Irok 41" x16"

Bull og vitleysa!

Það er ekki hægt að segja neitt til um hversu mikið má hleypa úr, þar sem það er hraðinn sem hitar dekkin.
Sjálfur er ég á 41" Irok á 17" felgum og þegar ég fer inn í Þórmörk, þá fer ég yfirleitt niður í ca. 12psi. Hef farið í 10psi en þá má ekki keyra mikið yfir 40km/klst lengi þar sem þau eru farin að velgjast svolítið.

Ég sé ekki að menn þurfi almennt að hleypa meira úr en 10-15psi að sumarlagi, svona til keyrslu. Ég held mig nærri 15psi nema vegslóðinn sé verulega slæmur.
Auðvitað geta svo léttari bílar hleypt meira úr en þyngri.
Best er bara að hver finni þetta hjá sér, miðað við bíl og aksturslag.

Sælir

Ég hef einmitt mikið verið að velta þessum dekkjamálum fyrir mér og þá aðalega hvaða dekk væru best sem sumardekk undir patrol sem er á 44" dick cebek á veturna.

Það er ágætis úrval af þessum Irok dekkjum en maður hefur heyrt allskyns sögur um að þessi dekk rifni og skemmist við minnsta tilefni. Aðrir tala um að þetta séu flott dekk. Það er auðvitað búið að ræða þetta fram og til baka á þessum spjallsíðum og margir vilja meina að dekkin virki vel undir léttari bílum eins og y60 patrol.

Það er eitt sem ég hef tekið eftir og datt í hug að benda á. Málið er að flest þessi dekk frá t.d. Interco eru 6 strigalega eða C flokkur fyrir 15" felgur.

Aftur á móti þegar skoðuð eru dekk fyrir 16" felgur og upp úr þá eru þau dekk 8 strigalag og flest 10 strigalaga, samsvarandi D og E flokki.

Eftirfarandi gildir yfirleitt
6 strigalaga dekk (C) bera mest við hámarksþrýsting 35 psi.
8 strigalaga dekk (D) bera mest við hámarksþrýsting 50 psi.
10 strigalaga dekk (E) bera mest við hámarksþrýsting 65 psi.

Það ætti að vera eðlilegt að dekk með fleirri strigalögum sem er hannað fyrir meiri þrýsting þoli verr úrhleypingar.

Kv. Guðni