Hversu mikið ekinn bíl áttu ???

Nú til að gera langa sögu stutta þá er ég með Ford Bronco árg 1979 .
Hann kom upprunalega með 351 í húddinu og er núna með 6,2 sem hefur verið í honum síðustu 480,000 kílómetrana og var skipt um vatnsdælu og glóðarkerti um daginn en það er það eina sem er búið að gera fyrir mótorinn síðustu 230,000 km.
Samtals hefur honum verið ekið 670,000km og ekkert lát á drifum eða kössum , þriðja vélin fer ofan í hann í haust en það er mikið breytt 6,2 vél sem ég er að setja upp .
Boddíið er það eina sem hefur látið á sjá í gegnum árin og er búið að skipta út afturbrettum og afturhlera en ekki er annað ryð að finna í bílnum en hann bíður eftir að ég hafi tíma til að leggja honum í eina viku eða svo til þess að það sé hægt að sprauta hann .
Sem sagt það eru Amerísk gæði og ending á þessu
heimili .

Með alvörubíla kveðju .

Alli.

Ég er með 1981 árgerð af Chevy Blazer K5 Silverado með 350. Mér skildist á fyrri eiganda að þetta væri önnur vélin í bílnum (fyrri var víst útúrtjúnuð og bílnum þrykkt reglulega á kvartmílubrautinni). Ég keypti bílinn 1996.

Það er svolítið erfitt að meta kílómetrastöðu. Hann er með 5 stafa mæli en á honum eru um 82 þús. mílur. Ég veit fyrir víst að við getum allavegana bætt 100.000 mílum við, en líklegst eru þær fleiri.

Hann er því að lágmarki keyrður 182 þús. mílur og er því farinn að nálgast 300 þús kílómetra. En eins og ég sagði áður, þá getur vantað einherjar hundruðir þúsunda mílna uppá svo hann gæti þessvegna verið keyrður 450 þús, 600 þús…….

Hann hefur lítið bilað, en stærsta bilunin var smurstöð að kenna (gleymdi að setja olíu á afturhásingu). Bíllinn stekkur alltaf í gang og bara virkar mjög vel.

Eina sem ég hef gert við mótorinn er að ég skipti um ventlalokspakkningar núna í vor (fyrir utan olíuskipti, kerti og þess háttar).

Það er ljótt frá því að segja að öll þessi átta ár sem ég hef átt Blazerinn hef ég aldrei látið stilla hann (blöndungsbíll). Ég hef bara aldrei séð nokkra ástæðu til þess, kertin eru alltaf fín, stekkur alltaf í gang, skilar mjög góðu afli og eyðir því sem við er að búast.

Þetta er samt enginn bílskúrsjeppi sem ekki er notaður, hann hefur fengið að kynnast ýmsu (og kemst ekki inní skúrinn) en alltaf komist klakklaust í gegnum það.

Ég get því tekið undir amerísk gæði og endingu

Kv. JHG

Pajero 1996 módel, ekinn 198.000 km. Ekkert búið að gera fyrir mótor, drif, né kassa (samkvæmt uppl frá Heklu, varahlutakaup lítil í heildina og örsjaldan farið inn á verkstæði þar). Bara keyra…

Ég eignaðist hann í des sl, þá var km staðan 190.000 og setti þá á 44 tommur. Bara rétt tilkeyrður. ´

Rúnar vinur minn (sem vinnur í HEKLU) var að eignast einn 1999 módel og sá er ekinn 300.000 km.. Aldrei verið kíkt á vél þar á bæ…

Palli.

Blazer S10 ’84 held keyrður eithvað rúmlega 200þús held ég og vélin var að hrynja um daginn. Þannig að hann stendur bara fyrir framan bílskúrinn og bíður eftir að fá eithvað skemtilegt powerplant ofaní húddið.

Sælir

Ég er með ´98 Pajeró sem er kominn í 135.000 km samkvæmt mæli en raunverulegur akstur er sennilega nær 150.000.

Bíllinn hefur mestann hluta ævinnar verið á 35" en síðustu 10.000 km á 38".

Ég veit ekki til þess að neitt hafi verið gert við vélina fyrr en um síðustu helgi en þá skipti ég um pústgrein. Svo er búið að skrúfa upp olíuverk, auka túrbínuþrýsting og stækka púst.

Fyrir utan þetta þá er búið að skipta um stýrisupphengjur, bremsuklossa og renna bremsudiska að framan en annað hefur ekki verið gert við bílinn.

ég á jeep cherokee 90 model 4,0L bensín 36" breyttan er ekin c.a 300.000 km er með mílumæli búið að fara í heddið það var ekkert svo langt síðan að það var

Sóti ekki er þessi viðhaldslausi Datsun sá sem er buið að skera sjóða og bæta í mynda albúminu hjá þér?nei bara spyr

orginal 2,4 disel turbo, er reyndar kominn í annan cruiser núna, um 300þkm , bara spíssar og tímareimaskipti!

Nei nei, segi nú bara svona.

Á eitt stykki Scott Octane fjallahjól sem hefur rúllað ófáa kílómetra og fengið að sæta miskunnarlausum pyntingum oft á tíðum, eina viðhaldið er bremsuklossar, dekk, gjarðir, gírhjól, öxlar, legur, o.s.frv. = Búið að skipta um allt nema stell og gírksifta.

Það er bara tómt kjaftæði að eiga bíla, þeir megna svo mikið!!!!!!!!!!!!!!!!!!!!!!

Hahahahahahahaha, nú fenguð þið vægt hjartaáfall og ætluðuð að skrifa llaannggaa grein um gæði og nytsemi sjálfrennireiðarinnar til að afdjöfla mig.

Þið skuluð spara ykkur það, reyndar er þetta með hjólið satt og rétt en EKKI HITT.

Fæ mér jeppa eftir 1-2 mánuði og verður það væntanlega 33-35" bíll. Ég hlakka mikið til að fara að ferðast á eigin jeppa og er í bili hrifnastur af 4.0 l Cherokee eða Explorer.

Mér finnst snilld þegar menn setja inn myndir af breytingunum sínum og skýringartexta með. T.d. eru a.m.k. 3 með mjög góðar myndir og uppls. um breytingar á Cherokee.

Svo smá spurning um explorer og cherokee: Hvað kosta upphækkunarsett í þá fyrir 33" eða 35" og hvaða sett fást hvar og hver hafa reynst vel. Hef heyrt að Vagnar og þjónusta selji góð sett í Jeep-inn.

Freyr

Fyrir að skrifa að mínir bílar eru báðir innan við 100000.
Á Kia Sportage 1997 33" ekinn 94000 ekkert farið að gera nema það sem telst eðlilegt tímareim, spindilkúla, og nýtt pústkerfi, síðan á ég Renault Clio 1992 sem er ekinn 80000, það eina sem er búið að gera fyrir utan að skipta um tímareim er að ég skipti um pakkdósir á sveifarás og kambás.
Kveðja Gunnar Már