Jafnvægisstillingar á dekkjum

Það sagði mér flugvirki um daginn að á flugvéladekkjum væri merking, lítill málaður punktur, þar sem para ætti við ventilinn. Þá ætti ballansinn að vera nánast góður. Ef depillinn væri hinum meginn tvöfaldaðist skekkjan. Á fólksbíl sem ég á athugaði ég þetta, og viti menn gulur depill er á dekkinu. Bar reyndar ekki saman við ventilinn svo ég spyr menn: Er þetta sú merking sem ég held að þetta sé, er ekki eðlilegt að framleiðendur sendi frá sér dekkin með tilliti til þess að ventill er á felgunni. Nú er þetta eflaust smáatriði (38″ reyndar smíðuð áður en hjólið var fundið upp), en veit einhver svarið?

Kveðja,
Lalli (í góðu jafnvægi).