Janúarferð Litlunefndar

Skráning í Ferðina er hafin.

Vinsamlegast notið skráningarformið frá Google sem vísað er i hér að neðan.

Sjáumst hress

Linkur á skráningu

Góðan daginn

ég skráði mig í þessa ferð en verð frá að hverfa vegna vélavandamála í bílnum hjá mér

vonandi verður þetta bara skemmtileg ferð og þið skemmtið ykkur vel

Kristján þetta er frábær hugmynd og eitthvað fyrir verfnendina að skoða ef þeir sjá sér fært að gera.

Glæsilegt. Þetta verður flott ferð. Veðurspáin lofar góðu.

Ég verð að viðurkenna að ég hef ekki tekið eftir þessu tuði gagnvart litlum bílum í öllum þeim ferðum sem ég hef tekið þátt í seinustu 3 ár hjá litlunefndinni. Almennt séð hefur allt verið gert til að liðsinna fólki en í þau skipti sem bílar hafa verið skildir eftir hefur yfirleitt verið um að ræða bilanir eða önnur vandræði og fólki alltaf gefnir kostir sem og fólki alltaf skutlað tilbaka og fylgt að þjóðvegi. En svo er líka allt í lagi að gefa bílum séns í byrjun ferðar og ef færið reynist erfitt þá geta menn fengið að fljóta með öðrum eða snúið við, það er nú það sem menn gera að staðaldri í eigin ferðum.

Einnig er mikil fjölbreytni í bílstjórum og getu þeirra, t.d. var eftirminnilegt þegar óbreyttur grand cherokee fór inn í laugar á meðan margir stærri bílar (35″), ég þar á meðal,  áttu í vandræðum vegna máttleysis / vankunnáttu / trega við úrhleypingar o.s.frv.

En það er rétt að litlanefndin er ætluð minni bílum og það þarf að plana ferðirnar með það í huga enda hefur verið rætt að fara ferð síðar á árinu þar sem stærð dekkja verði takmörkuð.

Hvað mig varðar þá hefur litlanefndin alltaf staðið sig til fyrirmyndar og hjálpað öllum sem þurftu hjálp og þakka ég þeim fyrir það. Ég er búinn að læra helling á þessum ferðum svo keep up the good work!

Ragnar Freyr það er alveg rétt að í flest öllum ferðum er skipulag og stjórnun til fyrirmyndar. En það eru dæmi um brotalamir sem vert er að benda á til að gera þetta enn betra. Sem dæmi þá ætluðum við á langjökul að mig minnir í fyrra það skall á mjög slæmt veður þegar við komum að rótum jökulsins og hætt var við ferðina. Sumir þeirra sem vour á stærri bílunum vildu samt gera eitthvað og fóru annað og í raun var ferðinni slitið þarna, ég fékk enga fylgd niður á þjóðveg og lét ég alveg í mér heyra eftir þessa ferð.

Hvað hefði gerst ef ég hefði lent í vandræðum á leiðinni? Flestir farastjórarnir voru farnir annað og báðir í mínum hóp ef ég man rétt.

Það verður líka að ræða það sem er ekki nógu gott ekki bara tala á jákvætt um allt. Til þess að þessi nefnd geti þroskast og orðið betri þá verður að benda á það sem mætti fara betur.

Í einni ferð þá benti ég á það eftir á að það voru að minnsta kosti tveir bílar sem áttu ekki að fá að fara með þar sem þeir voru á svo slæmum dekkjum. Báðir 35″ en á nánast renni sléttum dekkjum. Farastjórar verða að hafa bein í nefinu til að stoppa svona af. Í minni fyrstu ferð var bílinn minn skoðaður hátt og lágt til að ath hvort hann væri nógu góður í ferðina en í þeirri síðustu var ekki einu sinni litið á hann.

