Hvernig smurolíu?

Mobil 1 o-40w er líklega ein af þeim bestu. En þú getur líka feingið góða oliu fra Olis sem heitir havoline syntisk 5-40w sem kostar helminginn af því sem mobil kostar en stenst flesta af þeim stöðlum sem mobil setur sér. Settu þig bara í samband við Strákan á smurstöðinni á fosshálsi. Þeir eru sérfræðingar í öllu sem viðkemur jeppum og olium. Siminn þar er 567-3545.

Ég er með Esso ultra, 15 – 40 á Patrolnum, góð og tekur ekki of illa í pyngjuna..
Hjölli.

Það er nauðsynlegt fyrir bíla sem eru mikið á fjöllum á veturna að vera með syntesíska olíu á öllu. Hún er eina olían sem þolir mikið frost.
Og í miklum kulda snýst þetta einfaldlega um, þynnri því betra.

"Olíur með mismunandi seigju við sama hitastig fá ákveðna SAE tölu sem gefur til kynna seigjusvið olíunnar."

"Lægri SAE tala, þynnri olía; hærri SAE tala þykkari olía.
Olía með bókstafinn "W" gefur til kynna að seigja olíunnar er mæld við -18°c en olía án bókstafs er seigja olíunnar mæld við +100°c.
Þetta þýðir að fjölþykktarolía SAE 10W/30 hefur seigjuna við -18°c sem liggur á SAE 10W sviðinu en seigjan við +100°c liggur á SAE 30 sviðinu."

"SAE 10W/30 olía nær því yfir svið frá SAE 10W, 15W, 20W, 25W, 20, 30."

"Hafa skal í huga að SAE talan gefur ekki til kynna seigju heldur seigjusvið."

Upplýsingar úr dagbók Olís 2006.

Olís selur líka syntesíska olíu sem heitir Visco 7000 0W-40 og er frá BP. Hún er með sama seigjusvið og Mobil1 en er aðeins ódýrari.
Það eru líka til syntesískar gírolíur t.d. Multigear S 75W-90 frá Texaco, fæst í hjá Olís.

Syntesískar mótorolíur frá Olís eru t.d:

BP Visco 7000 0W-40
Havoline synthetic 5W-40
Vanellus E7 Supreme (hönnuð fyrir diesel, fæst aðeins í 20ltr og á smurstöðvum)

Kveðja
Þengill

Nær allir framleiðendur véla með samrásarinnsprautun (common rail), gera beinlínis kröfu til þess að á þær séu notaðar synthetiskar fjölþykktarolíur. Manni er allavega sagt að það sé þrýstingur frá smurolíukerfinu sem opni fyrir olíuflæðið inn á innsprautukerfi vélarinnar, og hún megi ekki vera þeirrar gerðar sem þykknar í kulda ef vélin á yfirleitt að fara í gang. Nú eru til blandaðar olíur, sumsé bæði úr synthetiskri og jarðefnaolíu og þær eru nokkuð ódýrari. Þær má víst nota á stöku vélar, en í flestum tilvikum er víst brýnt að nota þær olíutýpur, sem framleiðendur krefjast meðan vélarnar eru í ábyrgð a.m.k. Þetta hefur allavega verið lesið yfir mínum hausamótum og ég hef ekki þorað annað en fara eftir þessu.

Ég hef farið þá leið að nota Mobil 1 á veturnar en eitthvað ódýrari olíu á sumrin, þá einhverja 10W/40. Eins og einhver sagði hérna er synthetisk hágæða olía nauðsynleg ef menn eru að fara vetrarferðir á slóðir þar sem búast má við miklu frosti. Það er ekki víst að einhver 15W/40 olía renni yfir höfuð þegar frostið fer hvað hæst. Á bílum sem ekki eru notaðir til slíkra ferða er þetta kannski óþarfi.
Kv – Skúli