IROK GALLI

Að einn maður standi í lappirnar fyrir fyrirtæki og haldi hlífiskyldi með því,ef dekk eru gölluð hvaða staðlaðir gallar eru það sem menn fara eftir.
Ég get bara sagt það að ef ég hefði keypt þessi dekk fyrir tugi þúsunda,myndi ég ættlast til að þau myndu duga lengur en raun ber vitni(sama ber lýsingu Benna)og miðað við þessa endingu á þessum dekkjum þá er mín ágiskun að þetta sé galli.

Ég er einn af þeim sem keypti svona dekk í sumar og nota þau sem sumardekk. Mín hugmynd var að vera á þessum dekkjum eins lengi fram á vetur og kostur er. Hugmyndin var að nota þau í snjóakstri í fyrstu snjóum með afar litlum loftþrýstingi (2-3 pund). Síðan þegar vetur væri að fullu genginn í garð með nægum snjó og tilheyrandi hálku skipti ég yfir í 44" DC. Er verið að segja hér að þessi dekk séu ónothæf á þennan hátt, þ.e.a.s. á 2-3 pundum? Hver er reglan, ef einhver er, til að halda dekkjunum í lagi gagnvart loftþrýstingi? Ég þekki Benna vel og höfum við ferðast mikið saman, ég hef alloft elt hann á sama eða minni loftþrýsting á mínum 44" DC og eru þau í fínu lagi. Eru þessi dekk þá ekki að virka úrhleypt í snjó? Spyr sá sem ekki veit.

Kveðja Erlingur Harðar

Jóhannes ég er ekki að halda neinum hlífðarskiidi yfir mitt fyrirtæki heldur fyrst og fremst að ræða þessi mál við ykkur og þín ágiskun er líklega ekki verri en hver önnur.

Stebbi þetta sem sem þú talar um gæti verið rétt eða rangt en það verðum við að finna út í sammeiningu.

Erlingur ég mundi halda að þú ættir bara að halda þér við það sem þú ætlaðir að gera og fylgjast með dekkjunum varðandi hita.

Gísli mér þykir það miður ef ég hef ekki veitt þér þá þjónustu sem þú átt skilið en það hlítur að hafa verið ástæða fyrir því alla vegana hef ég gaman að fá ykkur þó það sé bara í kaffi en það er mjög mismunandi tími sem ég hef og það engin að tala um það megi ekki hleypa úr þeim og ef það kemur fram galli þá tek ég á þvi eins vel og ég get.

en að lokum er ykkkur velkomið að kíkja til mín í GVS og skoða dekkin hanns Benna ,

kv Ási

Ég verð að segja það viðbrögðin hér sem sumir ágætis menn viðhafa eru til þess að ég mun hugsa mig mjög vel um áður en ég kaupi dekk þar. Það virðist vera nánast undantekningalaust alltaf okkur sjálfum að kenna ef eitthvað kemur uppá. Ég mæli með að ef menn vilja kynna ný dekk og dásama að þeir hinir sömu hafi þá virðingu að taka ábyrgð á þeim. Það er öllum fullljóst að við notum stór jeppadekk til að hleypa úr þeim lofti. Ef þau endast ekki nema 12000 km er það einfaldlega ekki hæft til sölu undir breitta bíla. Svona auglýsing þar sem kúnninn er bara vitleysingur ef hann kvartar er sú allra versta sem til er fyrir fyrirtæki. Ég verð samt að taka fram að ég sjálfur hef ennþá ekki upplifað þessa reynslu hjá þessum aðilum. Þetta er eingöngu mitt mat miðað við þau skrif sem hafa farið fram á neti klúbbsins.

Kveðja Theodór.

Sæll Benni og þið hinir afsakið að ég svara svona seint netið ekki heima bara í vinnunni.
ég ætla að deila með ykkur minni reynslu sem
ég var búinn að segja Benna. Í sumar (jún) féek ég gat á innanvert framdekk við ..0..kubbinn neðan
við stóru kubbana og tók ég eftir því að það voru
komnar sprungur við alla hina og ca 3 vikum síðar opnaðist annað gat og fleiri voru við það að opnast
ég fékk nýtt dekk hjá Ása lánað því að hann sendi
bita úr dekkinu mínu út til skoðunar en nú eru liðnir 3 mán. og ekkert svar komið enn.
Mér finnst svo skrítið að þetta er bara að innan
ekki til sprunga að utanverðu, vildi að þetta væri ekkert alvarlegt því að mér finnst dekkin FRÁÁBÆR
og vildi helst ekki þurfa að kaupa annað.
kveðja Helgi

hvernig væri nú að þið hinnir sömu og hafið verið að lýsa ykkar skoðunum á þessu, kæmuð til mín og skoðuðu dekkin og segðu mér hvað ykkur finnst um þaug þannig getum fundið lausn á þessu saman .það er engin lausn að kalla allt GALLA, ég er tilbúin að vinna í þessum dekkjamálum með ykkur og koma með það nýjasta á markaðinum en einsog ég hef sagt áður þá þurfum við að gera þetta saman.