Ég er ekki að reyna að vera þessi neikvæði gaur heldur bara benda á það sem betur mætti fara og tek ofan fyrir allri þeirri góðu vinnu sem litlanefndin er að vinna. En það er alltaf hægt að gera aðeins betur.

Góðan dag!
Ég er aðeins farinn að bíða eftir því að Kristjáni verði svarað. Ég er í bænum en mér finnst samt gott að vita með einhverjum fyrirvara hvenær fundurinn á að vera eða hvort það verði fundur.

Kveðja Guðlaugur

Vill taka það fram að þó svo ég hafi bent á eitthvað sem betur mætti fara hjá Litlunefndinni þá er ég alls ekki að gera lítið úr henni síður en svo. Án hennar hefði ég aldrei þorað að fara út fyrir þjóðveginn og sú reynsla og kunnátta sem ég hef í dag er alfarið henni að þakka.

Þessi nefnd er skipuð sjálfboðaliðum og farastjórar í ferðunum eru þar launalaust og gera þetta sér og öðrum til ánægju. Þessir menn eiga heiður skilið og verður seint þakkað almennilega.

Ástæða þess að ég skrifa þetta er sú að menn gætu miskilið þessar ábendingar mínar og já kannski er ég að taka of djúpt í árina með þessum skrifum hér að ofan. Það er ekki gaman fyrir þessa góðu menn að standa í þessari sjálfboðavinnu og svo fá gagnrýni á þeirra störf.

Ef einhver hefur móðgast vegna skrifa minna þá biðst ég innilegar afsökunar á þvi það var aldrei tilgangur minn.

Þannig að ég ætla bara að segja takk fyrir mig Litlanefnd og hlakka til laugardagsins veit að hann verður góður og vona að þið  haldið þessu góða starfi áfram.

Með viðingu og vinsemd

Trausti Gylfason

Friðrik stutta fréttin er sú að þetta var snildar ferð. Fær 9,9 í einkun af 10 mögulegum hjá mér. Það er bara vegna þess að ég komst ekki síðustu 100 metrana 😉

Nokkrir lentu í vandræðum með bílana fyrsta ves var að ég held hjá Sigga Like á stöðinni held að það hafi verið eitthvað rafmagnsves er ekki viss. En það vour nokkur húdd opnuð , afelgað og annað bras eins og gengur og gerist en veit ekki betur en allt hafi endað vel. Ég lenti í smá tjóni þar sem Gnýr hjálpaði mér að taka restina af hlífðarpönnunni af og takk fyrir hjálpina. En það er lítill fórnarkostnaður fyrir svona ferð.

Færðin var passleg ekki of auðvelt og ekki of erfitt. Lentum í leiðinda skafrenning sem svo gekk yfir.

Ferðin heim gekk eiginlega of vel sérstaklega hjá okkar hóp og var Gnýr farin að kvarta undan því að enginn festi sig en það var honum sjálfum að kenna hann var of naskur á að finna „réttu“ leiðina ef svo mætti að orði komast þar sem hann leiddi nú sauðina 😉

Í heildina litið frábær ferð og vel skipulögð passlegt bras og skemmtilega mörg afbrygði af veðri.

Ég er bara rétt í þessu búinn að ganga frá öllu og núna ætla ég að verðlauna mig eftir langan og strangan dag með virkilega góðu viskí fyrir svefnin.

Takk fyrir mig þeir sem voru með mér í þessari ferð og þeim sem að henni komu.

ps. eitt sem ég tók eftir í þessari ferð sem vert er að minnast á þegar við vorum á heimleið. Bílar voru að bila eða  töfðust af einhverjum öðrum ástæðum. Það virtist ekkert hafa áhrif á flæðið. Menn voru bara færðir um hóp sem var kannski aðeins á eftir þeim blönduðust bara þeim hópi þegar þeir voru tilbúnir. Þetta varð til að við vorum að skila okkur flest allir á svipuðum tíma heim. Það er greinilegt að þessir menn hafa skipulagt svona ferðir áður 😉