Í ljósi rannsóknar og slysa

Ég held að ég hafi sagt þetta einhverntíman áður hérna en
Hjálparsveit skáta Kópavogi ([url=http://www.hssk.is:23e6hxxl]www.hssk.is[/url:23e6hxxl]) er með veltibúr frá Bridde í LC80.
Ef tengingn heppnast, þá má sjá glitta í veltibúrið á bak við hausana.
[img:23e6hxxl]http://www.heimska.com/Myndir/2004/taekjamot_27-28.mars/images/IMG_7020.jpg[/img:23e6hxxl]

Mig minnir að Range Roverinn sem fór niður hengjuna á Langjökli hérna um árið hafi kramið toppinn. Hann er náttúrulega eldri og ekki eins vel byggður og nýju bílarnir.
En það má samt aldrei gleyma beltunum. Það er alveg sama hversu gott veltibúr þið eruð með, þau koma aldrei í staðinn fyrir beltin.

Mér finnst eins og að menn séu að tala um sitt hvorn hlutinn hérna. Annarsvegar styrk í yfirbyggingu og síðan krumpsvæði á bílum, sem er gert til að minnka högg í árekstrum, ekki veltum.

Þetta er sitthvor hluturinn, ef verið er að tala um bíla sem að velta þá held ég að það sé staðreynd að sjaldnast er toppurinn það sterkur að ekki þurfi veltibúr. Vonandi eru menn ekki að halda því fram að hann eigi að krumpast saman, til að minnka högg, ef bíllinn lendir á toppnum. Mikið breyttir jeppar er orðnir mikið þyngri heldur en þeir eru upphaflega, það gera aukahlutirnir t.d. aukatankar, stærri dekk og felgur, milligírar ofl.

Við getum sennilega allir verið sammála um það að við viljum ekki að toppurinn fari ofaní gólf ef við veltum. Þar afleiðandi verður sennilega aldrei verra að vera með gott veltibúr. Enda sjaldnast sem að toppurinn er heill eftir veltu, nema hún sé eitthvað óvenju róleg.

Kv. Baldur

Það eina sem mér hefur sýnst vera vandamál við að smíða almennilegt veltibúr það er plássið sem þetta tekur.
Einfaldur 4 punkta bogi tekur ekki svo agalega mikið pláss, en allt umfram það sker verulega niður plássið í bílnum held ég, og það verður erfiðara að ganga um hann. Því sterkara sem að búrið er því meira pláss tekur það.
En þetta er lítil fórn fyrir öryggið sem þessi búnaður veitir.

Það er góðra gjalda vert að styrkja bílinn með veltibúri en fyrsta ráðstöfun er að festa fólk og farangur vel í ferðum.

Í þessu slysi og fleirum þar sem félagsmenn hafa lent í óhöppum hefur laus farangur og farþegar verið að valda miklum skaða.

Það væri kannski ráð að taka saman leiðbeiningar um slíkt hjá félaginu og fjalla um þetta sérstaklega á félagsfundi.

Fyrir utan sjálfsagða notkun öryggisbelta þarf að festa farnangur þannig að þær festingar þoli meira en 20 faldan þunga farangurs helst í allar áttir og a.m.k. upp og fram.

Átta metra frítt fall er jafgildi 45 km/klst hraða en á þeim hraða er það álíka að stöðva 80kg. karlmann á 1/10 sek og að lenda undir 1.000 kg. þunga.

Mæli því með að við tökum fyrst á virkum öryggismálum (active safety) áður en við köllum yfir okkur nýjar misvitrar reglugerðir um búnað torfærubíla (passive safety).

l. R3251

vinur minn velti mustang sem er amerískt og á að vera sterkt? en sem betur fer var velti bogi bara úr svona 3" – 4" röri toppurinn alveg krupaðist meira en 2/3 utanum þetta rör
það bjargaði lífi hanns hann var á 80-100 kmh/klst það er engin spurning að menn ættu að hugsa útí þetta ekki mikið mál að setja einnboga yfir fyrir utan það að vera bara töff og tala nú ekki um að vegirnir eru að verða meira og meira upphækkaðir þannig fallið getur verið töluvert

það fyrsta sem að ég mun gera við jeppa sem að ég á eftir að fá mér er að setja í hann búr eða styrkja yfirbygginguna vel. gæti alldrei haft það á samviskunni að einhver myndi slasast alvarlega í bíl hjá mér…

vil benda á að styrkur er misjafn í yfirbyggingu jeppa, sumar typur eru mjög fljótar að falla saman,
hælux sem dæmi er mjög slæmur með að brotna niður í miðju. hef séð það nokkrum sinnum,
það var skilda að hafa veltigrind í villis sem dæmi

Sælir félagar.

Ég er sammála þessu, boð og bönn eru almennt ekki af hinu góða. Uppbyggileg fræðsla er málið, þannig að hver og einn taki sjálfur afstöðu í málum sem þessu. Var ekki mjög hress með yfirlýsingu okkar ástsæla formanns í fréttum sjónvarps í kvöld – enda finnst mér ekki rétt að vera með upphrópanir og reglusmíð þegar allir eru rétt að ná sér af sjokki helgarinnar. Heppilegra er að skoða málin af yfirvegun fyrst.

Með þessu er ég alls ekki að mæla gegn veltigrindum, þær mættu sannarlega sjást víðar. Merkilegt annars að almennt tíðkast ekki að setja veltigrindur í nýja bíla – það er frekar að menn séu að hnoða þessu í ef bíllinn er kominn e-ð til ára sinna.

Hef annars velt þessu nokkuð fyrir mér á síðustu vikum – eftir að PalliHall skoraði á mig að setja veltigrind í nýju Pæjuna. Alli Bridde mun smíða svona búnað, væntanlega úr 42 mm. heildregnum efnisrörum. Læt mynd fylgja þegar þetta verður klárt.

Ferðakveðja,

BÞV

Sammála því að menn þurfi að ná sér eftir skell helgarinnar, hann var slæmur, en við megum ekki gleyma honum og núna er tíminn til að huga að því sem betur má fara.

Til varnar formanninum þá var haft eftir honum eitthvað á þá leið "að það kæmi til greina.." að setja reglur um veltigrindur í jeppa. Í ljósi atburða tel ég að formaður hafi þar svarað nokkurnveginn því eina sem var til að svara – aðspurður.

Svo tek ég undir veltigrinarpælingar utan sem innan, held að það sé eitthvað sem hver og einn þurfi að skoða vandlega. Því til viðbótar þá velti ég því fyrir mér hvort að ekki þurfi að endurvekja ákveðna virðingu fyrir jöklum landsins í ferðamennsku. Þeir eru jú eins og dæmin sanna stórhættulegir yfirferðar sé ekki gætt fyllstu varúðar, og jafnvel þó að svo sé. Spurning hvort að klúbburinn ætti ekki að hnykkja örlítið á þeirri staðreynd fyrir sína félaga sem og aðra.