This topic contains 12 replies, has 10 voices, and was last updated by 
-
Topic
-
Alveg kemst ég bara ekki yfir það hvað þetta er hrikalega slæm útfærsla á síðunni.
Það er ekkert þar sem það á að vera.
Vantar að geta séð nýja pósta.
Þetta er eins óaðgengilegt eins og hægt er að gera það.
Gamli vefurinn átti sína vankanta en hann var þó sirka eins og svona vefur á að vera.
Þessi nýji er einhver sú mesta eyðilegging á vef sem ég hef orðið vitni að.
Sorry ef ég er að særa einhvern en ef þið skoðið vefinn þá sjáið þið líka að menn eru nánast hættir að senda eitthvað inn hérna. Ég og flestir sem ég þekki eru hættir að nenna að kíkja hérna inn á spjallið.
Vona að þetta verði lagað og sett inn eitthvað normal „Theme“ þar sem allt er þar sem menn eiga von á að það sé.
-
Replies
-
Þegar ég fer á þennann vef dettur mér af einhverri ástæðu alltaf í hug sagan af nýju fötum keisarans.
Sælir
Ja hérna. Þetta er ekki gott að heyra.
Vefnefnd hefur kallað eftir aðstoð við að gera vefinn betri en hann var.
Og nú er búið að vera að eyða fullt af peningum og tíma félagsmanna í að breyta og uppfæra vefinn.
Það skal alveg viðurkennast að árangur er ekki eins og lagt var upp með, en allavega veit ég að stjórn og vefnefnd voru að vonast eftir því að við værum að fara í rétta átt.
Mjög gott væri að þeir sem hafa skoðun á þessu og geti lagt vefnefndinni lið, til að hjálpa í þessu máli.
ps:
Það sem ljóst er, er að vefnefnd hefur reynt að gera sitt besta í þessu og ég er viss um að þeir verða sárir ef þetta er ekki að virka.Kv
Friðrik _ gjaldkeri F4x4 (og vill ekki eyða peningum í ekkert)
Já það er sorglegt og þessi komment hjá mér voru ekki ætluð til að særa neinn en það hljóta samt allir að sem komu að þessu að sjá að þetta er ofsalega óaðgengilegt.
það sem mér finnst að bara svona í fljótu bragði að sé að eða mætti vera er þetta.það er of langt bil á milli pósta á síðunni þannig að maður sér bara tvo pósta áður en maður þarf að skrolla niður síðuna og sjá hvað næsti póstur er.
það vantar „Sjá nýja pósta“
það vantar „Sjá virka pósta“
það vantar „Sjá mína pósta“
Það vantar „Skilaboðin mín“
Það vantar almennilega leit. Þessi leit finnur ekki neitt og leitar t.d. ekki að notendanöfnum.
það vantar að þegar ég er kominn inn í t.d. Varahluti til sölu að þá geti ég slegið í leitarglugga þar orðinu „Alternator“ og þá leitar það bara í varahlutum að þessu orði.
Það vantar að þegar maður horfi yfir póstana að þá sjái maður byrjunina á greininni í póstinum, eins og er sér maður bara hver sendi inn og hver svaraði seinast, Af hverju eiginlega ?!?!Það vantar að þetta sé á „normal“ stöðum, ég man aldrei eftir að hafa þurft að hafa jafn mikið fyrir þvi að leita að einhverjum lið eða flokk eins og á þessari síðu eftir breytingar.
Það á helst ekki að þurfa að fara inn í „Almennt spjall“ til að sjá undirflokka, þeir ættu að vera aðgengilegir af forsíðu spjallsins, sama þyrfti að vera með hina flokkana.
Þetta þarf að vera allt aðgengilegt frá einu opnu „Desktop“ ef svo má orða það en ekki að ef ég vil sjá einhvern lið þá þurfi ég að fara ofan í „Spjallsvæði/Spjallið/Allt Annað/ogsíðanþráðurinnsemmiglangaðiaðskoða. Síðan þarf ég að bakka út úr þessu öllu til að geta farið sömu lönguvitleysu ofan í „Til sölu“ dálkinn.Almenningur er vanur því að á öllum spjallsíðum/Forums, séu hlutirnir alltaf á sömu stöðum, mismunandi útlit, letur eða form en alltaf er það mjög líkt svo það finna alltaf allir allt og allir eru strax „á heimavelli“ svo að segja þótt þeir hafi rétt byrjað að nota vefinn dagin áður, hérna er bara ekki neitt á „réttum“ stað og hver síðan á eftir annari opnast upp sem hálfgerð vonbrigði.
Vona að ég hafi allavega komið með einhverja jákvæða punkta sem hægt er að vinna úr.
Kv.
Alls ekki sammála. Er bara orðið mjög flott síða og þægilegt að taka þátt í spjalli og mjög létt að setja inn myndir.
Sæll Guðni.
Mér leist ekkert á formálann hjá þér en þú kemur hér með nokkrar staðreyndir.Spjallið var nánast afritað úr gamla Joomla vefnum okkar. Ekki var hægt að gera miklar breitingar við yfirfærslu úr Joomla og yfir í Word Press á heildarskipulagi spjallsins.
Við verðum að átta okkur á því að vefurinn er rétt að verða þriggja mánaða. Ég er fyrir löngu búin að sjá að það er allt of löng leið að stofna nýjan spjall og aulýsingarþráð. Það verkefni þarf mikla skoðun og verður ekki gert í einum grænum.
Nú erum við að klára ákveðin verkþátt og síðan verður farið í „Ganga í klúbbinn“ og aðra lagfæringar sem hafa verið ræddir á þræðinum Ný vefsíða.