kv ÁSI

Þessi dekkjamál okkar eru svolítið snúið fyrirbæri því það er auðvitað alþekkt að við erum að misnota dekkin eins og Eik komst að orði hér fyrir ofan. Hins vegar vill svo vel til fyrir okkur að allavega sum dekk virðast þola þessa misnotkun ótrúlega vel, en allnokkrar tegundir hafa ekki verið að standa undir þessu. Hvort skemmd á dekkjum sem vitað er að er misboðið á þennan hátt stafi beinlínis af misnotkuninni eða einhverju öðru er kannski erfitt að segja, Benni hefur sína kenningu um það og mér sýnist seljandi þeirra aðra, en allavega er staða okkar sem stundum úrhleypingar ekkert sérlega sterk í þessu ljósi.

Á hinn bóginn má segja að þegar söluaðili selur +38 tommu dekk til íslenskra jeppamanna má ljóst vera til hvers þau eru keypt til að keyra á þeim úrhleyptum og markaðurinn fyrir þessi dekk hér byggir algjörlega á því að það sé hleypt úr þeim sama hvað framleiðandinn segir um æskilegan loftþrýsting. Söluaðilar hér eru því að gera út á þessa þörf og þeir þurfa auðvitað að gera sér grein fyrir því.

Með þennan bakgrunn í huga held ég að það sé æskilegt að menn geti tekið á svona málum í sameiningu, þ.e. við notendur og seljendur. Ef hægt er að draga ályktanir af því sem kemur fram hér að ofan er GVS eða Ási til í samstarf um að koma þessu máli í einhvern skynsamlegan farveg og ef ég skil það rétt greiða einhverjar bætur (sem þeir allavega telja sanngjarnar), en eru ekki tilbúnir til að samþykkja að svo stöddu að um galla sé að ræða. Benni aftur á móti harður á því að skemmdin hafi ekkert með meðferð að gera heldur sé beinlínis um gölluð eintök að ræða ef ég skil málið rétt. Þriðji möguleikinn er svo einfaldlega að dekkin henti ekki til úrhleypinga og þá er þetta ekki galli, stafar af ofannefndri ‘misnotkun’ okkar og dekkin henta okkur ekki og búast má við að flestir aðrir eigendur þessara dekkja standi frammi fyrir sama vandamáli. Svo er enn ein spurningin hér að ofan, þe. þola dekkin ekki hraðann?

Hvað gerum við þá? Spurning hvort eigi að fá einhvern sem báðir aðilar treysta og hafa þekkingu til að meta þetta, til að skoða skemmdu dekkin og skera úr um hvað sé í gangi. Félagi okkar Freyr er nú sjálfsagt sá sem mest hefur stúderað dekk og hvaða eiginleika þurfi til að henta til úrhleypinga, en ég veit hvorki hvort hann væri tilbúinn til að taka þetta að sér, né hvort GVS féllist á að maður jafn tengdur öðrum innflutningsaðila sé rétti maðurinn. Annar félagsmaður, Sveinlaugur í Barðanum hefur líka örugglega talsverða reynslu af þessum dekkjum, Höfðadekk sömuleiðis fengið allmörg dekk inn á gólf hjá sér í sjálfsagt ýmsu ástandi, svo einhverjir séu nefndir.

Allavega hvet ég báða aðila til að anda með nefinu og reyna að fá einhverja vitræna niðurstöðu í þetta. Við komumst ekkert áfram í þessu öðruvísi, sama hvað við reynum að kryfja málin hér á vefnum. En rétt að það sé skýrt að ég er ekki að mælast til þess að málið sé settlað og látið sofna, betra að staðreyndirnar liggi ljósar. Í því sambandi má nefna að Ási hefur margsinnis kallað eftir því að menn segji frá reynslu sinni af þessum dekkjum og þessi umræða hlýtur að flokkast undir það, allavega ef menn gæta að því að hún sé sanngjörn.

Kv – Skúli

mér finnst það nú ekki vera í verkahring Skúla að útskýra neitt. Heldur kom hann með þá ágætustu uppástungu að hlutlausir aðilar einsog Sveinlaugur í Nýbarðanum skoðaði dekkinn. Enda eðliglegra að fá hlutlausan fagmann til þess, svona til þess að fá fleiri sjónarmið fram. ekki satt.