íshellir á langjökli

vissi ekki að hann væri hruninn, sá hann síðast um páskana og þá var hann nokkuð heill… en margt getur hafa gerst síðan um páska.

Er þetta ekki bara eftir eitthverja á sem hefur runnið þarna.

Hellirinn var við Flosaskarð, alveg í jökulröndinni.
Ég hef ekki komið þarna síðan hann hvarf, en hefur hann ekki bara horfið vegna þynningu jökulsins, líkt og íshellirinn í Hrafntinnuskeri. Þar er núna enginn ís lengur þar sem áður var hellir.
Kv – Skúli

Reyndar er gamli, eða gömlu hellarnir, sem voru bræddir af jarðhita búnir að vera og eru hrundir, bráðnaðir og farnir. Var á ferð þarna fyrir stuttu, og þá var alveg ágætis hellir hægramegin við gömlu hellana, en sá virðist vera grafin af vatni, en ekki jarðhita. Heldur hefir þetta svæði látið á sjá á seinustu 10 árum, og líklega verður ekki íshellir þarna eftir 1 til 2 ár.

Hvað varðar hellana, eða hellin í Flosaskarði, þá veit ég ekki til þess að nokkur maður sé búin að fara þangað í vetur. Fyrri hellirinn var hrunin í fyrra vetur, og lítið eftir af hinum. Þór Kjartansson sleðakappi fann þessa hella fyrir 5 árum, að mig minnir. Það má líklega finna svipaða hella við jökulrendur, ef maður nennir að leita að þeim, en jökulrendur eru oft ekki þægilegasti staðurinn til að ferðast á. Þar sem er svelgur, þar fer niður vatn. Vatnið skilar sér undan ísnum fyrir rest, og þar eru töluverða líkur á því að finna íshelli.

Góðar stundir