This topic contains 2 replies, has 1 voice, and was last updated by 
-
Topic
-
Sælir.
Þar sem aðflutningsgjöld eru nú aðeins 13% á pikkupbílum þá sveigist hugurinn gjarna í þá áttina þegar vafrað er um bílasíðurnar á Ebay. Mig langar að heyra um eftirfarandi atriði frá þeim sem reynslu hafa:
1. Þarf skúffubíll að uppfylla einhver önnur tæknileg atriði en bara það að vera með skúffu svo að hann komist í 13% draumaflokkinn ? Eru einhverjar kröfur um stærð skúffunnar eða útfærslu sem sumir skúffubílar uppfylla en aðrir ekki ?
2. Mér sýnist framboðið af 2×4 bílum í USA vera talsvert meira en 4×4. Ef ég myndi kaupa t.d. 2×4 Ford F150 eða eitthvað sambærilegt sem einnig er framleitt í 4×4 útfærslu, getur einhver sagt mér hvort það sé lítið eða mikið mál að breyta honum í aldrifsbíl ? Hefur einhver farið þessa leið og hvernig kom það út í kostnaði ?
3. Ég hef heyrt að skúffubílar á tvöföldum afturdekkjum (dually) séu í núll prósenta vörugjaldi. Veit einhver hvort það er rétt ? Ef svo er – má ekki skipta yfir í einfalt strax og búið er að ganga frá öllum pappírum ? Það ætti ekki að vera mikil viðbót ef á annað borð er verið að breyta úr 2×4 í 4×4, hækka upp, stækka dekkin og allt það.
4. Hafa menn reynslu af einhverjum bílasölum í USA sem hægt er að mæla með eða ætti að vara sig á ?
5. Ég sá á Ebay fyrirtæki sem nefnir sig texasdirectauto.com og mailaði eftir upplýsingum um sendingarkostnað. Fékk þaðan svör við öllum mínum spurningum, bæði fljótt og vel. Hefur einhver reynslu af viðskiptum við þá ?
Sem sagt:
Hefur nokkur einhverjar reynslusögur af innflutningi notaðra bíla (frá USA) til að hvetja eða letja þá sem eru í hugleiðingum ??Kveðjur
Ágúst
-
Replies
-
Ég mæli með því að þú hafir samband við Ingimar Baldvins (http://www.ib.is/). Hann er að flytja inn bíla frá Ammriggu og er með öll þessi mál á hreinu.
Þó ég hafi aldrei flutt inn bíl eða látið gera það fyrir mig er það mín reynsla almennt með flókin mál að það sem þú borgar fagmönnum fyrir að taka af þér áhyggjurnar er fyllilega þess virði.
kv.
Einar Elí
Til að bíll falli undir 13% regluna þá þarf pallurinn að vera aðgreindur húsi (ekki sambyggður öðru boddýi). Flestir pallbílar eru þannig gerðir en það komu einhverjar tegundir með pall og boddí samhangandi, og flokkast þeir með öðrum jeppum í 45% vörugjaldi.
Ég myndi ekki standa í því að kaupa 2wd og breyta í 4wd, nema það stæði hvort sem er til að rífa framstellið undan og skella stórri hásingu í staðinn. Kostnaðurinn er einfaldlega of mikill til að það borgi sig (meiri en verðmunur bílanna).
Ég man ekki nákvæmlega hvernig það var með regluna með að vörugjald falli niður en mig minnir að það sé ef heildarþyngd (með fullri burðargetu) er yfir 5 tonnum.
Hvort bíllinn sé með tvöfölldu að aftan eða ekki skiptir engu máli.
Það er svo alltaf matsatriði hvort það borgi sig að standa í þessu sjálfur eða láta aðra sjá um dæmið fyrir sig.
Einn félagi minn keypti nýjann Ford F150 Lariant (með öllu) fyrir nokkrum mánuðum og sá sjálfur um að flytja hann inn. Hann var kostaði hingað kominn með öllum gjöldum 3,5 milljónir. Hann sá alveg um sín mál sjálfur og þótti þetta ekki mikið mál (hann bjó reyndar einu sinni þarna úti).
Ég þekki fleiri sem hafa gert þetta sjálfir og þeir segja allir að þetta sé ekkert mál.
Ef þú kaupir bíl þá skiptir verulegu máli hvar bíllinn er í Bandaríkjunum. Ef það þarf að trukka hann yfir þver Bandaríkin til að koma honum í skip þá getur kostnaðurinn hækkað mikið.
Mér skilst að ódýrasti flutningur sé nú með Atlantsskipum en ég hef heyrt að það sé um 100 þús. Það er svo alltaf að verða vinsælla að taka bílanna með flugi (oft um 150þ) en þeir hafa lent í vandræðum með langa pallbíla.
JHG
You must be logged in to reply to this topic.