This topic contains 25 replies, has 1 voice, and was last updated by 
-
Topic
-
ég starta þessum þræði vegna þess að mig langar að vita hvernig þessi dekk eru að reynast núna og að fá að vita hvort menn eða konur hafa lent í einhverjum vandamálum með dekkin .
kv Ási
-
Replies
-
Já ég myndi segja að það sé óeðlilegt eða óæskilegt að felgur spóli í dekkjunum þó það sé í átökum. Þetta er held ég geti fullyrt óþekkt vandamál á Mudder og GH en kom fyrir á 44“ DC en mér skilst að það eigi að vera úr sögunni núna. Prufueintökin af AT áttu við þetta vandamál að stríða en þar á bæ sættu menn sig ekki við það og þrengdu hringinn þannig að þau verða varla mikið þrengri. Svo er auðvitað hægt að beita brögðum til að komast fyrir þetta vandamál eins og Elli virðist hafa gert. Menn hafa líka talað um að límkítti virki í þessu.
Kv – Skúli
Ef ég man rétt þá var ég búinn að stunda snjóakstur í áratug þegar ég heyrði fyrst af því að menn væru að spóla innan í dekkjunum. Það var eftir að Dick Cepec fór á hausinn og Mickey Thompson tók yfir vörumerkið. Þér er verið að tala um dekk sem bæði spóla og springa, þótt þau séu ekki búin að vera hér á markaði nema örfá mánuði.
Ég sé ekki að það geti talist meðmæli með þessum dekkjum þó hægt sé að finna dæmi um að menn hafi notað þau í nokkra mánuði án þess að þau splundrist.
Ég þekki dæmi um Mudder dekk sem eru búin að vera í notkun í snjóakstri í 12 ár, án þess að spóla eða springa.
-Einar
Hér á árum áður á áttunda áratug síðustu aldar þegar að við prófuðum 44" mudder á 16,5" felgum urðum við að smíða felgur svo að dekkin héldust á felgunni.
Smíðaðar voru samsettar felgur "boltaðar saman" og rörhólkur settur inn í sem klemmdi dekkin út í felgukantana.
Síðan var neglt með 3strendu nöglunum einir 300 í dekk og allt virkaði fínt (í þá gömlu góðu daga)
Kveðja
Elli
Ég hef nú þurft að henda 6 mánaða gömlum mudder vegna þess að það kom sprunga upp við felgubrún á tveim dekkjum.
Þau áttu bara eftir að fara með hvell.
Voru komin í síðasta strigalag.
Þetta var nokkuð algengt fyrir ca. 10 árum.
Kveðja jeepcj7
Ég man eftir þessum sprungum við felguna. Ef ég man rétt, þá kom söluaðilinn á mánudagsfund til að fjalla um þetta. Síðan lagaði framleiðandinn vandamálið. Ég held að þetta hafi verið 1992 eða 93. Dekkin sem ég nefndi hér að ofan, gætu verið úr einni af fyrstu sendingunum eftir að þetta var lagað.
Ég hef líka fengið sprungur af þessu tagi í BF Goodridge dekk, en það var eftir nokkura ára notkun, þar sem úrhleypingar voru ekki sparaðar. Muderarnir sem ég er búinn að nota síðustu 5 árin virðast vera alveg lausir við þessar sprungur meðfram felgukantinum. Það eina sem sér á þeim eru sár eftir grjót, en slík hafa aldrei náð í gegn og því aldrei þurft að gera við dekkin.
-Einar
You must be logged in to reply to this topic.