Irok 41″x16″ Radial .

Sunnlendingar hvað?

Erum að prófa þessi dekk undir Patrol björgunarsveitarbíl og líkar ágætlega enn sem komið er. Hafa verið að virka vel í krapanum á meðan þau ná niður úr honum þar sem þau hafa mjög gott grip. Vantar enn alvöru reynslu á hversu gott flot er í þeim en okkur finnst vanta meiri belg á þau.
Þau eru leiðinleg í hliðarhalla þar sem þau eru há og mjó og leggjast því undan hallanum sem veldur því að bíllinn skríður mikið undan hallanum og erfitt er að ráða við hann.
Erum með dekkin á 15" breiðum felgum og held ég að þau þoli ekki breiðara þar þar sem vantar alveg belginn, til samanburðar erum við með Landcruiser á 38" og 16" breiðar felgur en þau dekk þola alveg breiðara.
Dekkin virðast vera laus á felgum en það er hægt að laga með völsun á felgum.

Kv. Smári sem býr sunnarlega á Suðurlandinu.

Sæll Þórir.

Er búinn að keyra á 41" (ónegld en microskorin í miðju) sl. sumar og fram yfir fyrstu snjóa í vetur.

Dekkin bældust nokkuð vel undir Pattanum mínum sem er reyndar um 3 tonn fulllestaður.

Hef trú á að þau séu full stíf fyrir 2,2 tonna bíl. Keyrði mikið í 6-7 psi á fjallvegum í sumar vegna þess hve stíf þau voru.

Flotið liggur á milli 39,5" Irok og 44" DC. Svona sem viðmið þá hefur oft verið sagt að flotið í 44" byrji í 4 psi og m.v. það byrjar flotið í 41" í 2,5 psi (allavega nýjum)
Það er heldur léttara að keyra á þeim en 44" DC á auðu malbikinu sem ræðst trúlega af minni radíus. Viðmiðið mitt er ca. 26 psi í 41" en ca. 22 psi í 44" DC

Það er gríðarlega gott grip í 41" miklu betra en í 44" DC.
Samanburður á drifgetu er alltaf erfiður og einstaklingsbundinn. Ég kem til með að keyra 41" lengri tíma á ári en t.d. 39,5" en auðvitað verður 44"DC mín aðal vetrardekk.

Eg er með dekkin á 15" breiðum felgum. Hef keyrt á þeim í 0,5 psi í hliðarhalla og allavega aðstæðum og upp í 60 km hraða og engin vandamál.

Sauð góða kanta bæði að innan og utan og lét heitgalvanhúða þær. Þegar dekkin voru sett á felgurnar fóru 2 dekk uppá í ca 47 psi og eitt dekkið í 48 psi og eitt í 50 psi. þannig að þau eru bara föst á felgunum.

Kveðja.
Elli

Komdu sæll Bragi.

Það er nú ef til vill smá reynsla af mismunandi dekkjum og um leið felgum.

Varðandi 38" og upp úr hef ég haft að lágmarki 2 mm kant á felgunum. (hæð á suðu)

N.B. Dekkjaverkstæðin hafa í flestum tilfellum verið andvíg þessu en látið bara reyna á.

Standið með ykkar ákvörðun. (affelgið ekki)

Kveðja
Elli

Þar sem minn draumabíll er G Benz, þá mæli ég með að þið setjið hann á 44", svo ég geti slefað af öfund. Á örugglega eftir að virka alveg hrikalega á svoleiðis dekkjum. Set eina áhugaverða krækju með.

http://www.4x4abc.com/G-Class/

Góðar stundir

Ég vil ekki vera á 44" dekkjum allt árið. Þegar sól er komin þokkalega hátt á loft, fer maður að verða pirraður á því að miða bílnum áram á 44" gleðigúmmíum. Þá er komin tími á eitthvað betra til að keyra á.

Hvað er þetta Hiclone sem þú ert að tala um ? Nýi bjórinn sem er verið að brugga fyrir norðan ?

Góðar stundir

Félagi minn er með 42" diagonal undir BroncoII. Fyrst var þetta ekki að gera sig, lögðust illa og grófu sig fljótt niður. Eftir nokkra keyrslu og smá prufutúra, þá fór hann í þorrablótsferðina í Setrið um daginn og þá virkuðu þau alveg rosalega. Það virðist sem það þurfi að tilkeyra þau til að mýkja þau aðeins. Eins virðist þurfa að beita þeim aðeins öðruvísi og sérstaklega á aflmiklum (305cc í húddinu)og léttum bílum. Hann er ekki með valsaðan né soðninn kant á felgunum en þeir hjá GVS límdu þau á felgurnar.
Hann er með 15×15" breiðar felgur og lookar rosalega vel.
Þessi dekk virðast henta betur undir þyngri bíla (2,5t+) og er ég sjálfur mikið að spá í 41" radial (sömu dekk) undir minn trukk.
49" virðist gera góða hluti á 4t+ bílum 😉