This topic contains 6 replies, has 1 voice, and was last updated by 
-
Topic
-
Er hægt að keyra upp á Ingólfsfjall núna? Er sama bleytan og á hálendinu eða gæti leiðin verið fær?
kv, Bergur
-
Replies
-
Ég mundi gera mitt besta í að reyna að svara en ég er sko hálf hræddur við Ofsa og Stefí þannig að ég þori því ekki sko:P
annars er spáin blaut svo mér kæmi ekki á óvart svoldil bleyta sko (sorry stef og Ofsi ég bara varð að reyna að svara:P)
Kv Dabbi Kjaftaglaði
Ég keyrði aðeins inn á leiðina upp á Ingólfsfjall í dag. Mér fannst vegurinn fyrir framan soldið blautur og gekk út til að kanna hann og sökk upp að ökla í drullu og var því snúið við. Við fórum og athuguðum aðkomuna norðanmegin og ræddum við ábúendur þar og það kom í ljós að þetta væri allt saman hreint drullusvað í svona tíð. Við keyrðum því bara Esjuleiðina sem var nokkuð skemmtileg því það er slatti í lækjunum þarna.
kv, Bergur
Hæ,
hvaða leiðir er hægt að fara uppá Ingólfsfjall? Hvar kemur maður að þeim og hvernig eru þær?
kv, Bjarni
Ekið er austur fyrir Hveragerði, og beygt af þjóðvegi 1 við skilti sem á stendur Hvammur sem er skammt austan Hveragerðis. Ekinn er vegur 347, framhjá bæjunum Sogni og Gljúfri og yfir læk sem fellur úr Æðagili. Þar er beygt af veginum til vinstri inn á Slóðina. Þar er upphaf leiðarinnar upp á Ingólfsfjall og yfir Grafningsháls. Grafningshálsinn er æfa gömul þjóðleið og er getið um leiðina í Sturlungu en Gissur Þorvaldsson og Sturla Sighvatsson fóru hana í Apavatnsför sinni1238. Haldið er inn slóðina og upp brekkur milli Æðagils og Lyngbrekkna þar til komið er upp á há hálsinn. Þar greinist slóðin og liggur ógreinileg slóð til hægri upp á Ingólfsfjall. Þar þarf að fara upp brattar brekkur sem eru vart færar fyrir minnstu jeppa, og verulega erfiðar í snjó fyrir mikið breytta jeppa. Ofann við brekkurnar er ekið eftir fjallsrananum Kallbak milli Kagagils og Klaufagils. Þrælar Ingólfs Arnarsonar hétu Kallbakur og Kagi og eru staðirnir við þá kenndir. Af rananum er bratt til beggja handa og varasamt í slæmu skyggni. Þaðan er svo greiðfær leið upp að Inghóli sem er hæsti tindur Ingólfsfjalls 551 m.y.s. Þar eru mörk Grafningshrepps og Ölfushrepps. Talið er að Ingólfur Arnarson landnámsmaður sé heygður í hólnum, hólinn er 200 faðmar í kring og 40 feta hár. Á hólnum er landmælingamerki Landmælinga. Önnur hæð er á fjallinu norðan við Inghól, og hefur Tetra Ísland komið þar fyrir endurvarpa. Af Ingólfsfjalli er haldið sömu leið til baka niður á gatnamótin á Grafningsháls. Þar er ekið til hægri og gili Tunguá fylgt til austurs. Þar fer háspennulínan yfir gilið. Háspennulínan heitir Sogslína og var reist 1953 og var fyrsta stálturnalínann. Með línunni voru tengdar samann Írafossstöð, Ljósafossstöð og Steingrímsstöð við Reykjarvík. Á leiðinni niður af hálsinum þarf að fara yfir nokkra meinlausa læki. Tvær slóðir liggja til vinstri af slóðinni, og enda þær við bæinn Stóraháls. Ekið er um hlað eyðibýlisins Litlaháls. Þaðan er svo greiðfær leið yfir á heimkeyrsluna inn að Stórahálsi. Þar sem eru leiðarlok. Þaðan er síðan stutt á Þjóðveg 350.
Heimildir Stolnar úr Utan Alfaraleiða
Heimildir Landsvirkjun.is og Byggðarsafn Ölfuss.
Neyðarlínan (eigandi tetra) hefur fjarlægt búnaðinn af Ingólfsfjalli.
Takk fyrir þetta Ofsi.
kv, Bjarni
You must be logged in to reply to this topic.