This topic contains 9 replies, has 1 voice, and was last updated by 
-
Topic
-
Datt um svo asnalegt örnefni í dag, að ég verð að tékka á hvort nokkur sem les þetta veit hvar það er. Irpuver er staðurin, og ef einhver veit hvar það er, þá þætti mér gaman að vita af hverju þetta nafn er á þessu veri, og hvað það þýðir.
Hlynur
-
Replies
-
er við Hófsvað, Veiðivatnameginn. Meira veit ég ekki, en gæti nafnið ekki verið af danskri ætt
Irpa þýðir, skv. Ásgeiri Bl. Magnússyni, jörp meri eða tröllskessa eða norn, eða eiginlega hin dökkleita. Samkvæmt þessu er líklegast að í Irpuveri hafi meri borið beinin í fyrndinni, nú eða þá skessa, og hafa örnefni spunnist af minna tilefni.
Kv Þ
Suðaustur af Hófsvaði, þar er staðurinn. Þar sem varla hefur verið mikil umferð þarna í denn, dettur manni helst í hug að þetta sé nýlegt örnefni. Núna er bara og sjá hvort Olgeir viti eitthvað meir um þetta ver.
Ferðakveðja
Gott mál að halda örnefnum til haga og þakkir eiga þeir skildar sem að slíku standa. En nú er maður orðinn forvitinn og nú bíður maður eftir því að félagi Olgeir kveiki á tölvunni sinni og lesi þennan þráð. Ef hann veit ekki meira um þetta, þá er því miður ólíklegt að nokkur annar viti. Var að leita eftir þessu örnefni í því ágæta riti "Landið þitt" en það finnst ekki þar.
Sko…ég veit að þú ert náskyldur Verkfræðingi nokkrum….en ég vissi ekki að þú hefðir líka MHN spurningagenin….. 😉
Irpa og Erpur eru af sama stofni.
Náskylt Jarpur og er þá átt við ljósan lit.
Þekkt dæmi um Erp er Íslenskur taktkjaftur og einnig Amerískur vestratöffari W. Earp.
Helst eru það hryssur sem bera nafnið Irpa, en einnig er þekkt að konur beri þetta nafn.
Líklegt er að Irpa nokkur hafi verið í þessu Irpuveri einhvern tíma, en ég fann ekki heimildir þar um.[img:1znts9q4]http://www.f4x4.is/new/files/photoalbums/3929/45957.jpg[/img:1znts9q4]
Hér er Irpa frá Árnanesi í ættartölu Gnýs af sama bæ, en hún gæti hafa haldið til í Irpuveri.
Kveðja Dagur
Þessi þráður er eins og "trip down memorylane" fyrir mig því það rifjaðist upp fyrir mér að hér á árum áður, var eiginlega á síðustu öld (svipað leiti og þegar macintosh vélar litu dagsins ljós) þá tók ég þátt í að gefa út blað í nokkrum eintökum sem að hét Búkolla og byggðist aðalega á mismunandi staðfestum fréttum/sögum úr félagsstarfi og var góð saga sjaldnast látin líða fyrir sannleikann.
Þar skrifaði ég einmitt undir "dulnefninu"… Irpa Influensa…ekki það að það hafi dulið neitt mikið.Kv. stef… takk fyrir þetta ;->
Hvernig var það í þinni sveit Jón Ofsi, var hneggjað á Dönsku, kanski baulað á Sænsku og jarmað á Finnsku?
Ekki var það svo í minni sveit.kveðja Dagur
Sælt veri fólkið. Ég veit ekkert um Yrpuverið nema að það er fyrir innan Tungnaá nokkuð austan við Hófsvað. Ég er búinn að tala við nokkra menn sem ég taldi líklegast að vissu um uppruna nafnsins en enginn man eftir að hafa séð neitt um það. Trúlega hefur jörp hryssa eitthvað komið þar við sögu líkt og hún Grána Reynistaðamanna fannst um vorið eftir í Gránunesi nær dauða en lífi með reiðinginn undir kvið og gjarðirnar grafnar ofaní bakið. En fyrir um 100 árum tapaðist hryssa í hafti frá veiðimönnum við Veiðivötn og fundust beinin og haftið 18 árum síðar uppá Snjóöldu. Einu sinni fyrir löngu tapaðist hestur úr Landmannalaugum og fannst aldrei en förin voru rakin upp í Laughraunið en hurfu þar. Ég er þessa dagana að klippa og ganga frá upptöku af ferðinni sem við fórum á nokkrum gömlum og nýjum bílum yfir Hófsvað haustið 2004. Næst er að snyrta til upptökuna af 44 tommu ferðinni í fyrra yfir Bjallavað og Hófsvað og bið ég að heilsa ferðafélögunum og þakka fyrir daginn. Kveðja Olgeir
You must be logged in to reply to this topic.