Jeep á klafa ?

Sælir

Ég myndi ekki hrista hausin yfir þessu alveg strax, það fyrsta sem ég sé t.d. er að klafarnir ná nánast inn á miðjan bíl þannig að þessi jeppi verður örugglega með doldið skemmtilega fjöðrun þar sem að klafarnir eru svona langir. Þetta er t.d. það sem kanin hefur verið að gera við aðra klafabíla þegar þeir breyta þeim er að lengja klafana til að fá lengri fjöðrun það gerir það hinsvegar að jeppin verður breiðari að framan en að aftan.
Klafar eru eitthvað sem við eigum bara eftir að sjá í fleiri bílum þannig að við verðum að fara að læra að sjá kosti þessa búnaðs og lausnir á göllum/veikleikum.

Klafa kveðjur
Óskar Andri

Eitt las ég í biblíunni góðu (einnig nefnd kellingabókin af sumum), og það er að áhrif ófjaðrandi þyngdar (þyngdar hásingar og dekkja) á færslu veghögga á hinn fjaðrandi þunga bílsins (bodysins) er sú sama meðan tíðni fjöðrunarhreifingarinnar er í kringum eitt hertz. Neikvæð áhrif ófjaðrandi þyngdar aukast svo með hækkandi tíðni.

Á Íslensku þýðir þetta að meðan við krúsum kát eftir ósléttum jökli með lítið loft í dekkjunum, þá virkar sjálfstæða fjöðrunin einfaldlega ekkert betur en hásingin (hæg fjöðrunartíðni). Hinsvegar virkar sjálfstæða fjöðrunin mikið betur á sumrin þegar við keyrum yfir Sprengisand á fullpumpuðu (mikið hærri tíðni).

Algjörlega logical svosem.

kv
Rúnar.

Ps. má sjá á blaðsíðu 165 í Fundamentals of Vehicle Dynamics, eftir Thomas D. Gillespie.
Mæli með þessari bók handa jeppanördum sem hafa haldgóða menntun í stærðfræði bak við sig. Nýtist öðrum sennilega lítið.