmaster settið sem bæði Benni og Bílabúð Benna flutti inn hér um árið, var með síkkun,lengri gormum og stuttu fjaðrablaði sem flestir hentu. Eins voru margir ekki ánægðir með gormana (þóttu stífir) ég notaði þá í 4 ár (var allt í lagi) en mæli frekar með orginal gormi eða ef þú finnur lengri gorm í svipaðri mýkt og geti þá slept kubbunum. Það er líka hægt að smíða nýtt gormasæti neðar á einfaldan hátt! nota rör upp til styrkingar. Kubbarnir eru ekki til vandræða og ef þú setur svolítið sílkon á milli þeirra hreyfast þeir alls ekki neitt.

Þessi fram hækkun sem flestir eru að nota er mjög einföld í ísetningu og lítil sem engin suðuvinna!

4.88 hlutfall færðu hjá strákunum í Jeppasmiðjunni s-482 2858.

Eftir að hafa sofið á þessu með mismundi hlutföll að framan og aftan. Er ég komin á þá skoðun að það geti ekki verið gott í snjó þar sem hjól þurfa taka jafnt á!

kv,

Viðar

Ég vildi að ég hefði vitað af aðferðinni sem Guðmundur nefndi, að losa statifið sem gormurinn, samsláttarpúðinn, demparinn og balancestöngin tengjast, frá hásingunni og færa upp. Þetta heldur réttri afstöðu fyrir þessa hluti og leysir líka fyrstu ástæðuna fyrir því að það þarf að breyta stífunum, nefnilega það að neðristífan rekst í plötuna sem gormurinn hvílir á, þegar bíllinn fjaðrar sundur. Það er samt þörf á að breyta stífufestingum til að fæara hásinguna aðeins framar, og það er til bóta að auka blið milli stífanna.
Varðandi stífurnar, þá er skiptir mestu að þær séu samsíða. Ef þær eru samsíða þá skiptir ekki öllu máli þó þær halli aðeins. Ég er búinn að síkka neðri stífunrnar þar sem þær tengjast grindinni, en á eftir að lyfta efri stífunum á hásingunni. Vegna þessa dúar bíllinn aðeins þegar bremsað er, en þetta venst og er ekki verulega til ama. Bíllinn er samt fínn í stýri. Ég á líka eftir að færa gatið þar sem þversífan tengist hásingunni, til að miðja hásinguna.
Eg setti OME gorma en held að það væri líka allt í lagi að nota orginal gormana með stærri klossum.Með aðferðinni hans Guðmundar þar hvorki að skipta um gorma né setja klossa.
Ég myndi alls ekki nota gorma úr Amerískum kittum.
-Einar

Það sem ég sagði um stífur í síðasta pistli var líklega dálítið villandi. Ég ætlaði alltaf að breyta bæði efri og neðri stífunum, ég á bara enn eftir að breyta efri stífunum.

Ef stífur eru samsíða og láréttar, þá hafa hemlunar- eða drifkraftar ekki áhrif á fjöðrunina. Ef stífur eru hallandi þá er, með því að hafa þær ekki alveg samsíða, hægt að losna við samspil fjöðrunar og drifkrafta. Það er líka rétt að með stærri dekkjum reynir meira á stífur og fóðringar, með því að auka bilið milli stífa er hægt að snúa þessu við.

Samspil milli drif og fjöðrunarkrafta getur m.a. valdið því að hjólin fari að hoppa sem dregur úr gripi.

Ein praktísk spurning, hvernig er best að lyfta stífufestingum á hásingunni? Fóðringin vinstra megin er í gati sem virðist vera steypt í drifkúluna. Ég hef heyrt að það sé vandkvæðum bundið að sjóða við svona steypt stykki.

-Einar

Sælir

Mig langar til að fá uppskrift bérna frá gummij hvernig best er að setja upp 4-link, ef stífurnar eiga að halla mismunandi mikið og vera jafnvel mislangar og heppilegt bil á milli stífanna, en ég er nú líka oft að spá í muninn á að nota 4-link að aftan eða þá að nota bara Range Rover/Bronco framstífur að aftan, er 4-link útfærslan betri þar sem Toyota smíðar svoleiðis undir sína bíla?

Halldór

Sælir

Þetta er alveg magnaður þráður og mun ég sennilega ekki þurfa neinar fleiri tækni-upplýsingar til að breyta Cherokee´num hjá mér á 38".
EN nú er ég með 93 árgerð með quadra-drive millikassanum. Þetta er enn sem komið er, að reynast mér allt í lagi á fjöllum á 35" en þegar 38" er komin undir þá veit maður ekki.
Ef ég er að skilja þetta rétt þá er bara einskonar tregðulæsing í millikassanum. Þetta hlýtur að slitna með tímanum?
Gallinn er þegar ég lendi í leiðinlegu færi þá virðist eitthvað vanta upp á.
Annað dæmi er að ég get td. keyrt að snjóruðningi sett í lágadrifið og Drive og ef aðstæður "henta" (harður snjór) þá spólar hann bara að framan eða bara að aftan í hægagangi m.ö.o hann læsir sér örugglega aldrei alveg. Svo stíg ég létt á inngjöfina upp í svona 1200rpm þá grípur hann um leið á þeim dekkjum sem hann spólaði ekki.

Mér sýnist á þessu að ég þurfi að skipta um millikassa og get þá notað þennan sem númer tvö… Eða hvað?

Kveðja
Izeman

Sæll eik

Takk fyrir það. Jú þetta er sami kassi og hjá mér, á þessari síðu.
En veit einhver hvort ég þurfi þá ekki að nota sérstaka olíu á millikassan, þá sömu og notuð er á hásingar með diskalæsingum.
Ég skipti um olíu á kassanum um leið og ég fékk bílinn en setti bara venjulegan sjálfskipti vökva. Gæti það verið ástæðan fyrir því að hann sé smá tíma að grípa? Eða kanski er það bara eðlilegt.
Æ þetta er of flókin búnaður, best að skipta bara við fyrsta tækifæri

Kveðja
Izeman

Ef ég er að skilja þetta rétt, þá myndi ég halda að með því að hækka gormasætin frá hásingu myndi þingdarpungtinn hækka sem ég held að sé ekki gott í jeppa. Gormasætið ætti að vera sem næst miðju eða fyrir neðan mitt hjól.
Kveðja Magnús.