Það eru þarna þættir hjá þér sem ég ætla að skoða og tek að sjálfsögðu vel í og fara á listann. Við skulum bíða og hjálpast að með verkið fram á næsta haust og athuga hvernig barnið hefur þroskast á þeim tíma.
Annars er allt í lagi með mig og gat ég ekki annað en brosað að byrjuninni á þessum þræði hér.
Kv. SBS. Ps. Guðni. Fyrst þú sýnir vefsíðunni svona mikin áhuga ættir þú að hafa samband við skrifstofu og ganga í klúbbinn.
Sælir.
Takk fyrir gott innlegg Guðni, öll gagnrýni á rétt á sér og margt að því sem þú ert að benda á er það sem kallast að gera vefinn notendavænni. Oft er það þannig að forritarar hugsa ekkert út í hvort vefur sem þeir hann sé notendavænn, þessi vefur hefur marga góða kosti en líka marga slæma sem þarf að laga og gerist það ekki nema menn láti skoðun sína í ljós. Félagsmenn okkar sem eru að vinna að vefmálum félagsins eru ekki öfundsverðir af því sem þeir eru að gera og til upplýsinga þá má segja að nánast allir þeir félagsmenn sem hafa komið að vefmálum félagsins haf hætt störfum fyrir klúbbinn og sumur hætt í félaginu. Það er greinilegt að vefurinn er mjög stór þáttur í starfi klúbbsins og þarf að vera góður, en til þess þurfum við aðstoð. Í dag eru tveir félagsmenn í vefnefnd og eyða miklum tíma í að gera vefinn betri. Fyrirtækið sem tók verkefnið að sér sá ekki fyrir hve verkefnið væri stórt og hafa ekki klárað þá vinnu sem lagt var upp með en vonandi kárast þeirra vinna fyrir áramót. Þá verður hægt að fara í aðra vinnu sem verður td. notendaviðmót, lagfæringar á spjalli og margt annað sem vefnefndarmenn eru búnir að setja á verkefnalistann. En endilega komið með kommennt á vefinn þannig að við getum endurbætt hann og gert hann að þeim vef sem við viljum að hann sé.
Sælir
Auðvitað er alltaf eitthvað sem má laga?????
Mér finnst síðan vera mjög fín eins og hún er að verða.
Auðvitað eitthvað af vankönntum, en comm on.
Orðið auðveldara að setja inn myndir og þessháttar ( á bara ekki mikið af þeim
)Kv Bjarki sem er ánægður með nýju síðuna
Sælir
Mér finnst þessi breyting vera sú best heppnaða hingað til, vefurinn er miklu smekklegri en áður, það sem mestu máli skiptir er á forsíðunni s.s. spjallið, tilkynningar o.s.frv. Myndasafnið er skemmtilegt og hægt að gleyma sér í óratíma að detta á random myndaalbúm, bara gaman.
Auðvitað eru vankanar á þessu en þær gömlu voru ekkert fullkomnar heldur, það mætti vera innskráning á hverri spjallsíðu þannig að ef maður finnur póst sem mann langar að ybba gogg í smellir maður beint á þann en fer ekki á sérstaka síðu og svo á forsíðuna o.s.frv., það er flókið að finna myndaalbúm ákveðinna notenda s.s. ef mann langar að sjá albúm ferðafélaganna er dálítið flókið o.s.frv.
Hinsvegar hef ég séð að síðan virkar ekki í öllum tölvum t.d. er vinnutölva hjá mér hreint ekki að sjá þessa síðu almennilega. Hún kemur öll í röð niður og maður sér ekki glóru fyrir einhverri bakmynd. Google Crome opnar hana betur en þetta er eitthvað fyrir vefnefnd að kíkja á.
Jólakveðja, Jón Garðar
Sæll Jón.
Þakka þér fyrir. Það er komið gott safn af tillögum til lagfæringar. Leit er ekki farin að virka eins og hún á að gera.
Ég hef fengið ábendingar um þetta atriði með bakgrunnsmyndina og hvíta grunninn. Það hefur þá verið vegna þess að menn eru með gamla óuppfærða vafrara. Þá er ráð að uppfæra þá.
Jólakv. SBS.
Eitt sem ég tek eftir er að síðan er þung í keyrslu, þegar maður er með 100mbit ljósleiðara en hún er samt lengi að opnast, lengi að opna myndir í myndagallerí, þá finnst mér eitthvað vera skrýtið , 5 sekúndur að opna næstu myndi í gallerí ef maður er að fletta, það er eitthvað óeðlilegt við það
Sæll Kjartan.
Þetta er rétt hjá þér. Það var búið að gefa honum aðeins inn en betur má ef duga skal. Hann er þó misjafnlega seinn. Fer líklega eftir hversu mikil umferð er á honum. Þetta verður að laga. Það eru allir sammála um það.Jólakv. SBS. ps. Annars þætti mér vænnu um að nota þráðinn „Ný vefsíða“ í uppbyggjandi umræðu um vefinn.
Ég verð að segja að ég kunni nú nokkuð vel við gamla vefinn. Hann var nokkuð einfaldur. Þó að hann hafi ekki verið gallalaus. Enda er ekki til sá hlutur sem er fullkominn. En ég er als ekki að fíla nýja vefinn og fynst hann vera hrikalega hægvirkur. Mér fynst hann vera orðinn altof flókinn. t.d þegar að ég fer í fréttir og tilkynningar þá koma bara þræðirnir upp á forsíuni og ekkert annað. Það hljóta nú að vera fleiri tilkynningar og ég finn ekkert alveg sama hvað ég leita. En ég hef fulla trú að þið sem stjórnið þessu eigið eftir að laga þetta og gera vefinn kanski aðeins einfaldari
Svo er altaf erfitt að venjast breytingum.
You must be logged in to reply to this topic.